Ɛsidirasi 2:1 - Cebaara Bible 2010

¹ Bele Babilɔni fànʔafɔw Nebukadinezari da cò n kári Babilɔni ma lè, bele pe da yiri tári ni púlori ni n lúru n pan Zyerusalɛmi, ní Zyuda ma lè, poro be nyɛ bele naa. Pe myɛ nibin nibin maa baa tɛ́ɛn be kěyi ni.

Ɛsidirasi 2:1 Iomraidhean Croise

2 Fànʔafɔbèle 25:11

Syɛ́ɛnbèle wozanbèlē pe da kòro kěgi ni lè, poro bele pe da yiri n peyɛɛ gaan Babilɔni fànʔafɔw ma lè, poro ní syɛɛnnɛʔɛmi wogorobéle, Nebuzaradan wi lè gáridibèle kùndigi, a woro bele bee koli n kári.

1 Cányi kèlē 9:1

Pe maa Isirayɛli ye myɛw córo, níì be sɛ́bɛ Isirayɛli fànʔafɔbèle sɛ́bɛ ni. Zyuda ye maa cò n kári Babilɔni ma pe sìnzinmi kapyere kéele na.

1 Cányi kèlē 9:2

Syɛ́ɛnbèle bele pe baa tɛ́ɛn lè wozelibèle be kɔ́riyi ni, be kěyi ni, poro be pye Isirayɛli wóbèle pe lè sáriga-wòlobèle, ní Levii ye, ní Netinyɛbèle.

Ɛsidirasi 1:11

Tɛ́ɛw ní wálifiiw yárira myɛ nyɔ́ɔ maa pye selebingéle siin ní saala kɔrɔsiin. A Syesyibasari be pye a be lúgu ní di myɛ ní n kári tári ma lǎli ni wojobèle da yiri Babilɔni ni ni maa Zyerusalɛmi ma lè.

Ɛsidirasi 2:2

Pe n lúru n pan ní Zorobabɛli, ní Zyozuwe, ní Nehemii, ní Seraya, ní Erehelaya ní, n fàra Maridosye, ní Bilisyan, ní Misipari, ní Bigivayi, ní Erehumi, ní Baana na. Isirayɛli syɛ́ɛnbèle nànbēle nyɔ́ɔ gi nyɛ gee naa:

Ɛsidirasi 2:70

A sáriga-wòlobèle, ní Levii ye, ní syɛɛnfelegi wóbèle pe lè ŋùuvɔbèle pèle, ní kpàánweegèle kɔ̀rɔsiifɔɔlɔ, ní Netinyɛbèle sáà tɛ́ɛn be kěyi ni. A Isirayɛli wóbèle bele myɛ wɔ́ɔ sáà tɛ́ɛn be kěyi ni.

Ɛsidirasi 5:8

Fànʔafɔw n yɛlɛ bi gi cán wolo n kári Zyuda tári ma n sáà nan Kolocɔlɔɔ wogbɔɔw kpaʔa na. Pe n gi faan ní kadɛnɛgboloyo ní, níì tíiri taʔa gúnbiiyi na, fáliw i yaà ni sámagi ni kpéʔele, wi i syée yɛʔɛ̀ ma be kɔ́yi ni.

Ɛsidirasi 6:2

A be sɛ́bɛmigio nyaa Mɛdi ye tári kènirige ni ki lè Akimeta, wee ni sɔ̀ngudaara kéeli naa da sɛ́bɛ lè n jo:

Ɛsidirasi 8:35

Wojo-mí-káribèle be yìri púlori na n lúru n pan lè, a poro sáriga-sórigow naa wòlo Isirayɛli Kolocɔlɔw ma, wi n pye náapɛʔɛlɛ kɛɛ ní siin Isirayɛli ye myɛw kéele na, ní bàpɔɔlɔ togoye sicɛrɛ ní kpɔrigɔ ní kɔrɔni, ní bàpiigéle togoye taanri ní kpɔrigɔ ní kɔrɔsiin, n fàra kapeeli kùsulugo sáriga sikepɔɔlɔ kɛɛ ní siin na. Woro myɛ n pye sáriga-sórigoo Yawe ma.

