Ɛsitɛri 7:6 - Cebaara Bible 2010

⁶ A Ɛsitɛri wi yari: «Wolo kàsiitun-nyɛ́nw, wi lè nígoow, woro wi nyɛ Haman, wi lè syɛɛnpeew bee.» A Haman syɔɔ n kùu tábi fyáakpɔɔri báriga ni fànʔafɔw, ní fànʔafɔjew nyɛ́nɛ na.

Ɛsitɛri 7:6 Iomraidhean Croise

Nehemii 6:16

Lǎli ni wolo nigoobèle myɛ kéeli bee lóʔo lè, syɛɛnfeleyi myɛ yi wolo màʔa lè, a yi fyáa. A yi tɔ̀nɔ n yiyɛɛ nyaa fɛ̀ɛrɛ wóyo ní, ní wɔ́ɔ̀ gi cán fáliw n kpéʔele n foro n yɛlɛ ní wolo Kolocɔlɔw nyɛ́nɛ kéele ní.

Ɛsitɛri 3:10

A fànʔafɔw wi kabeli vèʔeo wòlo n kaan Zyefubèle kàsiitun-nyɛ́nnɛ Hamedata jáaw Haman ma wi pye lè Agagi wówaa.

Ɛsitɛri 7:5

A fànʔafɔw Asyerusi fànʔafɔjew Ɛsitɛri pye: «Wìí wi nyɛ syɔ́ɔnw bee? Sán wi nyɛ, wee wi wi nyǔngi waʔa níì kéeli bee félege tímana lè?»

Ɛsitɛri 8:1

Cángi bee wonijanga, a fànʔafɔw Asyerusi Haman kpáagi kaan fànʔafɔjew Ɛsitɛri ma, Haman wi pye lè Zyefubèle kàsiitun-nyɛ́nnɛ, á Maridosye baa pye fànʔafɔw taana, níì cán Ɛsitɛri maa gi tɛ̀ɛn àmɛɛ woro ní Maridosye nyɛ lè.

Ŋúnuyi 27:2

Lǎli ni kakolobyebèle nùuni mii na bi ba mii céri káa lè, poro bele be nyɛ lè mii kàsiitun-nyɛ́nbèle ní mii nigoobèle, a be i kpírigi ni tuun.

Kàseegèle 16:14

Fànʔafɔw fundanʔagbɔɔrɔ i nyɛ kùúw tundunwaa, kàjáa syɔ́ɔnwee wi nyɛ lè sícilio woro a gbǎn gi télege.

Syɛɛnjóow 5:8

Gee ki a pɔ́rɔ tári ma lè koro gi nyɛ di fànʔafɔwaa taa wee wi a séyi fáli kéele kpɔ́ʔɔ lè.

Ezayi 21:4

Mii fúngi n curugo, fyáakpɔɔri n fànʔa taa mii na. Yébiligi mii da ni yèʔeri lè Kolocɔlɔɔ n gi kàriga mii ma fyáakpɔɔrɔ yébilige.

1 Korɛnti ye 5:13

Kolocɔlɔɔ wi a kàfugi wòolo kútii ceri. Ye syɛɛnpeew bee yirige yeyɛɛ níngi ni.

2 Tesaloniki ye 2:8

Lǎli bee ni Kapeegèle Syɔ́ɔn a wiyɛɛ dɛ̀ɛn, woro wee Zyezu a ba kpóo lè ní wi nyɔ́ɔgi káfalaga ní, si wi kálagi péw woro panni nìjanra darigala báriga ni.

1 Samyɛli 24:13

Yawe wi yɛlɛ wi pye kútiiceriw mii ní mɔ níngi ni. Yawe wi a mii gɔ̀lɔ́w wòlo mɔ na, kàjáa mii kɔ́gi tiimaa ban ki a nan mɔ na í.