Ɛsitɛri 5:2 - Cebaara Bible 2010

² Lǎli ni fànʔafɔw Ɛsitɛri nyaa woyéreo ní kàcooli ni lè, a wi fɔ̀lɔ wi na. A fànʔafɔw fǎngi tɛɛ̀ kàgbeele fìin Ɛsitɛri na, lee li pye wi kɔ́gi ni lè, a Ɛsitɛri nùuni yaà n sáà tánga fǎngi kàgbeele fínaana na.

Ɛsitɛri 5:2 Iomraidhean Croise

Sélimɛ 32:28

A nǎnw wi pye: «Mɛ̀ɛ́ pe mɔ yiri?» A wi jo: «Pe i mii yiri Zyakɔbi.»

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Ɛsitɛri 2:9

A pìcaaw kéele tɔ̀nɔ n wi dɛ́nɛ, a wi i funjànga kpéʔele ní wi ní. Céri nìjanra sìnmɛ, ní lìíli lɛɛlɛ li yɛlɛ bi kaan wi ma lè a wi toro kaan wi ma kelekele, n fàra fànʔafɔ-gbaagi falipye-pìcaala kɔrɔsiin na pe da yɛlɛ bi kaan wi ma lè, níì wi lége ní wi falipye-picaabèle ní cébèle kpaʔa tɛɛcàndelege ni.

Ɛsitɛri 4:11

«Fànʔafɔw falipyebèlē myɛ, ní wi tátɛɛyi syɛ̀ɛnnɛ myɛ n gi cán ncan syɔɔn o syɔɔn wi ga kári fànʔafɔw ma n sáà yére fungoma kàcooli ni lè, nàɔn yoo, cɔlɔɔ yoo, bi gi taa pe ga wi yeri í, pe n wi kpóo. Koro i nyɛ làlwanijanw pe myɛ kéele na. Fwɔɔ fànʔafɔw ga wi fǎngi tɛɛ̀ kàgbeele fìin wee na lè woro wi a yaʔa sìngbóo ni. Mii si na, ki canya toko ní kpɔrigɔ wi wee, pe ga ní kɔ́ɔ̀ mii yeri mii í kári yaà fànʔafɔw tɛ́ʔɛ ma í.»

Ɛsitɛri 8:4

A fànʔafɔw fǎngi tɛɛ̀ kàgbeele fìin Ɛsitɛri na, a Ɛsitɛri yìri n yére fànʔafɔw yɛ́ʔɛ ma.

Ŋúnuyi 116:1

Yawe kéeli n mii dɛ́nɛ, níì cán wi i mii yákpoli ní mii nyɛ́ɛrigboloyi lúro.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Kapyegèle 10:4

Amɛɛ fyáari Kɔrɔnɛ cò lè gbanʔama, a wi nyapiigèle le wi ni ni wéle níì wi pye: «Kàfɔw, mɛ̀ɛ́ gi nyɛ?» A tundunw wi yari: «Mɔ nyɛ́ɛrigi, ní mɔ kpɔ́ʔɔri myɛ n lúgu n nan Kolocɔlɔɔ na, a wi i sɔ̀ngí ni taagi ní di ní.

Kapyegèle 7:10

ni wi yirigi wi wɔʔɔyi myɛ ni, níì kpɔ́ʔɔri, ní sícilimi kaan wi ma, a wi kéeli Faraɔnw dɛ́nɛ, wi pye lè Ezyipiti fànʔafɔw, a Faraɔn wi télege Ezyipiti tári, ní woro tiimaa kpáagi myɛ nyúngo na.