Ɛsidirasi 10:1 - Cebaara Bible 2010

¹ N Ɛsidirasi yaʔa wi i nyaan níì tìgi n too Kolocɔlɔɔ kpáagi yɛ́ʔɛ ma, ní i nyɛ́ɛrigi naa nyɛ́ɛri ní i be kapeeli nyuu ni tèé kánmi naa na a Isirayɛli syɛɛnnɛʔɛmɛ piyɛɛ gbóʔoro wi taana nǎnbèle ní cébèle, ní pìíbèle, a syɛ́ɛnmi tɔ̀nɔ n nyatinnɛʔɛmɛ wo.

Ɛsidirasi 10:1 Iomraidhean Croise

1 Fànʔafɔbèle 8:30

Mɔ falipyew, ní mɔ syɛ́ɛnbèle Isirayɛli ye nyɛ́ɛrigbɔɔgi lóʔo lǎli ni pe ga ni nyɛ́ɛri lè tɛ́ɛgi naa ni. Lóʔo be ma bi mɔ yaʔa wodɛ́ɛɔn ní nyɛ̀ʔɛni na mɔ tɛɛkòrogi ni, lóʔo be ma mí be kùsulugi syɔɔ.

1 Fànʔafɔbèle 9:3

A Yawe wi pye: «Mii n mɔ nyɛ́ɛrigi ní mɔ nyɛ́ɛrigbɔɔgi lóʔo. Kpáagi naa mɔ faan lè, mii n gi yaʔa kɔlɔ̀ na niyɛɛ ma, koro gee na mɔ mii mɛ́ɛgi taʔa lè gi kòro gi na làla o làla. Mii nyɛ́nɛ ní mii fúngi a pye gi na làla o làla.

2 Cányi kèlē 20:13

A Zyuda ye myɛw yére n kòro Yawe yɛ́ʔɛ ma àlí ní be pìiyilibèle ní, n fàra be cébèle, ní be jáabèle na.

2 Cányi kèlē 20:9

‹Wɔʔɔlɔ ga nan wolo na, gee bee n jo, ŋɔséew, wàlá kútiiw, wàlá káfalagi yáama, wàlá kateekpɔʔɔ, wolo a ba yére kpáagi naa yɛ́ʔɛ ma, ní mɔ yɛ́ʔɛ ma. Níì cán mɔ mɛ́ɛgi i nyɛ kpáagi naa ni. Wolo a ra mɔ yiri wolo fɔ̀rɔgi fúngo ni mɔ í wolo syɔɔ. Mɔ a lóʔo wolo ma si wolo syɔɔ.›

Ɛsidirasi 10:6

A Ɛsidirasi náà yìri n núngo Kolocɔlɔɔ kpáagi yɛ́ʔɛ ma, n sáà jée Yohanan kpaafungi ni, wi lè Eliyasyibi jáaw. Wi jée yaà lè, wi ga búru lìi í, wi ga lɔ̀ʔɔ gbaa í, níì cán wi maa pye kùu káyaʔa na wojo-mí-káribèle kapeʔe kéele na.

Nehemii 1:4

Lǎli ni mii syɛ́ɛnri bee lóʔo lè, a mii tɛ́ɛn n nyɛni, a gi pye mii ma kùu káyaʔa n canya saʔa kwɔ́ɔ. A mii súnw le ní i nyɛ́ɛri nyɛ̀ʔɛni Kolocɔlɔɔ yɛ́ʔɛ ma.

Nehemii 1:6

ki n yɛlɛ mi mɔ líiyi cáan, mí mɔ nyapiigèle múgu mi mɔ falipyew nyɛ́ɛrigɛ lóʔo. Mii i nyɛ nyɛ́ɛrigɛ na mɔ yɛ́ʔɛ ma lǎli naa ni, canʔa ní yébilige, mɔ falipyebèle Isirayɛli ye kéeli na. Mii n yére Isirayɛli ye kapeegèle ni, kapeegèle wolo pye mɔ na lè. Mii ní mii kpáagi wòolo n kapeele pye.

Nehemii 10:28

ní Maluki, ní Harimi, ní Baana.

Nehemii 8:9

Nehemii wi lè guvɛrinɛɛriw, ní Ɛsidirasi wi lè sáriga-wòlow ní sɛ́bɛkanw, ní Levii ye pe da ni syɛ́ɛnbèle tama lè, a poro gi joo syɛ́ɛnbèle myɛ ma níì jo: «Cángi naa i nyɛ cangaa, gee gi yaʔa lè Yawe yele Kolocɔlɔw ma. Yele a kɔ́ gi yaʔa gi pye yele ma kùu kayaʔa ní nyatinmɛ í.» Níì cán lǎli ni syɛ́ɛnbèle myɛ làlwaw syɛ́ɛnrɛ lóʔo lè, pe maa ni nyaan.

