Ɛsitɛri 9:4 - Cebaara Bible 2010

⁴ Ncan Maridosye maa baa pye fànʔafɔ-gbaagi syɛɛnkpɔɔwaa, wi mɛ́ɛgi maa yiri tátɛɛyi myɛ ni. Kàa maa ni fàrá Maridosye kpɔ́ʔɔli na ni syée.

Ɛsitɛri 9:4 Iomraidhean Croise

2 Samyɛli 3:1

A kapɛɛnni mɔn gbanʔama Sawuli kpáagi wòolo, ní Davidi kpáagi wòolo nínge ni. Kàa si maa ni fàrá Davidi fǎngi na ni syée, á kàa si i yirigi Sawuli kpáagi wòolo fanʔa ni ni syée.

1 Cányi kèlē 11:9

Kàa maa ni taari Davidi na ni syée, Yawe wi lè Nyɛ̀ʔɛni Sùlasiibéle Kafɔlɔ, woro si i nyɛ ní wi ní.

1 Cányi kèlē 14:17

A Davidi mɛ́ɛgi yiri n kári tátɛɛyi myɛ ni, a Yawe gi yaʔa a syɛɛnfeleyi myɛ i fɛ̀ɛgí wi na.

Ɛsitɛri 10:2

Fànʔafɔw sée, ní wi sànbalimi n fàra kánmee na wi Maridosye lúrugo ǹjoʔo ma lè, gee bee myɛ n sɛ́bɛ Mɛdi ye ní Pɛrisi ye fànʔafɔbèle kèlē sɛ́bɛ ni.

Ŋúnuyi 1:3

Wi i nyɛ àmɛɛ tiige nyɛ, gee be cɔ́rɔ lókologo nyɔ́ɔ na lè, ki i sangi ki làrizanni ni, ki wári si wɔ́ɔ o fánagi í, keele o keele wi kpéʔele lè, li i nyɔɔgi.

Ŋúnuyi 18:43

Mii i be purɔ ni kàragi àmɛɛ cíbige nyɛ, gee káfalagi leé ni syée lè, mii i be tánʔana àmɛɛ kàlari-kóloyi fáriga nyɛ lè.

Ŋúnuyi 92:13

Syɛɛnsinw i fún àmɛɛ sɛʔɛtiige nyɛ lè, wi i tɔnɔgi ni syée àmɛɛ Liban sɛdiri tíige nyɛ lè.

Yirile 11:3

A Yawe Isirayɛli ye kéeli yaʔa a li Ezyipiti ye dɛ́nɛ. Mowizi tiimaa si maa pye syɛɛnkpɔɔɔ Ezyipiti tári ni, Faraɔnw falipyebèlē, ní Ezyipiti syɛ́ɛnbèle ma.

Kàseegèle 4:18

Syɛɛnsinbèle kóbile i nyɛ àmɛɛ canvolovɔ́ngɔ gbɛɛnmɛ nyɛ, bee na kàa taari lè bi taa cángi í ba tɛ́ɛn nyùngo ni.

Ezayi 9:7

Kàfɔw n syɛɛnrɛ joo n wáa Zyakɔbi na, ti n too Isirayɛli na.

Sofonii 3:19

Wéle, lǎli bee ni, bele myɛ be fànʔa cáan mɔ na lè, mii a keele tɛ́ʔɛ be na. Mii a tɔyaayi fɔ̀ɔlɔ syɔɔ, bele be nɛnɛ lè, mii a be kpóʔoro. Táree myɛ ni be nyɛ fɛ̀ɛ́ri ni lè, mii a be kpéʔele yaà beè sòololo, ní mɛ́ɛyɛ fɔɔlɔ.

Matye 4:24

A be wi kéeli jáari Sirii tári myɛ ni, a syɛ́ɛnbèle i maa wi ma ní yáami féleye fɔɔlɔ, ní wɔʔɔli féleye syɛɛnnɛ myɛ ní, n náà fàra màdebèle fɔ̀ɔlɔ, ní záanni fɔ̀ɔlɔ, ní syɛɛnmɔngɔbèle na, a wi ba ni be poori.

Zyozuwe 6:27

Yawe maa pye ní Zyozuwe ní, woro wee mɛ́ʔɛ ki da yiri lè tári myɛ ni.

1 Samyɛli 2:30

Awá mii maa tɔ̀nɔ n gi joo níì jo mɔ kpáagi wòolo ní mɔ tóow kpaʔa wòolo a kòro mii fáliw na làla o làla.› Yawe wi lè Isirayɛli Kolocɔlɔw, woro wi jo nya. ‹Kàjáa tɔ́ɔliw ni koro a ní kpéʔele í.› Yawe wi jo nya. ‹Níì cán bele be mii kpɔ́ʔɔgi lè, mii a bele bee kpɔ́ʔɔ, bele si be mii faari lè, pe a faʔa.