Ɛsitɛri 6:4 - Cebaara Bible 2010

⁴ A fànʔafɔw jo: «Wìí si wi yaà wee kàcooli ni?» Haman wi da pan n baa yére kàcooli ni, fànʔafɔ-gbaagi kàfugo ma kacoolo ni, koro ga pye bi ba fànʔafɔw pye wi gi yaʔa pe Maridosye cɔ̀rɔ cɔ̀rɔli tíige na gee wi da sámaga wi kéeli na lè.

Ɛsitɛri 6:4 Iomraidhean Croise

Ɛsitɛri 4:11

«Fànʔafɔw falipyebèlē myɛ, ní wi tátɛɛyi syɛ̀ɛnnɛ myɛ n gi cán ncan syɔɔn o syɔɔn wi ga kári fànʔafɔw ma n sáà yére fungoma kàcooli ni lè, nàɔn yoo, cɔlɔɔ yoo, bi gi taa pe ga wi yeri í, pe n wi kpóo. Koro i nyɛ làlwanijanw pe myɛ kéele na. Fwɔɔ fànʔafɔw ga wi fǎngi tɛɛ̀ kàgbeele fìin wee na lè woro wi a yaʔa sìngbóo ni. Mii si na, ki canya toko ní kpɔrigɔ wi wee, pe ga ní kɔ́ɔ̀ mii yeri mii í kári yaà fànʔafɔw tɛ́ʔɛ ma í.»

Ɛsitɛri 5:1

A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

Ɛsitɛri 5:14

A wi céw Zerɛsyi ní wi tàannyɛnbèle myɛ wi pye: «Ki n yɛlɛ be cɔ̀rɔlɔ tíige sámaga bi yérige, ki tɔnɔganmi í pye mɛ́tiribéle toko ní kagunɔ, nyɛ̀ʔɛna nyǐngi nyɔ́ɔ na, mí sa fànʔafɔw pye wi Maridosye yaʔa pe wi cɔ̀rɔ gi na. Koro kàdoʔo ma mɔ si kári fundaanra na ní fànʔafɔw ní lìigbɔɔli ma.» A syɛ́ɛnri bee Haman dɛ́nɛ. A wi cɔ̀rɔlɔ tíige sámaga n yérige.

Ɛsitɛri 6:3

A fànʔafɔw jo: «Nyàʔá kpɔʔɔvelere si wo da taʔa Maridosye na kéeli bee na?» Syɛ́ɛnbèle bele pe da ni báara fànʔafɔw ma lè, a poro wi yari: «Wo ga téè yafyɛn kpéʔele wi ma í.»

Ɛsitɛri 6:5

A fànʔafɔw syɛ̀ɛnnɛ jo: «Haman wi yaà kàcooli ni woyéreo ní.» A fànʔafɔw jo: «Ki n yɛlɛ waa jǐn naa.»

Ɛsitɛri 7:9

Haribona wi da pye bele ni pe da wòlo lè a woro gi joo fànʔafɔw nyɛ́nɛ na níì jo: «Cɔ́ɔ! Cɔ̀rɔli tíige Haman da sámaga n yérige wi kpáagi ni, gee tɔnɔganma pi da pye lè mɛ́tiribéle toko ní kagunɔ, koro gee wi da sámaga Maridosye kánmi na, woro wee jóomɔ pi da nyɔɔ fànʔafɔw na lè, ki i yaà.» A fànʔafɔw jo: «Ye sa wi cɔ̀rɔ gi na.»

Zyɔbi 5:13

Wi i sícilibèle có be tiimaa gbánami na, ní i nigbanabèle lálii yaari wi o báragi í.

Ŋúnuyi 2:4

Wee wi nyɛ lè wodɛ́ɛɔn ní nyɛ̀ʔɛgèle ni, woro i gi tɛ́ʔɛ, Kàfɔw i wiyɛɛ nyɛ́nɛ be na.

Ŋúnuyi 33:19

Koro ga pye wi be pìígèle syɔɔ kùu ma, sáā be gbóo kateegi làla ni.

Syɛɛnjóow 9:10

Yariga o yariga mɔ kɔ́gi ga taa bàā kpéʔele lè, da gi kpéʔele ní mɔ fangi myɛ ní. Níì cán kapyele, ní katimanana, ní cánna, ní sícilimɛ o yaà kúbèle tɛɛkòrogo ni beè mɔ syée lè í.