Ɛsitɛri 9:10 - Cebaara Bible 2010

¹⁰ poro be pye Hamedata jáaw Haman jáabèle kɛɛ, wi pye lè Zyefubèle kàsiitun-nyɛ́nnɛ. Koro ní ki myɛ ní pe ga yarira fuguri n láa í.

Ɛsitɛri 9:10 Iomraidhean Croise

Sélimɛ 14:23

yáriri myɛ di nyɛ mɔ wóro lè mii a tée ki kàa syɔɔ mɔ ma í, àlí jèseepile, wàlá taʔala-mɛ́ɛnnɛ, koro ga pye mɔ a kɔ́ gi joo si jo: ‹Mii n Abirami kpéʔele lɔrɔ fɔ́lɔ› í.

Sélimɛ 34:27

A Zyakɔbi jáabèle sáà kúbèle ní kěgi lɔ́rɔ myɛ fuguri, níì cán pe maa poro cɔnɔw kálagi.

Ɛsitɛri 3:1

Kérigèle bee kàdoʔo ma a fànʔafɔw Asyerusi Haman kpɔ́ʔɔ, wi lè Hamedata jáaw, wi pye lè Agagi wówaa. Fànʔafɔw maa Haman lúrugo ǹjogi ni n sɔ̀lɔ kùndigisanbèle myɛ na pe da nùuni fànʔafɔw na lè.

Ɛsitɛri 3:13

A be sɛ́bɛbèle kaan tundun-jólogobèle pèle ma pe sa be kaan fànʔafɔw tátɛɛyɛ myɛ nibin nibin ma, a gi jo Zyefubèle myɛ n yɛlɛ pe be kwɔ́ɔ láʔa yaà, pe be kpóo bi be kálagi yirige yaà canʔa nibin, wojáribèle, ní wolɛɛbèle ní, n fàra pìíbèle ní cébèle na. Gee bee í pye yeye kɛɛ ní siin wógi canya kɛɛ ní taanri wóʔo na, ki lè Adari yégi, pé be yáriri fuguri bi láa.

Ɛsitɛri 5:11

A Haman baa wi bìngaataa-lɔ́ri kéele joo n tɛ̀ɛn be na, n fàra wi pìinɛʔɛri kéele na, ní kánmee myɛ na fànʔafɔw woro lúrugo ǹjoʔo ma lè, n woro kpɔ́ʔɔ n sɔ̀lɔ kùndigibèle ní fǎngi falipyebèlē myɛ na.

Ɛsitɛri 7:4

Níì cán pe n wolo pára, mii ní mii syɛ́ɛnbèle, koro ga pye pe wolo kɔnɔgi bi wolo kpóo kwɔ́ɔ nyinimɛ fun. Pe ga maa wolo pára wolo í pye pulonànbēle ní pulocabala, mii mǎà dée joo í, níì cán nyùngo a dée pye gi na mii í fànʔafɔw fɔ̀rɔ ní kéeli bee ní í.»

Ɛsitɛri 7:6

A Ɛsitɛri wi yari: «Wolo kàsiitun-nyɛ́nw, wi lè nígoow, woro wi nyɛ Haman, wi lè syɛɛnpeew bee.» A Haman syɔɔ n kùu tábi fyáakpɔɔri báriga ni fànʔafɔw, ní fànʔafɔjew nyɛ́nɛ na.

Ɛsitɛri 8:11

A fànʔafɔw kologo kaan kěyi myɛ Zyefubéle ma be peyɛɛ gbóʔoro bi kapɛɛnni kpúmɔn bi peyɛɛ zyɔɔ kùúw ma, páā syɛ́ɛnmi tɔ́nʔɔnɔ, paa be kúu, bele myɛ pe ga yìri be kurugo bi keele taʔa be na lè syɛɛnfeleyi wàlá kapɛɛnkpumɔnbéle kabiya, ní tátɛɛyi syɛ̀ɛnnɛ ni, paa be kúu pe ní be pìíbèle, ní be cébèle, páā be yáriri koo.

Ɛsitɛri 9:11

Cángi bee tiimaa syɛ́ɛnbèle be kpóo lè Suzi ni, ki lè fàngegi, a pe be nyɔ́ɔgi tɛ̀ɛn fànʔafɔw na.

Ɛsitɛri 9:9

ní Parimasyita, ní Arizayi, ní Aridayi, ní Vayezata,

Ŋúnuyi 21:10

Mɔ ga baa miyɛɛ dɛ̀ɛn cángee na lè, mɔ a be kàriga àmɛɛ fúru naagbanga nyɛ lè. Yawe a be jɔ́ɔ wi fundanʔari báriga ni, náagi a be kwɔ́ɔ.

Yirile 17:16

Wi n jo: «Amɛɛ Amalɛki ye soro n be kɔ́yi yìrige Yawe fàngoli kánma na lè, Yawe a ra kapɛɛnni kpúmɔn ní be yìrigèle wòolo myɛ ní.»

Yirile 20:5

Mɔ a kɔ́ ra kpùmɔnɔ́ yatangi bee kàa taana í, wàlá bàā gi fáliw kpéʔele í. Níì cán mii wi lè Yawe mɔ Kolocɔlɔw, mii i nyɛ yejaʔa Kolocɔlɔɔ. Mii i tofɔbèle kolomɔ gɔlɔ́ wóo pe ní be yòdaʔayi na bi taa sa nan yìrigēle taanri ní sicɛrɛ wóli na, poro bele mii kéeli bɛɛn lè.

Danyɛli 6:24

Lǎli bee ni a gi pye fànʔafɔw ma fundaangbɔɔrɔ, a wi be pye be Danyɛli yirige wéegi ni, a be Danyɛli yirige wéegi ni, n gi nyaa tɛɛkpàliga faala ga pye wi na í, níì cán wi maa tága wi Kolocɔlɔw na.

Wɔrɔmi ye 12:17

Yele a kɔ́ kapeelaa tɛ́ʔɛ bi làa fwɔ́ɔlɔ tɔ́n wàa ma í. Kérigèle ge sín lè syɛ́ɛnbèle myɛ nyɛ́nɛ na, yaa ŋàʔaná yaa gele bee kpéʔele.

Filipikaʔa ye 4:8

Ni senyɛ̀nnɛ, gee gi syɛɛnsanri kwɔ́ɔ lè, toro di nyɛ kérigèle gele myɛ ge nyɛ lè kányɛʔɛ, ní gele myɛ ge líbe lè, ní gele myɛ ge sín lè, ní gele myɛ ge fílige lè, ní gele myɛ ge nyɛ lè tàmagi wòʔolo, ní gele myɛ ge nyɛ lè wojangéle ní, kapye ke n nyɔɔ níì yɛlɛ ní kpɔʔɔrɔ ní, yaa kérigèle bee sɔ̀ngí.