Ɛsidirasi 1:3 - Cebaara Bible 2010

³ Wee wi ga pye lè yele ni wi syɔɔnwaa, ki n yɛlɛ wi Kolocɔlɔw í pye ní wi ní, wí lúgu wi kári Zyerusalɛmi ma, ki nyɛ lè Zyuda ni, wi sa Yawe kpáagi faan wi lè Isirayɛli Kolocɔlɔw. Woro wi nyɛ Kolocɔlɔw, wi nyɛ lè Zyerusalɛmi ni.

Ɛsidirasi 1:3 Iomraidhean Croise

1 Fànʔafɔbèle 18:39

Lǎli ni syɛ́ɛnbèle myɛ gee bee nyaa lè, a be too n be yɛ́ɛyi cíbele tári na níì jo: «Yawe wi nyɛ Kolocɔlɔɔ! Yawe wi nyɛ Kolocɔlɔɔ!»

1 Fànʔafɔbèle 8:23

níì jo: «Yawe Isirayɛli ye Kolocɔlɔw, kolocɔlɔwaa o nyɛ mɔ félege nyɛ̀ʔɛgèle ni yaà ǹjogi ni í wàlá naa táàma tári na í, mɔ wee wi joogaanni ní funjǎngi kéele sámaga n cò lè mɔ falipyebèle kàbaan na, poro bele be táanri mɔ yɛ́ʔɛ ma lè ní be fúnyi myɛ ní.

1 Cányi kèlē 28:20

A Davidi wi jáaw Salomɔn pye: «Nìrimɛ le, mi lòmaana le, máā báara. Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Níì cán Yawe Kolocɔlɔɔ wi lè mii Kolocɔlɔw, woro a pye ní mɔ ní, wi a tée mɔ yaʔa í, wi a tée láʔa mɔ na í fwɔɔ bi taa fáliw myɛ wi nyɛ lè Yawe kpáagi kéele na, wi ba kwɔ́ɔ.

Ɛsidirasi 1:4

Bele myɛ be kòro lè syɛɛnfelegi ni, tɛʔɛ o tɛʔɛ ni pe ga pye lè wodɛ́ɛnbéle ní, tɛ́ɛgi bee syɛ̀ɛnnɛ n yɛlɛ bi wálifiio, ní tɛɛ̀, ní kɔlɔ̀ yataara kaan be ma, n fàra yaweere, ní kínidɛnɛgɛ yakaanra na, Kolocɔlɔɔ kpáagi kéele na wi nyɛ lè Zyerusalɛmi ni.› »

Ɛsidirasi 4:3

Kàjáa a Zorobabɛli, ní Zyozuwe, ní Isirayɛli narigbaayi kùndigibèle bele be yari: «Wolo ní yele ga yɛlɛ bi pínɛ kpaʔa faan wolo Kolocɔlɔw ma í, wolo yagwɔɔlɔ wo a gi faan Yawe Isirayɛli ye Kolocɔlɔw ma àmɛɛ Pɛrisi fànʔafɔw Sirusi gi joo n gbàn wolo ma lè.»

Ɛsidirasi 5:13

Koro ní ki myɛ ní, Sirusi fǎngi yɛɛzelile na wi pye lè fànʔafɔlɔ Babilɔni ni, a fànʔafɔw Sirusi gi joo n gbàn níì jo Kolocɔlɔɔ kpáagi naa í ní faan.

Ɛsidirasi 5:3

Lǎli bee wonijanna ni Tatinayi, wi lè cábigi jelige guvɛrinɛɛri, ni Syetari-Bozinayi, ní be pínɛnyɛnbèle pan be ma n baa gi joo be ma kánmi naa na níì jo: «Wìí wi gi joo yele ma níì yele pye yele í kpáagi naa faan, si ní gi tǒw sámaga wi nyɔɔ?»

Ɛsidirasi 6:7

Ye Kolocɔlɔɔ kpáagi bee fáli yaʔa waa syée. Ki n yɛlɛ Zyefubèle guvɛrinɛɛri ní Zyefubèle wólɛɛbéle í ní gi faan gi tɛ́ɛgi ni.

