Ɛsitɛri 5:4 - Cebaara Bible 2010

⁴ A Ɛsitɛri wi yari: «Ki ga yɛlɛ fànʔafɔw ma, ki n yɛlɛ fànʔafɔw í pan níjanʔa ní Haman ní lìigbɔɔli ma, lee mii sámaga wi ma lè.»

Ɛsitɛri 5:4 Iomraidhean Croise

Sélimɛ 27:25

A Izaaki níì jo: «Káari kaan naa mii ma, dóō, dee mɔ sáà caa lè, jàngó mii í di káa, koro ga pye mii í mii dùbaw kpéʔele mɔ ma ní mii fúngi ní.» A Zyakɔbi pan ní lìíli ní wi tóow ma, a wi baa lìi, ní wɔ́ɔ̀ dùvɛɛn kaan wi ma a wi gbaa.

Sélimɛ 32:20

A wi wɔ́ɔ̀ syɛ́ɛnri bee wonijanra joo siin wów ní taanri wów ma, ní bele myɛ ma pe da pye yaweeri kabiya kurugo lè níì be pye: «Yele ga sáà Ezau nyaa, ye gi joo wi ma kánmi bee na.

Ɛsitɛri 1:9

A fànʔafɔjew Vasitii wɔ́ɔ̀ lìigbɔɔlɔ sámaga cébèle ma fànʔafɔw Asyerusi fànʔafɔ-gbaagi ni.

Ɛsitɛri 3:15

A tundun-jólogobèle yiri n kári kelekele n yɛlɛ ní fànʔafɔw kajoolo ní. A kéeli bee jáari Suzi ni, ki lè fàngegi. Fànʔafɔw ní Haman si maa tɛ́ɛn ni gbo. Suzi kěgi maa pye nyatinmɛ.

Ɛsitɛri 5:3

A fànʔafɔw wi pye: «Nyàʔá gi yaà, fànʔafɔjew Ɛsitɛri? Nyàʔá mɔ caa bi nyɛ́ɛri? Mii a gi kaan mɔ ma, àlí bi taa sa nan fǎngi tíla na!»

Ɛsitɛri 5:5

A fànʔafɔw jo: «Ye sa Haman kɔ́ri wi pan kelekele koro ga pye Ɛsitɛri kayeli í foro.» Lìigbɔɔlee Ɛsitɛri da sámaga lè, a fànʔafɔw ní Haman baa kári lìíli bee tɛ́ʔɛ ma.

Ɛsitɛri 5:8

Kapye fànʔafɔw n fɔ̀lɔ mii na, á gi yɛlɛ fànʔafɔw ma bi gi kaan mii ma, gee mii a nyɛ́ɛri lè, ní gee mii caa gi kpéʔele lè, ki n yɛlɛ fànʔafɔw í pan ní Haman ní lìigbɔɔli ma, lee mii a sámaga be ma lè. Nyɛ̀ʔɛna mii a syɛɛnlurugori kaan fànʔafɔw ma, bi yɛlɛ ní wi syɛ́ɛnri ní.»

Ŋúnuyi 112:5

Syɔ́ɔnwee wi nyinimɛ taagi lè, ní i fwɔɔlɔ nii, wee bee i nyɛ dùba pyà, woro wee wi wi kérigèle cɔɔnri ní sínnɛ ní lè!

Kàseegèle 29:11

Nilabalaɔ i wi fundanʔaw myɛ yirigi kàfugi na, kàjáa sícilio i wi wóri có ni sínɛgi.

1 Korɛnti ye 14:20

Ni senyɛ̀nnɛ, yele a kɔ́ pye pìibēle kútiiw cerile kabaan na í, kàjáa ki n yɛlɛ ye pye pìipiigéle kakolobyeri kàbaan na, yé pye wolɛɛbèlē kútiiw cerile kabaan na.