Ɛsitɛri 8:9 - Cebaara Bible 2010

⁹ A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.

Ɛsitɛri 8:9 Iomraidhean Croise

2 Fànʔafɔbèle 18:26

A Hilikiyahu jáaw Eliyakimi, ní Syebina, ní Yowa sùlasiibèle myɛ kàfɔlɔ taʔara pye: «Wolo i mɔ nyɛ́ɛri, da nyuu ní wolo ní Arameyɛnri ni, wolo wo nyɛ lè mɔ falipyebèle, níì cán wolo n di cán. Mɔ a kɔ́ ra nyuu ní wolo ní Zyuda ye syɛ́ɛnri ni bàā nii syɛ́ɛnbèle líiweegéle ni be nyɛ tǒw ǹjoʔo ni lè í.»

2 Cányi kèlē 15:10

Pe n peyɛɛ gbóʔoro Zyerusalɛmi ni, Aza fǎngi yɛ̀ʔɛlɛ kɛɛ ní kagunɔ wóli yedaanri wóʔo na.

Ɛsitɛri 1:1

Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ɛsitɛri 1:22

A wi sɛ́bɛbéle tórigo wi fǎngi tátɛɛyɛ myɛ ma. Wi maa tátɛɛyi myɛ sɛ́bɛbéle sɛ́bɛ n yɛlɛ ní be sɛ́bɛganmi ní, ní syɛ́ɛnbèle myɛ ma be syɛ́ɛnri ni, níì jo nǎnbèle myɛ n yɛlɛ bi pye be kpáayi nyúngo na, sáā nyuu be syɛɛnfeleri ni.

Ɛsitɛri 10:1

A fànʔafɔw Asyerusi nyǔnyi lɔ́rɔ cáan tári, ní sólomi lɔ̀ʔɔ nínge tátɛɛgéle woolo na.

Danyɛli 4:1

Mii Nebukadinezari, mii maa pye wodɛ́ɛɔn ní sági mii kpáagi ni, níì pye fundaanra na mii fànʔafɔ-gbaagi ni.

Danyɛli 6:1

Dariyusi wi lè mɛdiw, wi sìíw yɛ̀ʔɛlɛ togoye taanri ní siin wóli na wi fǎngi taa.

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.