Ŋúnuyi 132:13

Níì cán Yawe n Siyɔn nyɛ́nɛ n wòlo, ki n wi dɛ́nɛ bi gi pye wi tɛɛ̀tɛ́ɛnni. Wi n jo:

Ŋúnuyi 83:18

Fɛ̀ɛrɛ í be taa, fyáara í be cò làla o làla, ki n tɔ̀nɔ n yɛlɛ be curugo, bi kálagi!

Ezayi 37:16

«Ee Yawe, mɔ wi lè Nyɛ̀ʔɛni Sùlasiibéle Kafɔlɔ, Isirayɛli ye Kolocɔlɔw, mɔ wee wi lè wodɛ́ɛɔn ní syerubɛnbèle ǹjoʔo ni, mɔ nibin wi nyɛ tári fànya myɛ Kolocɔlɔɔ. Mɔ wi nyɛ̀ʔɛni ní tári kpéʔele.

Ezayi 44:28

Mii wi gi nyuu Sirusi kéeli na níì jo: ‹Mii bànaʔaw, wee wi a mii kanidaangèle myɛ foro lè. Wi a gi joo Zyerusalɛmi kéeli na si jo: Ki n yɛlɛ ki ní faan kavɔn. Ní kpɔ̀ʔɔrɔli kpaʔa kéele na, si jo: Ki n yɛlɛ ki ní le.› »

Ezayi 45:5

Mii wi nyɛ Yawe, wàa nikwɔɔ ní o yaà í, wàa ní o nyɛ Kolocɔlɔɔ n fàra mii na í. Mii n sɛntiiri pwɔɔ mɔ na, àlí bi gi taa mɔ ga mii cán í.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Danyɛli 2:47

A fànʔafɔw gi joo Danyɛli ma níì wi pye: «Kányɛʔɛ na yele Kolocɔlɔw tɔ̀nɔ́ wi nyɛ kolocɔlɔbèle Kolocɔlɔɔ, ní fànʔafɔbèle Kàfɔlɔ, ní kalaragèle tɛ̀ɛnfɔlɔ. Níì cán mɔ n gbàn n kalarali naa tɛ̀ɛn.»

Danyɛli 6:26

Koro kàdoʔo ma, a fànʔafɔw Dariyusi sɛ́bɛ sɛ́bɛ n tórigo syɛ́ɛnbèle myɛ, ní syɛɛnfeleyi ma, ní syɛɛnfeleri myɛ joofɔɔlɔ ma pe nyɛ lè tári myɛ ni, níì jo: «Ki n yɛlɛ yɛɛ̀nyingi í pye yele ma saʔa.

Matye 28:20

yáā be tama paa kérigèle myɛ kpéʔele gele mii joo n gbàn yele ma lè. Ye wéle, mii i nyɛ ní yele ní canʔa o canʔa bi taa sa nan gi kwɔ́ɔmi na.»

Kapyegèle 10:36

Wi n wi syɛ́ɛnri tórigo Isirayɛli ye yòdaʔayi ma, di lè yɛɛ̀nyingi syɛɛnjóocànra dee wi joo lè wo ma Zyezu Kirisi bárigaw ni, woro wee wi nyɛ lè syɛ́ɛnbèle myɛ Kàfɔlɔ.

Làlwaw Kaanziin 32:31

Níì cán pe fálagi o nyɛ àmɛɛ wolo Fálagi nyɛ lè í. Wolo nigoobèle i nyɛ gi séerabéle.

Zyozuwe 1:9

Mii ban wi gi joo n gbàn mɔ ma ì níì jo ki n yɛlɛ mi nìrimɛ le, mí lòmaana le ì? Mɔ a kɔ́ ra fɛ̀ɛgí í. Zɔ̀nviige ga yɛlɛ kaa mɔ kɔɔn í, níì cán tɛʔɛ o tɛʔɛ ni mɔ ga kári lè, mii Yawe mɔ Kolocɔlɔw i nyɛ ní mɔ ní.»