Ɛsidirasi 1:4 - Cebaara Bible 2010

⁴ Bele myɛ be kòro lè syɛɛnfelegi ni, tɛʔɛ o tɛʔɛ ni pe ga pye lè wodɛ́ɛnbéle ní, tɛ́ɛgi bee syɛ̀ɛnnɛ n yɛlɛ bi wálifiio, ní tɛɛ̀, ní kɔlɔ̀ yataara kaan be ma, n fàra yaweere, ní kínidɛnɛgɛ yakaanra na, Kolocɔlɔɔ kpáagi kéele na wi nyɛ lè Zyerusalɛmi ni.› »

Ɛsidirasi 1:4 Iomraidhean Croise

1 Cányi kèlē 29:17

Ee mii Kolocɔlɔw, mii n gi cán ncan mɔ i syɔɔn fúngi sɛʔɛ ni wéle, a sínni kéele wɔ́ɔ̀ mɔ dɛ́nɛ, a mii si wɔ́ɔ̀ kínidɛnɛgɛ yakaanyi naa myɛ kaan mɔ ma ní fûnzinge ní, a mii wɔ́ɔ̀ gi nyaa lǎli naa ni mɔ syɛ́ɛnbèle be nyɛ lè nɛɛ woyérebéle ní, poro n kínidɛnɛgɛ yakaanya kaan mɔ ma, a koro pye mii ma fundaanra.

1 Cányi kèlē 29:3

N fàra gee bee na, tɛ́ɛw, ní wálifiiw mii taa lè, wi nyɛ mii tiimaa ma lè, àmɛɛ Kolocɔlɔɔ kpáagi kéele mii dɛ́nɛ lè, mii n wi kaan mii Kolocɔlɔw kpaʔa kéele na, n fàra yáriree myɛ na mii sámaga n yaʔa tɛɛcǎngi kéele na lè.

1 Cányi kèlē 29:9

A syɛ́ɛnbèle fundaanra pye pe kínidɛnɛgi yakaanya kéele na. Níì cán pe maa kaan Yawe ma ní fúngo nibin ní. A fànʔafɔw Davidi wɔ́ɔ̀ fundaanra kpéʔele gbanʔama.

2 Cányi kèlē 31:14

Kore wi lè Levii wówaa, wi pye lè Yimina jáaw, ní i nyɛ Canʔafolomɔ kpàánweeli kɔ̀rɔsiifɔlɔ, woro wi pye kínidɛnɛgi yakaanra nyúngo na, dee be kaangi Kolocɔlɔɔ ma lè, koro ga pye yáriree be yirigi ni kaangi Yawe ma lè, ní yacandeleri, waa di lee.

Ɛsidirasi 1:3

Wee wi ga pye lè yele ni wi syɔɔnwaa, ki n yɛlɛ wi Kolocɔlɔw í pye ní wi ní, wí lúgu wi kári Zyerusalɛmi ma, ki nyɛ lè Zyuda ni, wi sa Yawe kpáagi faan wi lè Isirayɛli Kolocɔlɔw. Woro wi nyɛ Kolocɔlɔw, wi nyɛ lè Zyerusalɛmi ni.

Ɛsidirasi 1:5

Lǎli bee ni a Zyuda ní Bɛnzyamɛ narigbaayi kùndigibéle yìri n fàra sáriga-wòlobèle, ní Levii ye na, bele myɛ fúnyo ni Kolocɔlɔɔ da sɔ̀ngurɔ lége lè, a poro yìri n kári sa Yawe kpáagi faan wi nyɛ lè Zyerusalɛmi ni.

Ɛsidirasi 9:15

Yawe, Isirayɛli Kolocɔlɔw, mɔ n sín, níì cán wolo n kòro níjanʔa àmɛɛ wogorobéle nyɛ lè. Wolo wo nyɛ bele mɔ yɛ́ʔɛ ma ní wolo kolomi ní, bi si pye kánmi bee felege na, wolo a gbǎn yére mɔ yɛʔɛ ma í.»

Yirile 35:29

Fáliwee kéele Yawe da joo n gbàn Mowizi ma níì jo wi kpéʔele lè, Isirayɛli ye myɛw, n nǎnbèle pínɛ cébèle ni poro bele myɛ fúnyo ni gi pye bi kaan fáliw kéele na lè a poro pan ní kínidɛnɛgɛ yakaanra ní Yawe ma.

Ezayi 10:21

Wogorobéle a lúru pan, pe lè Zyakɔbi wogorobèle, Séew Kolocɔlɔɔ ma.

Kapyegèle 24:17

Amɛɛ yɛ̀ʔɛlɛ saʔa kwɔ́ɔ lè mii ga níì kári Zyerusalɛmi ma í, gee bee na mii da kári sa kpɔʔɔrɔ kaan mii tári syɛ̀ɛnnɛ ma, si wɔ́ɔ sáriga wòlo Kolocɔlɔɔ ma.

Galasi ye 6:2

Yaa yeyɛɛ túgori tugu, kánmi bee na yele a Kirisi làlwaw foro.