Ɛsidirasi 1:2 - Cebaara Bible 2010

² «Pɛrisi fànʔafɔw Sirusi n jo: ‹Yawe wi lè nyɛ̀ʔɛni Kolocɔlɔɔ, wi n tári fànya myɛ kaan mii ma, níì mii pye mii í kpaʔa faan woro ma Zyerusalɛmi ni, ki nyɛ lè Zyuda ni.

Ɛsidirasi 1:2 Iomraidhean Croise

1 Fànʔafɔbèle 8:27

Kàjáa a Kolocɔlɔɔ a zǐn ba tɛ́ɛn lé tári na kányɛʔɛ na? Wéle, nyɛ̀ʔɛni ní li kpɔ́ʔɔganmi myɛ ní, li n cɛ́rɛ mɔ ni, n náa kɔ́ɔ̀ yére kpáagi naa na mii faan lè.

2 Cányi kèlē 2:12

Mii i nànwaa tórogi mɔ ma wee tɔ́ɔliw ni wi lè fáliw cánvɔlɔ wee wi nyɛ lè sícili-jànmafɔlɔ, woro wi nyɛ Hurami-Abii.

Ɛsidirasi 1:5

Lǎli bee ni a Zyuda ní Bɛnzyamɛ narigbaayi kùndigibéle yìri n fàra sáriga-wòlobèle, ní Levii ye na, bele myɛ fúnyo ni Kolocɔlɔɔ da sɔ̀ngurɔ lége lè, a poro yìri n kári sa Yawe kpáagi faan wi nyɛ lè Zyerusalɛmi ni.

Ɛsidirasi 3:7

A be wáli kaan kàdɛnɛdanbèle ní kpaatɔnbèle ma, níì yaliire, ní yagbaʔa, ní sìnmɛ tórigo Siidɔn ye, ní Tiiri ye ma, jàngó be Liban sɛdiri tíiraa tórigo sólomi lɔ̀ʔɔ na ti ba nan Zyafa na, n yɛlɛ ní gi ní àmɛɛ Pɛrisi fànʔafɔw Sirusi gi joo be ma lè.

Ɛsidirasi 4:3

Kàjáa a Zorobabɛli, ní Zyozuwe, ní Isirayɛli narigbaayi kùndigibèle bele be yari: «Wolo ní yele ga yɛlɛ bi pínɛ kpaʔa faan wolo Kolocɔlɔw ma í, wolo yagwɔɔlɔ wo a gi faan Yawe Isirayɛli ye Kolocɔlɔw ma àmɛɛ Pɛrisi fànʔafɔw Sirusi gi joo n gbàn wolo ma lè.»

Ɛsidirasi 5:15

A wi wi pye: Yáriri naa láa maa syée mi sa tɛ́ʔɛ Zyerusalɛmi kpɔ̀ʔɔrɔli kpaʔa ni, Kolocɔlɔɔ kpáagi si ní faan gi tɛ́ɛgi ni.

Ɛsidirasi 6:10

Koro ga pye paa nùndaanni sáriga wóo nyɛ̀ʔɛni Kolocɔlɔɔ ma, sáā Kolocɔlɔɔ nyɛ́ɛri fànʔafɔw sìi, ní wi jáabèle sìi kéele na.

Ɛsidirasi 6:3

«Fànʔafɔw Sirusi fǎngi yɛɛzelile na, fànʔafɔw Sirusi kéeli naa joo n gbàn níì jo: ‹Kolocɔlɔɔ kpáagi gi nyɛ lè Zyerusalɛmi ni, ki n yɛlɛ kpáagi í ní faan bi pye tɛɛgaa, beè pe a ra sárigaw wóo lè. Ki kàpɔɔnw n yɛlɛ bi sámaga nìri. Ki ǹjogi tɔnɔganma a pye mɛ́tiribéle toko ní kpɔrigɔ, ki yɛ́ɛgi kpɔ́ʔɔganma í pye mɛ́tiribéle toko ní kpɔrigɔ.

Ɛsidirasi 7:12

«Aritakisɛrikisɛsi wi lè fànʔafɔbèle fànʔafɔlɔ, woro wi sɛ́bɛw naa kaan Ɛsidirasi ma wi lè sáriga-wòloo, ní sɛ́bɛkaɔn, woro wee wi nyɛ̀ʔɛni Kolocɔlɔɔ làlwa cán lè.

Nehemii 1:4

Lǎli ni mii syɛ́ɛnri bee lóʔo lè, a mii tɛ́ɛn n nyɛni, a gi pye mii ma kùu káyaʔa n canya saʔa kwɔ́ɔ. A mii súnw le ní i nyɛ́ɛri nyɛ̀ʔɛni Kolocɔlɔɔ yɛ́ʔɛ ma.

Nehemii 1:5

A mii jo: «Ee Yawe mɔ wi lè nyɛ̀ʔɛni Kolocɔlɔɔ, Kolocɔlɔɔ, mɔ wee wi kpɔ́ʔɔ lè ní i nyɛ fyáara yáriga, mɔ wee wi joogaanni ní funjǎngi kɔngi lè bele kàbaan na mɔ kéeli dɛ́nɛ lè, á be mɔ kajoodɛɛngèle kɔn,

Ŋúnuyi 136:26

Yaa nyɛ̀ʔɛni Kolocɔlɔɔ kpɔ̀ʔɔrɔ́, níì cán wi funjǎngi a tée kwɔ́ɔ í!

