Ɛsidirasi 10:5 - Cebaara Bible 2010

⁵ Lǎli bee ni a Ɛsidirasi yìri, níì sáriga-wòlobèle kùndigibéle, ní Levii ye, ní Isirayɛli ye myɛw kɔ́ri be kàli bi gi tɛ̀ɛn gee poro joo lè, poro a gi foro. A be kàli.

Ɛsidirasi 10:5 Iomraidhean Croise

Ɛsidirasi 10:3

Wolo a joogaanna kpéʔele lǎli naa ni ní wolo Kolocɔlɔw ní bi jo wolo a cébèle bee myɛ, ní be pìíbèle yaʔa bi yɛlɛ ní mii kàfɔw syɛ́ɛnrɛ, ní bele wóro ní be cɛ̀lɛ́ wolo Kolocɔlɔw tundunro yɛ́ʔɛ ma lè. Ki a kpéʔele bi yɛlɛ ní làlwaw ní.

Nehemii 10:29

Gee si gi syɛɛnsanbèle kéele kwɔ́ɔ lè, pe lè sáriga-wòlobèle, ní Levii ye, ní kpàánweegèle kɔ̀rɔsiifɔɔlɔ, ní ŋùuvɔbèle, ní Netinyɛbèle, ní bele myɛ be wàli n láʔa tátɛɛyi syɛɛnfeleye na bi taʔa Kolocɔlɔɔ làlwaw na lè, poro cébèle, ní be nànbiigèle ní be calipiigèle, poro bele myɛ ni sícilimɛ, ní cánna pye lè,

Nehemii 13:25

A mii i fúlo be na ní i be dángi. A mii i be pèle kpúmɔn, ní i be ǹjoori kíle ni kɔ́nɔgi, ní i be kɔ́ri pe i kɛ̀ɛ́ Kolocɔlɔɔ mɛ́ɛgi na, níì be pye: «Yele a kɔ́ ra yele pìíbèle pɔri bàā kaangi pe jáabèle ma í, yele a wɔ́ɔ kɔ́ ra be pìíbèle pɔri bàā kaangi yele jáabèle ma í, wàlá bàā be pɔri yele càbala í.

Nehemii 5:12

A be jo: «Wolo a di lúrugo be ma, wolo si a ní da yafyɛn caa be ma í. Wolo a gi pye àmɛɛ mɔ jo lè.» Lǎli bee ni a mii sáriga-wòlobèle yeri, ní baa be pye a be kàli pe yɛ́ʔɛ ma n gi tɛ̀ɛn poro a be nyɔɔsyɛɛnri foro.

Kàseegèle 1:5

Síciliw n yɛlɛ waa lúro, wi a kàa fàra wi cánni na, ní wee wi nyɛ lè kacaɔn, wi a wi tánʔaganmi sícilimɛ taa,

Kàseegèle 15:23

Syɔɔn nyɔ́ɔgi syɛɛnlurugoro ga nyɔɔ, ki i nyɛ wi ma fundaanra, bi syɛɛnsinri joo bi yɛlɛ ní di lǎli ní, a toro fundaanri si tóro.

Kàseegèle 27:9

Sǐnmi ní làtikɔliw i fundaanra kaangi fúngi ma, a tàannyɛnnɛ fûnnyingi si sɔ̀lɔ láliiw na syɔɔn kaangi wiyɛɛ ma lè.

Kàseegèle 9:9

Síciliw kaan, wi a ní cìlige bi sɔ̀lɔ. Cánna kaan syɛɛnsinw ma, kàa a fàra wi cánni na.

Matye 26:63

A Zyezu pyèri. A sáriga-wòlobèle kàfɔgbɔɔɔ wi pye: «Ki n yɛlɛ mi kàli Kolocɔlɔɔ woweew na, mí gi joo wolo ma kányɛʔɛ ni kapye mɔ wi nyɛ Kirisi, Kolocɔlɔɔ Jáaw.»