Ɛsitɛri 7:7 - Cebaara Bible 2010

⁷ A fànʔafɔw fúngo tanʔa gbanʔama, a wi yìri terire n yiri lìigbɔɔli tɛ́ʔɛ ni n sáà jée fànʔafɔ-gbaagi nángwɔɔ ni, á Haman kòro yaà ni fànʔafɔjew Ɛsitɛri nyɛ́ɛri jàngó woro sìíw í syɔɔ. Níì cán wi maa gi nyaa àmɛɛ fànʔafɔw gi tímana n kwɔ́ɔ bi kapeʔe pye woro na lè.

Ɛsitɛri 7:7 Iomraidhean Croise

Ɛsitɛri 1:12

Kàjáa a fànʔafɔjew Vasitii cée, wi ga fɔ̀lɔ n pan n yɛlɛ ní fànʔafɔw syɛ́ɛnrɛ ní wi da joo n gbàn nǎnbèle má pe da wòlo lè, a be sáà joo wi ma lè í. A fànʔafɔw fúngo tɔ̀nɔ n tanʔa gbanʔama, a wi fúngi tɔ̀nɔ n yìri n baa sɔ̀lɔ.

Ɛsitɛri 1:5

A cányi bee ga kwɔ́ɔ, a fànʔafɔw lìigbɔɔlɔ sámaga kàfugi na fànʔafɔ-gbaagi nángwɔɔ ni, canya kɔrɔsiin fúngo ni, syɛ́ɛnbèle myɛ ma n wogbolobèle pínɛ woyilibèle ni, be pye lè Suzi ni ki lè fàngegi.

Ɛsitɛri 7:10

Cɔ̀rɔli tíigee Haman da sámaga Maridosye kánmi na lè, a be Haman cɔ̀rɔ gi na. Lǎli bee ni a fànʔafɔw fundanʔagbɔɔrɔ kwɔ́ɔ.

Ŋúnuyi 112:10

Syɛɛnpeew i gee bee nyaagi níì fúngi tanʔa, wi i gǎngèle kúru, wi a nyan bi kwɔ́ɔ, syɛɛnpeebèle yanidaanmara a kálagi.

Kàseegèle 14:19

Syɛɛnpeebèle a ba ra kpùmɔnɔ́ syɛɛncanbèle yɛ́ʔɛ ma, kakolobyebèle í ba ra kpùmɔnɔ́ syɛɛnsinbèle kpaaweegéle na.

Kàseegèle 14:35

Falipyewee wi kérigèle sámagi ni cɔɔnri lè, fànʔafɔw i fɔ̀lɔ́ wee bee na, wee si wi fɛ̀ɛ́ri kèlē kpéʔele lè, wi fúngi a ra taanri wee bee kurugo.

Kàseegèle 16:14

Fànʔafɔw fundanʔagbɔɔrɔ i nyɛ kùúw tundunwaa, kàjáa syɔ́ɔnwee wi nyɛ lè sícilio woro a gbǎn gi télege.

Kàseegèle 19:12

Fànʔafɔw fundanʔara i nyɛ àmɛɛ càaraɔ kaanana nyɛ lè, wi funjǎngi si i nyɛ àmɛɛ kásaga nyɛ lè nyàā na.

Ezayi 60:14

Bele be fǎngi gbàngí mɔ na lè, poro jáabèle a ba ra peyɛɛ jɛ́rɛgi mɔ yɛ́ʔɛ ma, mɔ faʔafɔbèle myɛ a ba ra tíri da tuun mɔ láari ni, pe a ra mɔ yiri Yawe kěgi, ní Isirayɛli Wojanw Siyɔn.

Danyɛli 3:19

Lǎli bee ni a Nebukadinezari tɔ̀nɔ n nyìn fundanʔagbɔɔri na, a wi yɛ́ɛgi fàli Syadiraki, ní Mesyaki, ní Abɛdi-Nego ye yɛ́ʔɛ ma. A wi níì gi joo n gbàn níì jo, be fúruw wáriga ki tɛɛyɛ kɔrɔsiin bi sɔ̀lɔ wi wárigaganzelimi na.

Tɛ̀ɛnnɛ 3:9

Wéle, bele be nyɛ lè Sutanaw sérikpaʔa woolo ní si i finɛ, ní i peyɛɛ yiri Zyefubéle, bi gi taa pe o nyɛ Zyefubéle í, mii a be kɔ́ri koro ga pye pe ba kpùmɔnɔ mɔ taana bàā mɔ kpɔ̀ʔɔrɔ́, jàngó pe gi cán bi cán mii n tàmaga le ní mɔ ní.

1 Samyɛli 20:7

Wi ga jo: ‹Ki n yɛlɛ,› mɔ falipyew n syɔɔ. Kàjáa wi fúngi ga yìri, mi gi cán wi n gi tímana n kwɔ́ɔ bi kapeʔe kpéʔele.

1 Samyɛli 20:9

A Zyonatan wi pye: «Sɔ̀nguri bee yaʔa. Mii ga gi cán ncan mii tóow n gi tímana n kwɔ́ɔ bi kapeʔe kpéʔele mɔ na, mii a gi yaʔa sìnjoo ni mɔ ma í!»

1 Samyɛli 25:17

Tɔ́ɔliw ni ki n yɛlɛ mi gi wéle, gee mɔ yɛlɛ bi kpéʔele lè, mi koro cán. Níì cán wolo kàfɔw ní wi kpáagi wòolo myɛ kálagila kéele n kɔ̀rirɔ n tímana n kwɔ́ɔ, á wi zɔ̌nw si gbàn syɔɔn a gbǎn joo ní wi ní í.»