Ɛsidirasi 1:1 - Cebaara Bible 2010

¹ Pɛrisi fànʔafɔw Sirusi fǎngi yɛɛzelile na, a Yawe sɔ̀ngurɔ lége Pɛrisi fànʔafɔw Sirusi ni, koro ga pye Yawe syɛ́ɛnri ti da yiri Zyeremii nyɔ́ɔgi ni lè di foro. A Sirusi be pye a be kéeli naa jáari nyɔɔ, ní sɛ́bɛ ni wi fǎngi tɛ́ɛyɛ myɛ ni n gi joo níì jo:

Ɛsidirasi 1:1 Iomraidhean Croise

Ɛsidirasi 1:5

Lǎli bee ni a Zyuda ní Bɛnzyamɛ narigbaayi kùndigibéle yìri n fàra sáriga-wòlobèle, ní Levii ye na, bele myɛ fúnyo ni Kolocɔlɔɔ da sɔ̀ngurɔ lége lè, a poro yìri n kári sa Yawe kpáagi faan wi nyɛ lè Zyerusalɛmi ni.

Ɛsidirasi 4:3

Kàjáa a Zorobabɛli, ní Zyozuwe, ní Isirayɛli narigbaayi kùndigibèle bele be yari: «Wolo ní yele ga yɛlɛ bi pínɛ kpaʔa faan wolo Kolocɔlɔw ma í, wolo yagwɔɔlɔ wo a gi faan Yawe Isirayɛli ye Kolocɔlɔw ma àmɛɛ Pɛrisi fànʔafɔw Sirusi gi joo n gbàn wolo ma lè.»

Ɛsidirasi 6:14

A Zyefubèle wólɛɛbéle i syée faanni kurugo, a fáliw nyɔɔ n yɛlɛ ní kanyaajoow Agizye kanyaajoori, ní Ido jáaw Zakarii kanyaajoori ní. Pe n faanni pye n baa kwɔ́ɔ n yɛlɛ ní gee ní Isirayɛli ye Kolocɔlɔw da joo n gbàn lè, n wɔ́ɔ̀ yɛlɛ ní Sirusi ní Dariyusi, ní Pɛrisi fànʔafɔw Aritakisɛrikisɛsi da joo n gbàn lè.

Ɛsidirasi 6:22

A be Levé fun búruw séri kpéʔele canya kɔrɔsiin fúngo ni ní fundaanra ní. Níì cán Yawe maa fundaanra kaan be ma àmɛɛ wi Asirii fànʔafɔw fúngo kàriga pe kàbangi na lè, bi fànʔa le be kɔ́yi ni Kolocɔlɔɔ kpáagi faanna fáli pyele ni wi lè Isirayɛli Kolocɔlɔw.

Ɛsidirasi 6:3

«Fànʔafɔw Sirusi fǎngi yɛɛzelile na, fànʔafɔw Sirusi kéeli naa joo n gbàn níì jo: ‹Kolocɔlɔɔ kpáagi gi nyɛ lè Zyerusalɛmi ni, ki n yɛlɛ kpáagi í ní faan bi pye tɛɛgaa, beè pe a ra sárigaw wóo lè. Ki kàpɔɔnw n yɛlɛ bi sámaga nìri. Ki ǹjogi tɔnɔganma a pye mɛ́tiribéle toko ní kpɔrigɔ, ki yɛ́ɛgi kpɔ́ʔɔganma í pye mɛ́tiribéle toko ní kpɔrigɔ.

Ɛsidirasi 7:27

Yawe n yɛlɛ waa wi kpɔ̀ʔɔrɔ́, wi lè wolo tóolɛɛbèle Kolocɔlɔɔ, àmɛɛ wi gi lége fànʔafɔw fúngo ni lè wi Yawe kpáagi sámaga ki nyɔɔ kánmi bee na lè, ki lè Zyerusalɛmi ni,

Ŋúnuyi 106:46

níì gi yaʔa bele pe be cò n kári púlori na lè, a poro myɛ nyinimɛ taa be na.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Ezayi 44:28

Mii wi gi nyuu Sirusi kéeli na níì jo: ‹Mii bànaʔaw, wee wi a mii kanidaangèle myɛ foro lè. Wi a gi joo Zyerusalɛmi kéeli na si jo: Ki n yɛlɛ ki ní faan kavɔn. Ní kpɔ̀ʔɔrɔli kpaʔa kéele na, si jo: Ki n yɛlɛ ki ní le.› »

Ezayi 45:1

Syɛ́ɛnri naa Yawe joo wi wonyɛnɛ-wòlow ma, Sirusi ma, wee wi cò kàliige kɔ́gi na lè, bi tátɛɛyi syɛɛnfeleye kpúmɔn cáan wi yɛʔɛ̀ ma, si fànʔafɔbèle sɛntiiribéle sánʔana, si wɔ́ɔ kɔ̀riyi múgu wi ma jàngó syɔɔn faala a kɔ́ gbǎn yi tɔ́n í, wi n jo:

Zyeremii 1:1

Zyeremii syɛ́ɛnri, wi lè Hilikiyahu jáaw, wi pye lè Anatɔti ye sáriga-wòlowaa, Bɛnzyamɛ tári ni.

Zyeremii 29:10

Gee si Yawe joo lè, koro gi nyɛ gee naa, wi n jo: ‹Lǎli ni yɛ́ɛgèle togoye taanri ní kpɔrigɔ ga kwɔ́ɔ lè Babilɔni ma, mii a yele kéeli wéle, mii a mii syɛɛncanri foro yele kàbangi na, si yele lúrugo pan tɛ́ɛgi naa ma.

Ezekyɛli 38:5

Pɛrisi, ní Etyopii, ní Puti tári wòolo wɔ́ɔ i nyɛ ní be ní. Tunmɔzige-yáriyi, ní túnmɔri nyùndɔnyɔ si i nyɛ pe myɛ ma.

Danyɛli 1:21

A Danyɛli kòro yaà fwɔɔ n taa n baa nan fànʔafɔw Sirusi fǎngi yɛɛzelile na.

Danyɛli 2:1

Nebukadinezari fǎngi yɛɛziin wólo na, a Nebukadinezari ŋúnɔ ní ŋúnɔyɔ ní. A wi fúngi nyáʔami wi na, a ŋúnɔmi pɛ́ɛ wi na.

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Danyɛli 9:2

wi fǎngi yɛɛzelile na, a mii Danyɛli gi nyaa sɛ́bɛbèle ni a gi jo Zyerusalɛmi a ba kòro gurubɛɛrɛ yɛ̀ʔɛlɛ togoye taanri ní kpɔrigɔ fúngo ni. Yawe maa yɛ́ɛgèle bee nyɔ́ɔ joo kanyaajoow Zyeremii ma.

Zyan 1:23

A wi jo: «Mii wi nyɛ wee wi yákpoli wáa lè fìími tára ni níì jo: ‹Ye Kàfɔw kólogo sámaga ki sín.› Kanyaajoow Ezayi wi da syɛ́ɛnri bee joo.»