Ɛsitɛri 8:10 - Cebaara Bible 2010

¹⁰ Sɛ́bɛbèle maa sɛ́bɛ fànʔafɔw Asyerusi mɛ́ɛgi na, níì fǎngi fɛ̀ɛ taʔa taʔa be na. A pe be kaan tundun-jólogobèle pèle ma, bele be fànʔafɔw syɔ́ɔnyɔ fé lè, yee yi cólogo lè, a be kári.

Ɛsitɛri 8:10 Iomraidhean Croise

1 Fànʔafɔbèle 21:8

A wi fala n sɛ́bɛbéle sɛ́bɛ Akabi mɛ́ɛgi na, níì Akabi fɛ̀ɛ́w taʔa be na níì sɛ́bɛbèle bee tórigo wolɛɛbèle, ní kútiijoobèle ma be pye ní Nabɔti ní lè wi kěgi ni.

2 Cányi kèlē 30:6

A tundun-jólogobèle kári ní fànʔafɔw, ní wi syɛɛnkpolobèle sɛ́bɛbéle ní, Isirayɛli ní Zyuda tɛ́ɛyi myɛ ni. A be sa ni gi nyuu n yɛlɛ ní gee ní fànʔafɔw joo n gbàn lè níì jo: «Yele Isirayɛli pìíbèle, ye lúru ye pan Yawe ma, wi lè Abirahami, ní Izaaki, ní Isirayɛli Kolocɔlɔw, koro ga pye wi lúru yele ma, yele wogorobèle ye syɔɔ Asirii fànʔafɔbèle ma lè.

Ɛsitɛri 8:8

Yele si na, yariga o yariga ki yele dɛ́nɛ lè Zyefubèle nyɔɔmɔ kéele na, ye koro sɛ́bɛ wɔ́ɔgēle fànʔafɔw mɛ́ʔɛ na, yé fǎngi fɛ̀ɛ taʔa wi na. Níì cán sɛ́bɛwee wi sɛ́bɛ n kwɔ́ɔ lè fànʔafɔw mɛ́ʔɛ na, níì fǎngi fɛ̀ɛ taʔa wi na, wi syɛ́ɛnri a ní gbǎn sàa í.»

Zyɔbi 9:25

Mii sìíw canya n wári n sɔ̀lɔ kàfyaavaɔn na. Yi i fé ni syée kacànna sìnnyaa ni.

Syɛɛnjóow 8:4

Amɛɛ fànʔafɔw syɛ́ɛnrɛ nyɛ ní fàngbɔʔɔ ní lè, wìí wi a wi pye: Nyàʔá mɔ kpéʔele?

Ezayi 60:6

Fàlibaa-nɛʔɛrɛ a mɔ tɔ́n, n fàra Madyan, ní Efa ye fàlibaayi na. Yi myɛ a yìri Saba ma. Yi a tɛ́ɛw, ní nùndaanni yárira tugo bi pan, sáā Yawe sòololi kéele ŋúu.

Ezayi 66:20

Pe a yiri ní yele senyɛnbèle myɛ ní, syɛɛnfeleyi myɛ nínge ni bi pan syɔ́ɔnyi, ní wòtorobèle, ní wòtorotɔnbèle, ní jòfanikàriyi, ní fàlibaayi na bi ba pye yakanʔa mii Yawe ma, mii nyanbejǎngi na, Zyerusalɛmi ni, àmɛɛ Isirayɛli pìíbèle maa ní be yakaanyi ní lè fɔɔnrɔ fun yaleye ni, Yawe kpáagi ma,» Yawe wi jo nya.

Zyeremii 2:23

«Mɛ̀ɛ́ mɔ a gbǎn gi joo si jo: ‹Mii ga niyɛɛ nɔ́nʔɔ í. Mii ga niyɛɛ bwɔɔ Baalibèle kpɔ̀ʔɔrɔlɔ na í.› Mɔ nyɔngèle wéle jǐnlɔgi ni. Ki cán gee mɔ kpéʔele lè fàlibaacaa-faʔala, lee li nyaari ni máari lè.

Zyeremii 51:21

Mii n mɔ tɛ́ʔɛ n syɔ́ɔngi, ní gi fànvɔw jabagi. Mii n mɔ tɛ́ʔɛ n kapɛɛnkpumɔn-wòtorow ní wi lúgufɔw jabagi.

Danyɛli 4:1

Mii Nebukadinezari, mii maa pye wodɛ́ɛɔn ní sági mii kpáagi ni, níì pye fundaanra na mii fànʔafɔ-gbaagi ni.

Danyɛli 6:8

Fǎngi kùndigibéle myɛ, ní pirefebèle, ní tári kacɔɔnribéle, ní yarifɔbèle, ní tátɛɛyi kàfɔɔlɔ n peyɛɛ nyaa n bɛ̀ɛ gi na níì jo làlwa kéelaa n yɛlɛ li jáari, lee li a gi joo gbàn lè si jo: ‹Canya toko ní kpɔrigɔ fúngo ni, syɔ́ɔnwee faala wi ga nyɛ́ɛri lè kolocɔlɔɔwaa wàlá syɔɔnwaa ma, kapye fànʔafɔw nibin ma ban í, pe a syɔ́ɔnw bee wáa càarabèle ma wéegi ni.›