Ɛsitɛri 6:6 - Cebaara Bible 2010

⁶ A Haman jée. A fànʔafɔw wi pye: «Nyàʔá gi yɛlɛ bi kpéʔele syɔɔnwaa ma, wee fànʔafɔw caa bi kpɔ́ʔɔ lè?» A Haman i gi nyuu wiyɛɛ fúngi ni níì jo: Wìí fànʔafɔw a ní da caa bi kpɔ́ʔɔ sɔ̀lɔ mii na?

Ɛsitɛri 6:6 Iomraidhean Croise

Abidyasi 1:3

Mɔ fúngi kpɔ́ɔmɔ n mɔ pùuni, mɔ wee wi nyɛ lè wodɛ́ɛɔn ní fálaweeyi fúngo ni, mɔ tɛɛkòrogi si i nyɛ yaà píri ǹjoʔo ma, á mɔ si i gi nyuu miyɛɛ fúngi ni níì jo: ‹Wìí wi a gbǎn mii tìrige fwɔɔ bi sa nan tári na?›

Kàseegèle 16:18

Kálagila i nyɛ nɛ̀ɛnyɛnɛgi kurugo, toolo si i nyɛ nɛ̀ɛgbɔʔɔgi kurugo.

Zyan 5:23

koro ga pye syɛ́ɛnbèle myɛ í da Jaafɔw kpɔ̀ʔɔrɔ́, àmɛɛ be Tofɔw kpɔ̀ʔɔrɔ́ lè. Syɔ́ɔnwee ga pye lè wi o Jaafɔw kpɔ̀ʔɔrɔ́ í, wee bee wɔ́ɔ o Tofɔw kpɔ̀ʔɔrɔ́ í, woro wee wi Jaafɔw tun lè.

Matye 3:17

A be yákpolo lóʔo nyɛ̀ʔɛni na, a li jo: «Wee naa wi nyɛ mii Pìinidaanmaw, wee kéele li mii dɛ́nɛ lè gbanʔama.»

Zyeremii 32:41

Ki a pye mii ma fundaanra bi kacànna kpéʔele be na, mii a tɔ̀nɔ́ be cɔ́rɔ kányɛʔɛ na tári naa ni, ní mii zɔ̌nw myɛ, ní mii fúngi myɛ ní.

Ezayi 42:1

«Mii falipyew wéle, woro wee mii tɔʔɔ n yérige lè, mii wonyɛnɛ-wòlow wi nyɛ lè mii fúngi yanidaanmaga. Mii n mii Pǐli taʔa wi na. Wi a kútiisinw tɛ̀ɛn syɛɛnfeleyi na.

Kàseegèle 18:12

Sáni kálagili í pye lè, syɔɔn fúngi má kpɔ́ɔmi gáà yìri, nìjanri si i maa nɛ̀ɛjɛrɛgi kurugo.

Kàseegèle 1:32

Níì cán nidoliyi céemɛ i yi kúu, nilabalabèle sìnzɔngumɔ si i be kálagi.

Ŋúnuyi 35:27

Bele mii tàángi taala kéele dɛ́nɛ lè, poro sáā muguri sáā fundaangbɔɔrɔ kpéʔele, páā gi nyuu da taʔala si jo: «Yawe n yɛlɛ waa wi kpɔ̀ʔɔrɔ́, wi falipyew yɛɛ̀nyinge kéele n wi dɛ́nɛ!»

Ɛsitɛri 6:11

A Haman tɔ̀ʔɔ̂ búrogi láa n fàra syɔ́ɔngi na, níì búrogi le Maridosye na, níì wi lúrugo syɔ́ɔngi na níì nyaari n màʔa ní wi ní kěgi kadàlaga na ní i yákpoli wáa wi yɛʔɛ̀ ma ni gi nyuu níì jo: «Syɔ́ɔnwee fànʔafɔw caa bi kpɔ́ʔɔ lè, gee naa gi yɛlɛ bi kpéʔele wi ma.»

Ɛsitɛri 6:9

pé búrogi, ní syɔ́ɔngi kaan fànʔafɔw syɛɛnkpɔɔwaa ma, wi lè mɛ́ʔɛfɔwaa, wi búrogi le nǎnw bee na, wee fànʔafɔw caa bi kpɔ́ʔɔ lè, si wi lúrugo syɔ́ɔngi na bàā syée kěgi kadàlaga ma, sáā yákpoli wáa wi yɛʔɛ̀ ma bàā gi nyuu si jo: ‹Syɔ́ɔnwee fànʔafɔw caa bi kpɔ́ʔɔ lè, gee naa gi yɛlɛ bi kpéʔele wi ma.› »

Ɛsitɛri 6:7

A Haman fànʔafɔw pye: «Syɔ́ɔnwee lé fànʔafɔw caa bi kpɔ́ʔɔ lè?

Ɛsitɛri 5:11

A Haman baa wi bìngaataa-lɔ́ri kéele joo n tɛ̀ɛn be na, n fàra wi pìinɛʔɛri kéele na, ní kánmee myɛ na fànʔafɔw woro lúrugo ǹjoʔo ma lè, n woro kpɔ́ʔɔ n sɔ̀lɔ kùndigibèle ní fǎngi falipyebèlē myɛ na.

Kàseegèle 30:13

Syɛ́ɛnbèle pèle félege i yaà, pe nyapiigèle i nyɛ nɛ̀ɛgbɔʔɔgɔ woʔolo, pe nyapiikoriyi i nyɛ ǹjoʔo ma.

Ɛsitɛri 6:5

A fànʔafɔw syɛ̀ɛnnɛ jo: «Haman wi yaà kàcooli ni woyéreo ní.» A fànʔafɔw jo: «Ki n yɛlɛ waa jǐn naa.»

Ɛsitɛri 1:15

Ní baa jo: «Bi yɛlɛ ní làlwaw ní, gìí wo yɛlɛ wo kpéʔele fànʔafɔjew Vasitii na àmɛɛ wi syɛ́ɛnri cée, dee fànʔafɔw Asyerusi joo n gbàn nǎnbèle ma be wòlo lè a be sáà joo wi ma lè?»

Luki 14:9

Wee wi yele myɛ siinw yeri lè, wi ga sáà nan mɔ na níì mɔ pye: ‹Mi tɛɛ̀tɛnɛgi naa kaan nǎnw naa ma,› lǎli bee ni mɔ a sa tɛ́ɛn kàdoʔo ma tɛɛ̀tɛ́nɛgi ni fɛ̀ɛrɛ wóo ní.