Ɛsidirasi 10:3 - Cebaara Bible 2010

³ Wolo a joogaanna kpéʔele lǎli naa ni ní wolo Kolocɔlɔw ní bi jo wolo a cébèle bee myɛ, ní be pìíbèle yaʔa bi yɛlɛ ní mii kàfɔw syɛ́ɛnrɛ, ní bele wóro ní be cɛ̀lɛ́ wolo Kolocɔlɔw tundunro yɛ́ʔɛ ma lè. Ki a kpéʔele bi yɛlɛ ní làlwaw ní.

Ɛsidirasi 10:3 Iomraidhean Croise

2 Fànʔafɔbèle 11:17

A Yehoyada joogaanna kpéʔele ní Yawe, ní fànʔafɔw, ní syɛ́ɛnbèle ní, lee syɛ́ɛnrɛ ti gi tɛ̀ɛn lè n jo poro a pye Yawe wòolo. A joogaanna wɔ́ɔ̀ pye fànʔafɔw ní syɛ́ɛnbèle nínge ni.

2 Cányi kèlē 29:10

Tɔ́ɔliw ni ki i nyɛ mii fúngi ni bi joogaanna kpéʔele ní Yawe ní, wi lè Isirayɛli ye Kolocɔlɔw, koro ga pye wi fundanʔari kafugbanga í kàri bi láʔa wolo na.

2 Cányi kèlē 30:12

Kolocɔlɔɔ kɔ́gi maa wɔ́ɔ̀ báara Zyuda ni n funnijanga kaan be ma, n gi yaʔa a be gi kpéʔele n yɛlɛ ní gee ní fànʔafɔw ní syɛɛnkpolobèle da joo n gbàn lè n yɛlɛ ní Yawe syɛ́ɛnri ní.

2 Cányi kèlē 34:21

«Yaa syée ye sa Yawe yíbe mii ní bele kéele na be kòro lè Isirayɛli, ní Zyuda ni, syɛ́ɛnri kéele na di nyɛ sɛ́bɛw naa ni wo nyaa lè. Níì cán Yawe fundanʔagbɔɔri n too n wolo tɔ́n àmɛɛ gi nyɛ lè wolo tóolɛɛbèle ga Yawe syɛ́ɛnri cò ní i gi kpéʔele n yɛlɛ ní gee myɛ ní gi sɛ́bɛ sɛ́bɛw naa ni lè í.»

2 Cányi kèlē 34:27

Amɛɛ mɔ wi syɛ́ɛnri lóʔo dee di joo tɛ́ɛgi naa, ní gi syɛ́ɛnbèle kánma na lè, á di mɔ círi mɔ fúngi ni, a mɔ miyɛɛ jɛ́rɛ Kolocɔlɔɔ yɛ́ʔɛ ma. Amɛɛ si mɔ miyɛɛ jɛ́rɛ mii yɛ́ʔɛ ma lè, níì mɔ búroyi sulugu, níì nyɛni mii yɛ́ʔɛ ma, mii n wɔ́ɔ̀ gi lóʔo. Yawe wi jo nya.

Ɛsidirasi 10:11

Tɔ́ɔliw ni ki n yɛlɛ ye yére yele kapeegèle ni Yawe yele tóolɛɛbèle Kolocɔlɔɔ yɛ́ʔɛ ma, ye wi nyɛnɛ kéeli kpéʔele. Ye yeyɛɛ wàli ye láʔa tári syɛɛnfeleye, ní syɛɛnfeleyi càbala na.»

Ɛsidirasi 10:44

Poro myɛw maa syɛɛnfeleyaa càbala láa. A cébèle bee pèle pìibēle see be ma.

