Ɛsidirasi 1:6 - Cebaara Bible 2010

⁶ Bele myɛ pe da be màʔa lè a poro be dɛ̀ɛmɛ ní wálifiio, ní tɛɛ̀ yárira ní n fàra kɔlɔ̀ yataara, ní yaweere, ní lɔnɛʔɛrɛ na, n wɔ́ɔ̀ fàra kínidɛnɛgi yakaanra féleye myɛ na.

Ɛsidirasi 1:6 Iomraidhean Croise

1 Cányi kèlē 29:9

A syɛ́ɛnbèle fundaanra pye pe kínidɛnɛgi yakaanya kéele na. Níì cán pe maa kaan Yawe ma ní fúngo nibin ní. A fànʔafɔw Davidi wɔ́ɔ̀ fundaanra kpéʔele gbanʔama.

Ɛsidirasi 1:4

Bele myɛ be kòro lè syɛɛnfelegi ni, tɛʔɛ o tɛʔɛ ni pe ga pye lè wodɛ́ɛnbéle ní, tɛ́ɛgi bee syɛ̀ɛnnɛ n yɛlɛ bi wálifiio, ní tɛɛ̀, ní kɔlɔ̀ yataara kaan be ma, n fàra yaweere, ní kínidɛnɛgɛ yakaanra na, Kolocɔlɔɔ kpáagi kéele na wi nyɛ lè Zyerusalɛmi ni.› »

Ɛsidirasi 8:33

Canya sicɛrɛ wógi na, a wálifiiw, ní tɛ́ɛw, ní yayigeleri cáan cúlow na wolo Kolocɔlɔw kpaʔa ni n le sáriga-wòlow Meremɔti kɔ́yi ni wi lè Urii jáaw. Fineyasi jáaw Eleyazari maa pye yaà ní wi ní. Levii ye, ní Yozabadi wi lè Zyozuwe jáaw, ní Nowadya wi lè Binuyi jáaw, poro maa wɔ́ɔ̀ pye yaà ní be ní.

Nehemii 6:9

Syɛ́ɛnbèle bee myɛ maa ni caa bi wolo kàriga wolo í da fɛ̀ɛgí, níì jo: «Pe bárigaw a kwɔ́ɔ, fáliw si a ní kpéʔele í.» Tɔ́ɔliw ni, fànʔa le mii kɔ́yi ni ee Kolocɔlɔɔ.

Ŋúnuyi 106:46

níì gi yaʔa bele pe be cò n kári púlori na lè, a poro myɛ nyinimɛ taa be na.

Ŋúnuyi 110:3

Mɔ syɛ́ɛnbèle tɔ̀nɔ́ i cángi sige, gee ni mɔ a mɔ kapɛɛnkpumɔnbèle kpóʔoro lè, fèreri yacanvororo si pye be na nyǐnjerigi na. Mɔ wojáribèle i maa àmɛɛ nyǐnjerige kásaga nyɛ lè!

Yirile 12:35

Isirayɛli ye maa wálifiio yárira, ní tɛɛ̀ yárira ní yalere nyɛ́ɛri Ezyipiti ye ma n yɛlɛ ní gee ní Mowizi da joo lè.

Yirile 12:36

A Yawe gi yaʔa a Isirayɛli ye kéeli kpɔ́ʔɔ Ezyipiti ye ma. Pe ga yárigee faala nyɛ́ɛri lè, Ezyipiti ye n gi kaan be ma. Kánmi bee na Isirayɛli ye Ezyipiti ye fuguri.

Ezayi 35:3

Ye fànʔa fun kɔ́yi dɛ̀ɛmɛ, yé fànʔa le fànʔa fun yégunyi ni.

2 Korɛnti ye 9:7

Gee syɔɔn o syɔɔn tímana lè wi fúngi ni, ki n yɛlɛ waa kaangi bi yɛlɛ ní gee bee ní, ki ga yɛlɛ waa kaangi ní funbɛɛnrɛ ní í, koro ga jáa mɔ a jo ŋàʔanaga kéele lii í. Níì cán wee wi kaangi lè ní fundaanra ní, wee bee kéele n Kolocɔlɔɔ dɛ́nɛ.