Ŋúnuyi 85:2

Ee Yawe, mɔ n fɔ̀lɔ mɔ tári na! Mɔ n Zyakɔbi syɛ́ɛnbèle yirige púlori ni n lúrugo n pan.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Ezayi 41:2

Wìí wi fàndaaw yeri yaà sínni kayele na canʔafolomɔ ma? Wìí wi syɛɛnfeleyi le wi kɔ́yi ni níì wi télege fànʔafɔbèle nyúngo na? Wi ŋɔséew n be kàriga támiige. A wi sedegi be cariga àmɛɛ nyàásige nyɛ lè.

Ezayi 44:26

Mii i fànʔa kaangi mii falipyew syɛ́ɛnrɛ ma, ní wɔ́ɔ i syɛ́ɛnri forogi, dee mii tundunbèle da ni nyuu ni tèé lè. Mii i gi nyuu Zyerusalɛmi kéeli na níì jo: ‹Syɛ́ɛnbèle a ní tɛ́ɛn gi ni,› ni gi nyuu Zyuda yòdaʔayi kèye kéele na níì jo: ‹Yi a ní faan. Mii a ní yi gurubɛɛri yìrige.›

Ezayi 44:28

Mii wi gi nyuu Sirusi kéeli na níì jo: ‹Mii bànaʔaw, wee wi a mii kanidaangèle myɛ foro lè. Wi a gi joo Zyerusalɛmi kéeli na si jo: Ki n yɛlɛ ki ní faan kavɔn. Ní kpɔ̀ʔɔrɔli kpaʔa kéele na, si jo: Ki n yɛlɛ ki ní le.› »

Ezayi 45:1

Syɛ́ɛnri naa Yawe joo wi wonyɛnɛ-wòlow ma, Sirusi ma, wee wi cò kàliige kɔ́gi na lè, bi tátɛɛyi syɛɛnfeleye kpúmɔn cáan wi yɛʔɛ̀ ma, si fànʔafɔbèle sɛntiiribéle sánʔana, si wɔ́ɔ kɔ̀riyi múgu wi ma jàngó syɔɔn faala a kɔ́ gbǎn yi tɔ́n í, wi n jo:

Ezayi 66:1

Yawe n jo: «Nyɛ̀ʔɛni li nyɛ mii fàngoli, tári si i nyɛ mii tɔdaʔagi. Kpaagìí si yele a gbǎn faan mii ma, ba tɛɛgìí ki a pye mii tɛɛ̀ŋɔndaagi?

Zyeremii 10:11

«Yele a syɛ́ɛnri naa joo be ma si be pye: ‹Kolocɔlɔbèle be lè pe ga nyɛ̀ʔɛgèle ní tári sámaga í, pe a kwɔ́ɔ yiri tári, ní nyɛ̀ʔɛgèle láara ni.› »

Zyeremii 27:5

Mii wi tári sámaga n fàra syɛ́ɛnbèle ní yaweeri na di nyɛ tári na lè, mii fàngbɔɔgi ní mii kɔ̂zánʔagi báriga ni, mii si i tári kaangi wee má ki ga mii dɛ́nɛ bi di kaan lè.

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Danyɛli 1:21

A Danyɛli kòro yaà fwɔɔ n taa n baa nan fànʔafɔw Sirusi fǎngi yɛɛzelile na.

Danyɛli 2:21

Woro wi làrigèle ní kérigèle kàragí. Wi i fànʔafɔbèle cáan, ní wɔ́ɔ i fànʔafɔbèle télegi. Wi i sícilimɛ kaangi sícilibèle ma ní wɔ́ɔ i cánna kaangi kacánbèle ma.

Danyɛli 2:28

Kàjáa Kolocɔlɔwaa i nyɛ nyɛ̀ʔɛni na, wee wi kalaragèle tèé lè, woro wi canzanyi kèlē tɛ̀ɛn fànʔafɔw Nebukadinezari na. Mɔ ŋúnɔgi gi nyɛ gee naa n fàra yanyaayi na mɔ nyaa lè n mɔ yaʔa mɔ yasinɛgi na.

Danyɛli 4:25

A gee bee myɛ baa foro fànʔafɔw Nebukadinezari na.

Danyɛli 4:32

Tári syɛ̀ɛnnɛ myɛ o córo yarigaa wi ma í. Gee ki wi dɛ́nɛ lè koro wi kpéʔele nyɛ̀ʔɛni sùlasiibéle na, ní tári syɛ̀ɛnnɛ na, syɔɔn faala si o beè, wee wi a gbǎn yére wi kɔ́gi sige lè í si wi pye: «Nyàʔá mɔ kpéʔele?»

Danyɛli 5:23

níì miyɛɛ gbɔ́ʔɔ nyɛ̀ʔɛgèle Kàfɔlɔ kánma na. Mɔ n be pye a be pan ní wi kpáagi yalegéle ní mɔ yɛ́ʔɛ ma, a yele baa dùvɛɛnw gbaa ge ni, mɔ ní mɔ syɛɛnkpolobèle, ní mɔ cébèle, ní mɔ cefàra-mí-láabèle, níì kolocɔlɔbèle kpɔ̀ʔɔrɔ be lè wálifiio, ní tɛɛ̀, ní kanyɛɛnrɛ, ní tunmɔrɔ, ní tiire, ní kàdɛnɛrɛ, bele be lè pe o nyaagi í, pe o lúro í, cánna o be ma í. Kolocɔlɔwee kɔ́lɔ ni mɔ ŋɔ́ngari, ní mɔ kóloyi nyɛ lè, woro wi nyɛ mɔ ga wi kpɔ́ʔɔ í.

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Zyonasi 1:9

A wi be yari: «Mii i nyɛ Heburuo, Yawe mii kpɔ̀ʔɔrɔ́, wi lè nyɛ̀ʔɛni Kolocɔlɔɔ, woro wee wi sólomi lɔ̀ʔɔ ní tári kpéʔele lè.»