Ɛsitɛri 9:1 - Cebaara Bible 2010

¹ Yeye kɛɛ ní siin wógi gi lè Adari yégi, ki canya kɛɛ ní taanri wógi na, a fànʔafɔw tundunro, ní wi làlwaw sɛ́bɛ syɛ́ɛnrɛ larivorolo nan. Zyefubèle nígoobéle maa ni sɔ̀ngí poro a fànʔa taa be na, kàjáa a kéeli bee si kàri, a Zyefubèle fànʔa taa be kàsiitun-nyɛ́nbèle na.

Ɛsitɛri 9:1 Iomraidhean Croise

2 Samyɛli 22:41

Mɔ n gi yaʔa a mii nigoobèle kàdoʔo kaan ni fé mii na. Bele mi kéeli bɛɛn lè mii a be nyɔ́ɔyi tɔ́n.

Ɛsitɛri 3:13

A be sɛ́bɛbèle kaan tundun-jólogobèle pèle ma pe sa be kaan fànʔafɔw tátɛɛyɛ myɛ nibin nibin ma, a gi jo Zyefubèle myɛ n yɛlɛ pe be kwɔ́ɔ láʔa yaà, pe be kpóo bi be kálagi yirige yaà canʔa nibin, wojáribèle, ní wolɛɛbèle ní, n fàra pìíbèle ní cébèle na. Gee bee í pye yeye kɛɛ ní siin wógi canya kɛɛ ní taanri wóʔo na, ki lè Adari yégi, pé be yáriri fuguri bi láa.

Ɛsitɛri 3:7

Yɛ́ɛli yezelige ki lè Nisan yégi, fànʔafɔw Asyerusi fǎngi yɛ̀ʔɛlɛ kɛɛ ní siin wólo na, a be Puriw wáa, gee bee n jo pe n gɔ̌nw wáa Haman yɛ́ʔɛ ma, cányi myɛ, ní yéyi myɛ kéele na, a wi too yeye kɛɛ ní siin wógi na, ki lè Adari yégi.

Ɛsitɛri 8:12

Gee bee n yɛlɛ gi kpéʔele canʔa nibin ni, fànʔafɔw Asyerusi tátɛɛyi myɛ ni, yeye kɛɛ ní siin wógi canya kɛɛ ní taanri wóʔo na, yégi bee gi lè Adari yégi.

Ɛsitɛri 8:6

Wɔʔɔgi ki a too mii syɛ́ɛnbèle na lè, mɛ̀ɛ́ mii a gbǎn gi nyaa si gi kpàraco? Ba mɛ̀ɛ́ mii a gbǎn mii naridulugi wòolo kwɔ́ɔ-mí-yirigele nyaa si pyèri bi sɛ́ɛ?»

Ɛsitɛri 9:17

Koro n pye Adari yégi canya kɛɛ ní taanri wógi na. A ki ga pye canya kɛɛ ní sicɛrɛ wógi na, a be ŋɔ́n n daa níì koro pye lìigbɔɔlɔ, ní fundaanra canʔa.

Ŋúnuyi 18:40

Mɔ n fǎngi tɛ́ʔɛ n mii pwɔɔ kapɛɛnni kánma na. Mɔ i mii kàsiitun-nyɛ́nbèle kùrú ni kaangi mii ma.

Ŋúnuyi 30:11

Lóʔo mii ma, Yawe, nyɔɔ mii na! Ee Yawe, mii syɔɔ.

Kapyegèle 12:11

A yákirii náà jée Pyɛri ni a wi jo: «Tɔ́ɔliw ni mii n gi cán n fílige, ncan Kàfɔw wi wi tundunw tun a wi baa mii yirige Herodi kɔ́yi ni, ní wɔ́ɔ̀ mii syɔɔ gee myɛ ma Zyefubèle da ni sɔ̀ngí ki a ba kpéʔele mii na lè.»

Làlwaw Kaanziin 32:36

Yawe a wi syɛ́ɛnbèle kútii joo, kàjáa wi a nyinimɛ taa wi falipyebèle na, lǎli ni wi ga gi nyaa a be fǎngi kwɔ́ɔ lè, syɔɔn faala ní o yaà, wee be cò lè wàlá wee be yaʔa lè í.

Tɛ̀ɛnnɛ 11:18

Syɛɛnfeleyi fúnyo maa tanʔa, kàjáa mɔ fúngi làridanʔana si li nan, lee ni mɔ a kúbèle kútii joo ceri lè, mɔ púlobèle be nyɛ lè kanyaajoobèle, ní mɔ syɛɛncanbèle, n fàra bele na be fɛ̀ɛgí mɔ mɛ́ɛgi na lè, poro làrizarali n nan, bele be nyɛ lè woyilibèle n fàra wogbolobèle na, bele si be tári kálagi lè, á poro làrigbooli nan.»