Ɛsitɛri 7:8 - Cebaara Bible 2010

⁸ A fànʔafɔw níì yìri yaà fànʔafɔ-gbaagi nángwɔɔ ma n baa jée lìigbɔɔli tɛ́ʔɛ ni. Koro n gi taa yasinɛgee na Ɛsitɛri da pye wozinɛ-zánʔaɔ ní lè, Haman maa pye gee bee na wodoo-dɛ́ɛɔn ní. A fànʔafɔw yákpoli wáa níì jo: «Pé ní too lé fànʔafɔjew na bi caa mii nyɛ́nɛ na kpáagi naa ni?» Syɛ́ɛnri bee tɛ́nɛ̀ yiri fànʔafɔw nyɔ́ɔ ni lè a be Haman yɛ́ɛgi tɔ́n ní fàni ní.

Ɛsitɛri 7:8 Iomraidhean Croise

Ɛsitɛri 1:5

A cányi bee ga kwɔ́ɔ, a fànʔafɔw lìigbɔɔlɔ sámaga kàfugi na fànʔafɔ-gbaagi nángwɔɔ ni, canya kɔrɔsiin fúngo ni, syɛ́ɛnbèle myɛ ma n wogbolobèle pínɛ woyilibèle ni, be pye lè Suzi ni ki lè fàngegi.

Ɛsitɛri 1:6

Kulɛɛri fànibēle n pye yaà, woviibéle, ní kɔ́luruna cére wòolo á pe be pwɔɔ maribiri kàdɛnɛrɛ gàángéle na, wálifiio vèʔebēle na, ní lɛn mɛ́ɛngéle ní, gele ge pye lè woviigéle, ní wonyɛɛngéle, á be tɛɛ̀ ní wálifiio yasinɛyɛ taʔa tɛɛwɔlɔgɔgɔ na, gee gi pye lè pɔrifiiri, ní maribiri, ní nakiri, ní maribiriwɔɔɔ kadɛnɛrɛ wóʔo.

Ɛsitɛri 6:12

A Maridosye lúru n sáà tɛ́ɛn fànʔafɔw kpaʔa kpaaweele na, á Haman tɔlɔyɔ wári n lúru n kári wi kpaʔa ma. Wi maa tɔ̀nɔ n pye funbɛɛnrɛ na níì wi nyúngi tɔ́n.

Ɛsitɛri 7:10

Cɔ̀rɔli tíigee Haman da sámaga Maridosye kánmi na lè, a be Haman cɔ̀rɔ gi na. Lǎli bee ni a fànʔafɔw fundanʔagbɔɔrɔ kwɔ́ɔ.

Zyɔbi 9:24

Tári n le syɛɛnpeebèle kɔ́yɔ ni. Wi i fàni tɔ́ngi kútiijoobèle yɛ́ɛyɛ na. Kapye woro ban í, wìí wii?

Ezayi 22:17

Wéle, mɔ mɔ nyaa lè, Yawe a tɔ̀nɔ́ mɔ wáa ní fànʔa ní, wi a mɔ sámaga mígi bi wáa.

Ezayi 49:23

Fànʔafɔɔlɔ a pye mɔ gbóofɔɔlɔ, pe pìíbèle be lè càbala, poro a ra mɔ gbóo. Pe a ba ra tíri da tuun bàā yɛ́ɛyi cíbele tári na mɔ yɛ́ʔɛ ma, sáā mɔ tɔ́lɔyi cíbige laala, mɔ a gi cán bi cán mii wi nyɛ Yawe, bele pe be sɔ̀ngumi taʔa mii na lè, fɛ̀ɛrɛ a be taa í.»

Amɔsi 3:12

Yawe wi gee naa joo níì jo: «Amɛɛ bànaʔaɔ gáà yaweele tɔ́lɔyɔ siin, wàlá yaweele líicerige yirige lè càaraɔ nyɔ́ɔ ni, kánmi bee na Isirayɛli ye a ba syɔɔ, poro bele be nyɛ lè wodɛ́ɛnbéle ní Samarii ni, níì sínɛ yasinɛyɛ na Damasi làgoyo na.»

Mariki 14:65

A pèle fala n séli ni tɛ́ɛri wáa wi na, níì wi yɛ́ɛgi tɔ́n ní i wi kpúmɔn ní kágungèle ní níì jo: «Mi mɔ kpúmɔnfɔw mɛ́ʔɛ tɛ̀ɛn wolo na.» A kpɔ̀ʔɔrɔli kpaʔa kpaàwelebéle wi kɔ́ri ni syée ní i wi kpúmɔn ní kadaagèle ní.