Ɛsitɛri 8:3 - Cebaara Bible 2010

³ Ɛsitɛri ga gi yaʔa koro na í, a wi níì tìgi n too wi tɔ́lɔyi taana níì syɛ́ɛnri láa n wi nyɛ́ɛri gbanʔama ní nyatinmɛ ní wi nyinimɛ taa jàngó kapeegee Haman da ni caa bi kpéʔele Zyefubèle na lè, wi lè Agagi wówaa, wi gi sàa.

Ɛsitɛri 8:3 Iomraidhean Croise

2 Fànʔafɔbèle 4:27

Lǎli ni wi sáà nan lè Kolocɔlɔɔ syɔ́ɔnw na nyanbelegi na, a wi wi tɔ́lɔyi cò. A Gehazii nùuni yaà bi wi ŋɔrigɔ láʔa. Kàjáa a Kolocɔlɔɔ syɔ́ɔnw jo: «Wi yaʔa níì cán funbɛɛnrɛ kéele li nan wi na, á Yawe si li làriga mii na, wi ga li joo n tɛ̀ɛn mii na í.»

Ɛsitɛri 3:1

Kérigèle bee kàdoʔo ma a fànʔafɔw Asyerusi Haman kpɔ́ʔɔ, wi lè Hamedata jáaw, wi pye lè Agagi wówaa. Fànʔafɔw maa Haman lúrugo ǹjogi ni n sɔ̀lɔ kùndigisanbèle myɛ na pe da nùuni fànʔafɔw na lè.

Ɛsitɛri 7:4

Níì cán pe n wolo pára, mii ní mii syɛ́ɛnbèle, koro ga pye pe wolo kɔnɔgi bi wolo kpóo kwɔ́ɔ nyinimɛ fun. Pe ga maa wolo pára wolo í pye pulonànbēle ní pulocabala, mii mǎà dée joo í, níì cán nyùngo a dée pye gi na mii í fànʔafɔw fɔ̀rɔ ní kéeli bee ní í.»

Ɛsitɛri 8:2

Lǎli bee ni a fànʔafɔw wi vèʔew wòlo n kaan Maridosye ma, wee wi da nɛnɛ n syɔɔ Haman na lè. A Ɛsitɛri si wɔ́ɔ̀ Maridosye télege Haman kpáagi nyúngo na.

Ɛsitɛri 8:4

A fànʔafɔw fǎngi tɛɛ̀ kàgbeele fìin Ɛsitɛri na, a Ɛsitɛri yìri n yére fànʔafɔw yɛ́ʔɛ ma.

Ezayi 38:2

A Ezekyasi wi yɛ́ɛgi wáa gúngi ma níì Yawe nyɛ́ɛri níì jo:

Oze sɛ́bɛw 12:4

N Zyakɔbi yaʔa wi nɔ́ɔw láʔa ni, a wi wi senyɛnw cò yédeleeli na, lǎli ni wi baa lɛɛ n nìri lè, a wi gbɛ̀ɛ cò ní Kolocɔlɔɔ ní.

Heburubèle 5:7

N Kirisi yaʔa sìi na wi céri ni, wi maa Kolocɔlɔɔ nyɛ́ɛri gbanʔama, níì gi cán wi a gbǎn woro syɔɔ kùúw ma. Wi maa wi nyɛ́ɛri ní yákpowáara, ní nyatinmɛ ní, a Kolocɔlɔɔ wi nyɛ́ɛrigi lóʔo àmɛɛ wi fɛ̀ɛgí lè woro na.

1 Samyɛli 25:24

Wi n baa too wi tɔ́lɔyi taana níì jo: «Mii wi kolo, ni kàfɔlɔ. Ki yaʔa mɔ pulocew í joo ní mɔ ní líiye taana, mɔ pulocew syɛ́ɛnrɛ lóʔo.