Ɛsitɛri 5:1 - Cebaara Bible 2010

¹ A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

Ɛsitɛri 5:1 Iomraidhean Croise

Ɛsitɛri 1:11

níì jo pe sa fànʔafɔjew Vasitii yeri wi fànʔafɔ-nyùndɔnni tɔ́n wi ba wi nìjanri tɛ̀ɛn syɛ́ɛnbèle, ní kùndigibèle na, níì cán wi maa tɔ̀nɔ n nyɔɔ.

Ɛsitɛri 2:5

Zyefunànwaa maa pye yaà Suzi ni, ki lè fàngegi, pe i wi yiri Maridosye, wi pye lè Yayiiri jáaw, Yayiiri wi lè Syimeyii jáaw, Syimeyii wi lè Kisyi jáaw, wi pye lè Bɛnzyamɛ yòdaʔagaa.

Ɛsitɛri 4:11

«Fànʔafɔw falipyebèlē myɛ, ní wi tátɛɛyi syɛ̀ɛnnɛ myɛ n gi cán ncan syɔɔn o syɔɔn wi ga kári fànʔafɔw ma n sáà yére fungoma kàcooli ni lè, nàɔn yoo, cɔlɔɔ yoo, bi gi taa pe ga wi yeri í, pe n wi kpóo. Koro i nyɛ làlwanijanw pe myɛ kéele na. Fwɔɔ fànʔafɔw ga wi fǎngi tɛɛ̀ kàgbeele fìin wee na lè woro wi a yaʔa sìngbóo ni. Mii si na, ki canya toko ní kpɔrigɔ wi wee, pe ga ní kɔ́ɔ̀ mii yeri mii í kári yaà fànʔafɔw tɛ́ʔɛ ma í.»

Ɛsitɛri 4:16

«Da syée mi sa Suzi Zyefubèle myɛ kpóʔoro ye súnw le mii kéeli na. Yele a kɔ́ lìi í, yele a kɔ́ gbaa í canya taanri fúngo ni n cányi pínɛ yébiliyi ni. Mii ní mii falipye-pìcaabèle a wɔ́ɔ súnw le kánmi bee na. Koro kàdoʔo ma mii a jée yaà fànʔafɔw ma, àlí àmɛɛ làlwaw bee wíre i yaà lè, ki ga yére mii í kùu yoo, mii a kùu.»

Ɛsitɛri 4:17

Gee myɛ Ɛsitɛri joo n gbàn Maridosye ma lè a wi kári n sáà gi kpéʔele.

Ɛsitɛri 6:4

A fànʔafɔw jo: «Wìí si wi yaà wee kàcooli ni?» Haman wi da pan n baa yére kàcooli ni, fànʔafɔ-gbaagi kàfugo ma kacoolo ni, koro ga pye bi ba fànʔafɔw pye wi gi yaʔa pe Maridosye cɔ̀rɔ cɔ̀rɔli tíige na gee wi da sámaga wi kéeli na lè.

Ɛsitɛri 8:15

A Maridosye yiri yaà fànʔafɔw tɛ́ʔɛ ni, ní fànʔafɔ-búroyo ní, yi pye lè kɔ́luruna cére fàni wóyo, ní woviiye, n fàra tɛɛ̀ fànʔafɔ-nyùndɔngbɔʔɔ, ní lɛn fàninyɛɛɔn búrogbɔʔɔ na. A Suzi kěgi syɛ̀ɛnnɛ myɛ tɔ̀nɔ i muguri, ní i fundaanra kpéʔele.

Matye 10:16

«Ye wéle, mii i yele tórogi solomikaari nínge ni àmɛɛ bàala nyɛ lè. Koro na gi yɛlɛ yele í cìlige àmɛɛ wàbiyi nyɛ lè, si pye kajoolo fun àmɛɛ kàtogèle nyɛ lè.

Matye 11:8

Ba nyàʔá yele da kári sa wéle? Nànwaa lé yele da kári sa wéle, wee wi fànicàɔn le lè? Wéle, bele be fànicǎnw nii lè, bele bee i nyɛ fànʔafɔbèle kpaaya ni.

Matye 27:64

Koro na gi yɛlɛ mɔ í gi joo bi gbàn, jàngó paa nyángi kɔ̀rɔsíi bi taa cányi taanri í ba foro. Kapye koro ban í, wi pìitamabèle a gbǎn pan ba wi yùu, si jo, wi n nyán n yiri kúbèle nínge ni. Jànvaaw bee kàdoʔo si a naa ba pee bi sɔ̀lɔ wozeliw na.»

Luki 22:30

Koro ga pye yele í da líi sáā gbo mii tàbaliw na mii fǎngi ni. Yele a tɛ́ɛn fàngorigēle na bi pye Isirayɛli syɛɛnfeleyi kɛɛ ní siin kútiijoobéle.»

Tɛ̀ɛnnɛ 3:21

Wee wi ga fànʔa taa lè, mii a wee bee yaʔa wi tɛ́ɛn mii taana mii fàngoli ni, àmɛɛ mii wɔ́ɔ̀ fànʔa taa lè ní sáà tɛ́ɛn mii Tóow taana wi fàngoli ni lè.