Ɛsitɛri 9:3 - Cebaara Bible 2010

³ Tátɛɛyi kùndigibéle myɛ, ní tátɛɛyi kàfɔɔlɔ, ní guvɛrinɛɛribèle n fàra fǎngi wáli kacɔɔnribèlē na, poro maa ni Zyefubèle dɛ̀ɛmɛ́, níì cán pe maa fyáa Maridosye na.

Ɛsitɛri 9:3 Iomraidhean Croise

Ɛsidirasi 2:2

Pe n lúru n pan ní Zorobabɛli, ní Zyozuwe, ní Nehemii, ní Seraya, ní Erehelaya ní, n fàra Maridosye, ní Bilisyan, ní Misipari, ní Bigivayi, ní Erehumi, ní Baana na. Isirayɛli syɛ́ɛnbèle nànbēle nyɔ́ɔ gi nyɛ gee naa:

Ɛsidirasi 8:36

A be fànʔafɔw làlwa kajoogéle kaan fànʔafɔw kakarigabēle, ní guvɛrinɛɛribèle ma be pye lè cábigi jeligɔgi bee na, a be i kɔlɔ̀ wáa syɛ́ɛnbèle, ní Kolocɔlɔɔ kpáagi fáli ma.

Ɛsitɛri 3:12

A be fǎngi sɛ́bɛkanbéle yeri yɛ́ɛli yezelige canya kɛɛ ní taanri wógi na. Syɛ́ɛnree Haman joo n gbàn lè, a be toro myɛ sɛ́bɛ n tórigo fànʔafɔw syɛɛnkpolobéle, ní tátɛɛyi myɛ nibin nibin guvɛrinɛɛribéle, ní syɛɛnfeleyi kùndigibéle ma, ní tátɛɛyi myɛ nibin nibin ma yi sɛ́bɛri ni, ní syɛɛnfeleyi myɛ nibin nibin ma yi syɛ́ɛnri ni. Pe maa wi sɛ́bɛ fànʔafɔw Asyerusi mɛ́ɛgi na, níì fɛ̀ɛ́w taʔa wi na ní fànʔafɔw kábɛɛlɛ veʔeo ní.

Ɛsitɛri 8:17

Fànʔafɔw tundunro, ní wi làlwaw sɛ́bɛ ga nan tátɛʔɛ o tátɛʔɛ, ní kàʔa o kàʔa, ní tɛʔɛ o tɛʔɛ na, ki n pye Zyefubèle ma fundaanra, ní mugurumɔ, ní lìigbɔɔlɔ, ní fɛ́tii canʔa. A tátɛɛyi syɛɛnfeleyaa saʔa yiyɛɛ kàriga Zyefubéle, níì cán pe maa fyáa Zyefubèle na.

Ɛsitɛri 8:5

Níì jo: «Kapye ki n yɛlɛ fànʔafɔw ma, kapye mii n kpɔʔɔrɔ taa wi ma, kéeli bee ga yɛlɛ fànʔafɔw ma, á mii kéeli wɔ́ɔ̀ mɔ dɛ́nɛ, sɛ́bɛbèle bele Agagi wów Hamedata jáaw Haman sɛ́bɛ lè n tórigo Zyefubèle kpóolo kéele na lè, pe lè fànʔafɔw tátɛɛyɛ myɛ ni, sɛ́bɛwaa n wɔ́ɔ̀ yɛlɛ wi sɛ́bɛ bi kajooli bee sàa.

Ɛsitɛri 8:9

A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.

Danyɛli 3:2

A fànʔafɔw Nebukadinezari tun a be kùndigibèle, ní pirefebèle, ní tári kacɔɔnribèlē, ní yarifɔbèle, ní wálitɛʔɛbèle, ní kútiijoobèle, ní kútiiceribèle, ní tátɛɛyi fànya myɛ yeri n kpóʔoro, níì jo pe ba fànʔafɔw Nebukadinezari ǹdevaangi kpɔ̀ʔɔrɔlɔ séli, koro gee wi yérige lè.