Ɛsitɛri 7:10 - Cebaara Bible 2010

¹⁰ Cɔ̀rɔli tíigee Haman da sámaga Maridosye kánmi na lè, a be Haman cɔ̀rɔ gi na. Lǎli bee ni a fànʔafɔw fundanʔagbɔɔrɔ kwɔ́ɔ.

Ɛsitɛri 7:10 Iomraidhean Croise

Sélimɛ 40:22

Wee si wi pye lè búruw sámagala nyúngo na, níì be pye a be woro cɔ̀rɔ tiige na n yɛlɛ ní gi ní àmɛɛ Zyozɛfu da gi kɔ́rɔw joo lè.

Ɛsitɛri 2:1

Kérigèle bee kàdoʔo ma àmɛɛ fànʔafɔw Asyerusi fundanʔagbɔɔri baa kwɔ́ɔ lè, a wi sɔ̀ngi n taa Vasitii kéeli na, gee wi da kpéʔele lè, ní gee ki da joo n ceri wi kéeli na lè.

Ɛsitɛri 5:14

A wi céw Zerɛsyi ní wi tàannyɛnbèle myɛ wi pye: «Ki n yɛlɛ be cɔ̀rɔlɔ tíige sámaga bi yérige, ki tɔnɔganmi í pye mɛ́tiribéle toko ní kagunɔ, nyɛ̀ʔɛna nyǐngi nyɔ́ɔ na, mí sa fànʔafɔw pye wi Maridosye yaʔa pe wi cɔ̀rɔ gi na. Koro kàdoʔo ma mɔ si kári fundaanra na ní fànʔafɔw ní lìigbɔɔli ma.» A syɛ́ɛnri bee Haman dɛ́nɛ. A wi cɔ̀rɔlɔ tíige sámaga n yérige.

Ɛsitɛri 7:7

A fànʔafɔw fúngo tanʔa gbanʔama, a wi yìri terire n yiri lìigbɔɔli tɛ́ʔɛ ni n sáà jée fànʔafɔ-gbaagi nángwɔɔ ni, á Haman kòro yaà ni fànʔafɔjew Ɛsitɛri nyɛ́ɛri jàngó woro sìíw í syɔɔ. Níì cán wi maa gi nyaa àmɛɛ fànʔafɔw gi tímana n kwɔ́ɔ bi kapeʔe pye woro na lè.

Ɛsitɛri 7:8

A fànʔafɔw níì yìri yaà fànʔafɔ-gbaagi nángwɔɔ ma n baa jée lìigbɔɔli tɛ́ʔɛ ni. Koro n gi taa yasinɛgee na Ɛsitɛri da pye wozinɛ-zánʔaɔ ní lè, Haman maa pye gee bee na wodoo-dɛ́ɛɔn ní. A fànʔafɔw yákpoli wáa níì jo: «Pé ní too lé fànʔafɔjew na bi caa mii nyɛ́nɛ na kpáagi naa ni?» Syɛ́ɛnri bee tɛ́nɛ̀ yiri fànʔafɔw nyɔ́ɔ ni lè a be Haman yɛ́ɛgi tɔ́n ní fàni ní.

Ɛsitɛri 8:7

A fànʔafɔw Asyerusi fànʔafɔjew Ɛsitɛri, ní zyefuw Maridosye pye: «Wéle, mii n Haman kpáagi kaan Ɛsitɛri ma, woro si na, pe n wi cɔ̀rɔ cɔ̀rɔli tiige na àmɛɛ wi kɔ́gi taʔa Zyefubèle na lè.

Ɛsitɛri 9:14

A fànʔafɔw jo gi pye kánmi bee na. A be níì làlwa kéeli bee jáari Suzi ni. A be Haman jáabèle láa n cɔ̀rɔ.