Ŋúnuyi 119:136

Lɔ̀ʔɔ saʔa i fóo ni yirigi mii nyapiigèle ni, níì cán pe o mɔ lalwaw có í.

Ŋúnuyi 32:5

Mii n mii kapeeli joo n tɛ̀ɛn mɔ na, mii ga mii kolomi làriga í. Mii n gi joo níì jo: «Mii a yére mii kolomi ni Yawe yɛ́ʔɛ ma!» A mɔ mii kapeeli kolomɔ kusulugo syɔɔ. Ŋɔ́ndaala

Zyeremii 13:17

Yele ga pye ye ga lóʔo í, mii a ra nyaan yele nɛ̀ɛnyɛnɛgi kéele na làrama ni. Mii a ra nyatinmɛ ŋuu, mii nyapiigèle a ra nyatinmɛ ŋuu, níì cán Yawe yaweeri gboolo a cò bi kári.

Zyeremii 9:1

Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.

Danyɛli 9:20

Mii maa sèʔê pye jooli na, mii maa ni nyɛ́ɛri, mii maa ni mii kapeeli nyuu ni tèé, ní mii syɛ́ɛnbèle Isirayɛli ye kapeeli, ní i mii nyɛ́ɛrigboloyi nyɛ́ɛri Yawe mii Kolocɔlɔw ma, mii Kolocɔlɔw nyanbejànga kéele na.

Oze sɛ́bɛw 14:2

Isirayɛli, lúru mi pan Yawe mɔ Kolocɔlɔw ma, níì cán mɔ n kpírige n too mɔ kolomi kéele na.

Zakarii 12:10

Lǎli bee ni mii a kpɔʔɔrɔ pìle ní nyɛ́ɛrigbɔʔɔ pile tìrige bi tɔ́n Davidi kpáagi, ní Zyerusalɛmi ye na, pe si a ra wéle mii ma, mii wee be súu n fùru lè. Pe a pye wi kùu káyaagi na, àmɛɛ syɔɔn gáà pye pìinibinge kuu káyaʔa na lè, pe a ra nyaan wi kéeli na gbanʔama, àmɛɛ syɔɔn nyaan lè gbanʔama pìiselio fɔnnɔ kéele na.

Matye 3:6

A wi sa ni be batize Zyuridɛnw cábiga ni. Pe si maa ni yèré be kapeegèle ni.

Luki 19:41

Amɛɛ wi sa ni nùuní lè kěgi na níì gi wéle n nyaa, a wi fala ni nyaan gi kéeli na

Kapyegèle 10:30

A Kɔrɔnɛ jo: «Ki canya sicɛrɛ wi nyɛ níjanʔa, cángi bee níbeena nyɔʔɔmɔ na mii da ni Kolocɔlɔɔ nyɛ́ɛri mii kpáagi ni cangàrigi na, ní kɔ́ɔ̀ nànwaa foo n nyaa woyéreo ní niyɛɛ daana ní buroviige ní, a ki i fíligi kere kere.

Kapyegèle 21:5

Cányi bee kwɔ́ɔlɔ kadoʔo ma, a wolo kólogi láa ni syée, a pe myɛ sáà wolo tórigo, poro, ní be cébèle, ní be pìíbèle n yiri kěgi kàdoʔo ma. A wo kpùmɔnɔ nɛɛ bee lǒgi kàgomɔ na níì Kolocɔlɔɔ nyɛ́ɛri.

Wɔrɔmi ye 9:2

Koro gi nyɛ mii fúngi n curugo gbanʔama ní i mii yáa làrigèle myɛ ni.

Làlwaw Kaanziin 31:12

Mɔ a syɛ́ɛnbèle kpóʔoro, nǎnbèle, ní cébèle, ní pìíbèle, ní nibɔnw wi baa tɛ́ɛn ní mɔ ní mɔ tɛ́ɛgi ni lè, koro ga pye pe di lóʔo si tamana taa bàā fɛ̀ɛgí Yawe mɔ Kolocɔlɔw na, si làlwaw naa syɛ́ɛnrɛ myɛ cò sáā di kpéʔele.

Zyozuwe 7:6

A Zyozuwe wi búroyi sulugu níì too n yɛ́ɛgi cíbele tári na Yawe kásuw yɛ́ʔɛ ma fwɔɔ n baa nan cângwɔɔgi nyɔ́ɔ na, n fàra Isirayɛli wolɛɛbèle na, á be támiigi wo peyɛɛ nyúnyi ni.

Zyozuwe 8:35

Syɛ́ɛnri myɛ Mowizi sɛ́bɛ lè, a Zyozuwe ti myɛ wéle n joo Isirayɛli syɛ́ɛnmi myɛ ma. Wi ga di tàa faala yaʔa sìnwéle ni í. Lǎli ni wi da ni di wéle lè, cébèle ní pìíbèle n pye yaà, n fàra nibɔnbèle na be nyɛ be níngi ni lè.