Nehemii 12:1

Sáriga-wòlobèle bele ní Levii ye be lúru n pan ní Syeyalityɛli jáaw Zorobabɛli, ní Zyozuwe ní lè, poro be nyɛ bele naa: Seraya, ní Zyeremii, ní Ɛsidirasi,

Ɛsitɛri 1:1

Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ɛsitɛri 1:11

níì jo pe sa fànʔafɔjew Vasitii yeri wi fànʔafɔ-nyùndɔnni tɔ́n wi ba wi nìjanri tɛ̀ɛn syɛ́ɛnbèle, ní kùndigibèle na, níì cán wi maa tɔ̀nɔ n nyɔɔ.

Ɛsitɛri 1:3

wi fǎngi yɛɛdaanri wólo na, a wi lìigbɔɔlɔ sámaga wi kùndigibèle ní wi falipyebèle myɛ ma, ní Pɛrisi ní Mɛdi ye sùlasiibèle ma, n fàra tátɛɛyi mɛ́ɛyɛ fɔɔlɔ, ní guvɛrinɛɛribèle na.

Ɛsitɛri 1:8

Kajooli maa pye paa gbo ŋàʔanaga fun ni, níì cán fànʔafɔw maa gi joo n gbàn wi kpáagi falipyebèlē kundigibéle myɛ ma níì jo paa syɛ́ɛnbèle myɛ nibin nibin kaangi bi yɛlɛ ní gee ní be caa lè.

Ɛsitɛri 8:9

A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.

Ezayi 48:20

Ye yiri Babilɔni ni. Ye fàn ye yiri Kalide ye níngi ni! Yaa fundaanra yákpogéle wáa yaa kéeli bee jáari, ye li kéeli joo be lóʔo. Ye li cariga fwɔɔ li nan tári láʔala na. Ye gi joo ye jo: «Yawe n wi falipyew Zyakɔbi nyúngi syɔɔ.»

Zyeremii 50:19

Mii a Isirayɛli lúrugo pan wi tɛɛnaʔagi ma, wi a ba ra líi Karimɛli nyanbeleyi na, ní Basyan ni, wi a ra tíngi Efirayimi nyanbeleyi, ní Galaadi ni.

Kayaagi Nyɛnigɛ 1:3

Zyuda n cò n kári n pye faʔari ní pulogbanri wóo. Wi n tɛ́ɛn syɛɛnfeleyi nínge ni, wi si o ŋɔ́ndaala taagi yaà í. Wi wɔʔɔfɔbèle myɛ i nangi wi na wɔʔɔyi nínge ni.

Kayaagi Nyɛnigɛ 1:5

Wi kàsiitun-nyɛ́nbèle n fànʔa taa wi na, wi nigoobèle i nyɛ yɛɛ̀nyinge na. Níì cán Yawe n wi wɔʔɔ wi kapeenɛʔɛgèle kéele na. Wi pìíbèle n kíni ni syée púlori na wi kàsiitun-nyɛ́nw yɛ́ʔɛ ma.

Kayaagi Nyɛnigɛ 4:22

Calipili Siyɔn, mɔ kolomi n nan bi tɛɛ̀kwɔɔli na. Pe a ní mɔ cò kári í. Calipili Edɔmi, mɔ kolomi wɔʔɔlɔ wi a taʔa mɔ na, wi a mɔ kapeegèle múgu yaʔa.

Sofonii 2:7

Solomɔ lònyɔɔw bee a pye Zyuda kpáagi wozanbèlē wóo. Nɛɛ bee pe a ra be yaweeri nàʔá. Cángi ga kwɔ́ɔ Asikalɔn kpáayi a pye be tɛɛ̀syɔɔnyi. Níì cán Yawe be Kolocɔlɔw a kacànna pye be na, si be yirige púlori ni.

Kapyegèle 23:34

A guvɛrinɛɛriw sɛ́bɛw wéle níì Pɔli yíbe wi tári mɛ́ʔɛ na. A wi ga gi nyaa wi i nyɛ Silisii tári wówaa,