Ɛsitɛri 9:25

Kàjáa lǎli ni Ɛsitɛri kári fànʔafɔw ma lè, a woro gi sɛ́bɛ n gi joo n gbàn níì jo: «Kapeegee wi da tímana Zyefubèle kánma na lè, ki n yɛlɛ gi kòro wi tiimaa nyúngi ni, pe wi cɔ̀rɔ cɔ̀rɔli tíige na, pe wɔ́ɔ wi jáabèle kpéʔele nya.»

Zyɔbi 18:8

Níì cán wi tɔ́lɔyi i wi wáa cɔ̀ɔ ni, wi i táanri ni máari ni có mɛ́ɛngèle na.

Zyɔbi 20:8

Wi a yìri fókaanya na bi kári àmɛɛ ŋúnɔgɔ nyɛ lè, wi a ní nyaa í. Wi a nɛnɛ bi núngo yaà àmɛɛ yébilige yanyaʔa nyɛ lè.

Ŋúnuyi 37:15

Pe ŋɔséebèle a jée pe tiimaa zɔ̌nbèle ni, pe sedeyi a kabagi.

Ŋúnuyi 7:16

Wi i weʔe kúunri, wi i gi túru. Wéegi wi túgu lè, wi i tuun gi ni.

Ŋúnuyi 94:23

Wi a be kolomi yaʔa bi lúru kòro be na, wi a be péemi tɛ́ʔɛ bi be nyɔ́ɔyi tɔ́n. Yawe wolo Kolocɔlɔw a be nyɔ́ɔyi tɔ́n.

Kàseegèle 11:27

Wee wi wiyɛɛ daʔa kacànbyeri na lè, wi i kacànna taagi, wee si wi kapeegi caa lè, kapeegi a wɔ́ɔ nan wi na.

Kàseegèle 11:8

Syɛɛnsinw n syɔɔ wɔʔɔgi ma, á syɛɛnpeew jée gi ni wi sìndɛɛgi ni.

Kàseegèle 26:27

Wee wi weʔe túru lè, wi a too gi ni, kàdɛnɛgi si i lúrugu ni maa gi kòlogofɔw ma.

Zyeremii 34:17

Gee bee na Yawe syɛ́ɛnri naa joo níì jo: ‹Yele ga fɔ̀lɔ n lóʔo mii ma í, á syɔɔn o syɔɔn wi senyɛnnɛ, ní wi syɛɛnnyɛnnɛ yaʔa wɔ́rɔɔ í. Awá, mii a ŋɔséew, ní káfalagi yáama, ní kateekpɔɔgi sánʔa yaʔa yele kánmi na, Yawe wi jo nya. Mii a yele kpéʔele fyáakpɔɔrɔ yáriga tári fànya myɛ ma.

Ezekyɛli 5:13

Mii fundanʔari a kári fwɔɔ sa nan láʔali na. Mii a mii fundanʔagbɔɔri cáan be na mii fúngi si tìgi, mii a niyɛɛ fúngi nyíngi, pe a gi cán bi cán mii Yawe wi gi joo ní yejaʔa ní, níì gi kpéʔele be na fwɔɔ n sáà nan mii fundanʔagbɔɔri láʔala na.

Danyɛli 6:24

Lǎli bee ni a gi pye fànʔafɔw ma fundaangbɔɔrɔ, a wi be pye be Danyɛli yirige wéegi ni, a be Danyɛli yirige wéegi ni, n gi nyaa tɛɛkpàliga faala ga pye wi na í, níì cán wi maa tága wi Kolocɔlɔw na.

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Zakarii 6:8

A wi mii yeri níì mii pye: «Wéle, yee yi yirigi ni syée solomɔkulo tári kàbaan na lè, yoro a mii Pǐli fúngo tìrige solomɔkulo tári kurugo.»

Jàbɔbèle 15:7

A Samisɔn be pye: «Amɛɛ yele gi kpéʔele lè kánmi naa na, mii a mii gɔ̀lɔ́w wòlo yele na si náa yére.»