Ɛsidirasi 10:9 - Cebaara Bible 2010

⁹ A Zyuda, ní Bɛnzyamɛ nǎnbèle myɛ peyɛɛ gbóʔoro Zyerusalɛmi ni cányi taanri fúngo ni, koro n pye yeye kpanjɛrɛ wógi canya toko wógi na. Syɛ́ɛnbèle myɛ maa tɛ́ɛn Kolocɔlɔɔ kpáagi kàcoolo kadàala na. Pe maa ni cɛ̀lɛ́ kéeli bee na, ní àmɛɛ zěgi da ni tuun lè.

Ɛsidirasi 10:9 Iomraidhean Croise

Ɛsidirasi 10:10

Ɛsidirasi wi lè sáriga-wòlow, a woro yìri n yére níì be pye: «Amɛɛ yele syɛɛnfeleyaa càbala pɔri lè, koro n pye kapeʔe n níì kàa fàra Isirayɛli ye kolomi na.

Ɛsidirasi 10:3

Wolo a joogaanna kpéʔele lǎli naa ni ní wolo Kolocɔlɔw ní bi jo wolo a cébèle bee myɛ, ní be pìíbèle yaʔa bi yɛlɛ ní mii kàfɔw syɛ́ɛnrɛ, ní bele wóro ní be cɛ̀lɛ́ wolo Kolocɔlɔw tundunro yɛ́ʔɛ ma lè. Ki a kpéʔele bi yɛlɛ ní làlwaw ní.

Ɛsidirasi 10:8

Nɛɛ ní canya taanri fúngo ni, wee wi ga pye lè wi ga pan n yɛlɛ ní kùndigibèle, ní wolɛɛbèle syɛ́ɛnrɛ ní í, pe a wee bee kɔ́lɔ yárira myɛ syɔɔ wi na, si wi tiimaw nɛnɛ yirige wojo-mí-káribèle syɛɛnkpoʔolomɔ ni.

Ɛsidirasi 9:4

Bele myɛ pe da ni cɛ̀lɛ́ lè Isirayɛli Kolocɔlɔw syɛ́ɛnrɛ kéele na, a poro peyɛɛ gbóʔoro n pan mii ma, wojo-mí-káribèle kapeʔe kéele na. A mii funbɛɛnrɛtɔw tɛ́ɛn n kòro nya fwɔɔ n baa nan cângwɔɔgi nyɔ́ɔ sáriga làriwololo na.

Ɛsitɛri 2:16

A pe baa Ɛsitɛri láa n kári fànʔafɔw Asyerusi ma, fànʔafɔ-gbaagi ma yɛ́ɛli yeye kɛɛ wógi na, ki lè Tebɛti yégi, koro n pye wi fǎngi yɛ́ʔɛlɛ kɔrɔsiin wólo na.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Zyeremii 10:13

Lǎli ni wi ga kaana lè, lǒyi n kpóʔoro yiyɛɛ na nyɛ̀ʔɛni ni. Wi i fàfaanyi lúrugu ǹjogi ni nlaa yaà tári láʔala ma, wi i nyɛ̀ʔɛni nyɛ́ʔɛnɛmɛ kpéʔele zěgi kéele na, wi i káfalagi yirigi yaà gi tɛɛkɔnyi ni.

Zyeremii 36:22

Fànʔafɔw si maa pye wodɛ́ɛɔn ní wéeri làla kpaafungo ni, yɛ́ɛli yeye kpanjɛrɛ wóʔo na gi pye, kànʔana náa maa pye wi yɛʔɛ̀ ma.