Ɛsitɛri 7:9 - Cebaara Bible 2010

⁹ Haribona wi da pye bele ni pe da wòlo lè a woro gi joo fànʔafɔw nyɛ́nɛ na níì jo: «Cɔ́ɔ! Cɔ̀rɔli tíige Haman da sámaga n yérige wi kpáagi ni, gee tɔnɔganma pi da pye lè mɛ́tiribéle toko ní kagunɔ, koro gee wi da sámaga Maridosye kánmi na, woro wee jóomɔ pi da nyɔɔ fànʔafɔw na lè, ki i yaà.» A fànʔafɔw jo: «Ye sa wi cɔ̀rɔ gi na.»

Ɛsitɛri 7:9 Iomraidhean Croise

2 Fànʔafɔbèle 9:32

A Zyehu yɛ́ɛgi yìrige ni wéle yaà fɛ̀nɛtiriw ma níì jo: «Wìí syɔ́ɔn wi nyɛ ní mii ní, wìí wii?» Nǎnbèle be wòlo lè a poro pèle siin, wàlá taanri kòro yaà ǹjoʔo ma ní i wi wéle naa.

Ɛsitɛri 1:10

Canya kɔrɔsiin wógi na, n fànʔafɔw Asyerusi yaʔa dùvɛɛnw gbaala fundaanra na, wi falipyenǎnbèle kɔrɔsiin pe da wòlo lè, pe lè Mehuman, ní Bizita, ní Haribona, ní Bigita, ní Abagita, ní Zetari, ní Karikasi, a wi poro tun

Ɛsitɛri 5:14

A wi céw Zerɛsyi ní wi tàannyɛnbèle myɛ wi pye: «Ki n yɛlɛ be cɔ̀rɔlɔ tíige sámaga bi yérige, ki tɔnɔganmi í pye mɛ́tiribéle toko ní kagunɔ, nyɛ̀ʔɛna nyǐngi nyɔ́ɔ na, mí sa fànʔafɔw pye wi Maridosye yaʔa pe wi cɔ̀rɔ gi na. Koro kàdoʔo ma mɔ si kári fundaanra na ní fànʔafɔw ní lìigbɔɔli ma.» A syɛ́ɛnri bee Haman dɛ́nɛ. A wi cɔ̀rɔlɔ tíige sámaga n yérige.

Ɛsitɛri 6:14

N be yaʔa jooli na ní wi ní, fànʔafɔw nànbēle be wòlo lè, a poro kàri n nan, ní baa Haman kɔ́ri n kári kelekele Ɛsitɛri lìigbɔɔli tɛ́ʔɛ ma wi da sámaga lè.

Ɛsitɛri 6:2

A pe gi nyaa yaà fànʔafɔw nànbēle siin pe da wòlo lè, pe lè Bigitan ní Terɛsyi, Maridosye maa be tɛ̀ɛn níì jo pe i caa bi kɔlɔ̀ taʔa fànʔafɔw Asyerusi na. Kpàánweeli kɔ̀rɔsiifɔbèle pèle siin be pye.

Ɛsitɛri 8:7

A fànʔafɔw Asyerusi fànʔafɔjew Ɛsitɛri, ní zyefuw Maridosye pye: «Wéle, mii n Haman kpáagi kaan Ɛsitɛri ma, woro si na, pe n wi cɔ̀rɔ cɔ̀rɔli tiige na àmɛɛ wi kɔ́gi taʔa Zyefubèle na lè.

Ɛsitɛri 9:14

A fànʔafɔw jo gi pye kánmi bee na. A be níì làlwa kéeli bee jáari Suzi ni. A be Haman jáabèle láa n cɔ̀rɔ.

Ɛsitɛri 9:25

Kàjáa lǎli ni Ɛsitɛri kári fànʔafɔw ma lè, a woro gi sɛ́bɛ n gi joo n gbàn níì jo: «Kapeegee wi da tímana Zyefubèle kánma na lè, ki n yɛlɛ gi kòro wi tiimaa nyúngi ni, pe wi cɔ̀rɔ cɔ̀rɔli tíige na, pe wɔ́ɔ wi jáabèle kpéʔele nya.»

Ŋúnuyi 141:10

Ki n yɛlɛ syɛɛnpeebèle í cò pe tiimaa cɔ̀ɔ́w na, mii si syɔɔ làrinijanni ni!

Ŋúnuyi 35:8

Ki n yɛlɛ kálagila í ba be pàla, cɔ̀ɔ́wee be cáan lè, woro í be cò, pe too kálagili ni!

Ŋúnuyi 73:19

Ee! Cɛɛri na pe a kálagi bi kwɔ́ɔ, pe n nan kwɔ́ɔmi na, fyáakpɔɔri n be kálagi péw.

Danyɛli 6:24

Lǎli bee ni a gi pye fànʔafɔw ma fundaangbɔɔrɔ, a wi be pye be Danyɛli yirige wéegi ni, a be Danyɛli yirige wéegi ni, n gi nyaa tɛɛkpàliga faala ga pye wi na í, níì cán wi maa tága wi Kolocɔlɔw na.

Danyɛli 6:7

A Kùndigibèle bee ní tári kacɔɔnribèle bee kpóʔoro n kári fànʔafɔw ma n sáà wi pye: «Fànʔafɔw Dariyusi, ki n yɛlɛ mɔ í kòro sìi na làla o làla!

1 Samyɛli 17:51

A Davidi fàn n sáà yére Filisitini ye wów nyúngo ni níì wi ŋɔséew cò n kíle n yirige kpàfogi ni n wi kpóo, níì ŋɔséew tɛ́ʔɛ n nyǔngi ceri wi na. A Filisitini ye ga gi nyaa poro nànniriw n kùu, a be fàn.