Ɛsidirasi 10:9

A Zyuda, ní Bɛnzyamɛ nǎnbèle myɛ peyɛɛ gbóʔoro Zyerusalɛmi ni cányi taanri fúngo ni, koro n pye yeye kpanjɛrɛ wógi canya toko wógi na. Syɛ́ɛnbèle myɛ maa tɛ́ɛn Kolocɔlɔɔ kpáagi kàcoolo kadàala na. Pe maa ni cɛ̀lɛ́ kéeli bee na, ní àmɛɛ zěgi da ni tuun lè.

Ɛsidirasi 9:4

Bele myɛ pe da ni cɛ̀lɛ́ lè Isirayɛli Kolocɔlɔw syɛ́ɛnrɛ kéele na, a poro peyɛɛ gbóʔoro n pan mii ma, wojo-mí-káribèle kapeʔe kéele na. A mii funbɛɛnrɛtɔw tɛ́ɛn n kòro nya fwɔɔ n baa nan cângwɔɔgi nyɔ́ɔ sáriga làriwololo na.

Nehemii 10:1

Gee bee myɛ kéele na, a wolo tɔ̀nɔ n nyɔɔfaliga kpéʔele, gee wolo sɛ́bɛ lè, a wolo kùndigibèle, ní Levii ye pe lè wolo wóbèle, ní wolo sáriga-wòlobèle be fɛ̀ɛ́bèle taʔa sɛ́bɛw bee na.

Nehemii 8:14

A be gi nyaa wozɛbɛgɛ ní làlwaw sɛ́bɛ ni ncan Yawe maa gi tɛ̀ɛn Mowizi na a wi gi joo níì jo, Isirayɛli ye maa yɛlɛ paa tɛ̀ɛ́n kpáagèle láara ni, yéyi kɔrɔsiin wóʔo séri làla ni,

Ŋúnuyi 119:120

Mii céri i cɛ̀lɛ́ mii na mɔ yɛ́ɛgi fyáara báriga ni, mɔ kútiiw kèlē fyáara i nyɛ mii na.

Ŋúnuyi 119:59

Mii i sɔ̀ngí mii kóloyi kéele na, níì mii tɔ́lɔyi fíige mɔ kajoogèle kàbaan na.

Ezayi 66:2

Yáriri bee myɛ, mii kɔ́gi ki di sámaga, a yáriri bee myɛ pye beè,» Yawe wi jo nya. «Wéle, wee kéele li kpɔ́ʔɔ mii ma lè, woro wi nyɛ foomɔfɔwee fúngo báriga wi kwɔ́ɔ lè, woro wee wi cɛ̀lɛ́ mii syɛ́ɛnri kéele na lè.

Ezayi 8:20

Làlwaw, ní séeraw má gi yɛlɛ syɔɔn í da lúro. Syɔ́ɔnwee jooganma ga pye lè pi ga yɛlɛ ní dee bee ní í, nyǐnjerigi gbɛ̀ɛnmɛ o nyɛ wi ni í.»

Ezekyɛli 9:4

A Yawe wi pye: «Sɔ̀lɔ mi màʔa kěgi nínge ni, Zyerusalɛmi níngi ni, mi fɛ̀ɛ kpúmɔn syɛ́ɛnbèle gbáagéle na, bele be cɛ́ɛn lè, ní i nyaan yanɔnʔɔyi myɛ kéele na yi kpéʔele lè gi ni.»

Làlwaw Kaanziin 29:12

koro ga pye bi mɔ télege níjanʔa mɔ í pye woro syɛɛnfelege, woro tiimaa si pye mɔ Kolocɔlɔw àmɛɛ wi gi joo mɔ ma lè, ní àmɛɛ wi da kéeli bee joo ní kàliga ní mɔ tofɔlɛɛyi ma lè yi lè Abirahami, ní Izaaki, ní Zyakɔbi.

Zyozuwe 9:6

A be kári Zyozuwe ma n sáà gi joo wi ní Isirayɛli nǎnbèle ma be pye lè wodɛ́ɛnbéle ní Giiligali ni níì jo: «Wolo n yìri táleelire ma. Ki n yɛlɛ ye joogaanna kpéʔele ní wolo ní.»