Ɛsitɛri 4:4 - Cebaara Bible 2010

⁴ Ɛsitɛri falipye-pìcaabèle, ní wi falipye-nànbèle be wòlo lè, a poro baa syɛ́ɛnri bee joo Ɛsitɛri ma, a gi tɔ̀nɔ n pye fànʔafɔjew ma funjurugoro. A wi buroyo tórigo Maridosye ma koro ga pye wi sa yee bee le wi gɔ̀nvaʔagi sìndɛʔɛ ni. Kàjáa wi ga fɔ̀lɔ í.

Ɛsitɛri 4:4 Iomraidhean Croise

Sélimɛ 37:35

Wi pìíbèle myɛ be lè nǎnbèle ní cébèle, a poro yìri n jo poro a wi kpɛʔɛlɛ. Kàjáa a wi kpɛʔɛlɛli myɛ cée. Wi maa jo: «Mii a pye kùu káyaʔa na fwɔɔ bi taa sa jée mii pìíw kurugo kúbèle tɛɛkòrogo ni.» A wi kòro ni nyaan wi pìíw kéele na.

2 Fànʔafɔbèle 9:32

A Zyehu yɛ́ɛgi yìrige ni wéle yaà fɛ̀nɛtiriw ma níì jo: «Wìí syɔ́ɔn wi nyɛ ní mii ní, wìí wii?» Nǎnbèle be wòlo lè a poro pèle siin, wàlá taanri kòro yaà ǹjoʔo ma ní i wi wéle naa.

Ɛsitɛri 1:12

Kàjáa a fànʔafɔjew Vasitii cée, wi ga fɔ̀lɔ n pan n yɛlɛ ní fànʔafɔw syɛ́ɛnrɛ ní wi da joo n gbàn nǎnbèle má pe da wòlo lè, a be sáà joo wi ma lè í. A fànʔafɔw fúngo tɔ̀nɔ n tanʔa gbanʔama, a wi fúngi tɔ̀nɔ n yìri n baa sɔ̀lɔ.

Ɛsitɛri 4:3

Fànʔafɔw kajoolo ní wi sɛ́bɛw ga nan tátɛʔɛ o tátɛʔɛ ní tɛʔɛ̀ o tɛʔɛ̀ na, ki n pye kùu káyaagbɔʔɔ Zyefubèle ma. Pe n súnw le sáā nyaan da peele. Pe saamaw n ni sìnɛ́ gɔ̀nvaʔayi na cɔ́ɔngi ni.

Ɛsitɛri 4:5

Lǎli bee ni a Ɛsitɛri Hataki yeri. Bele fànʔafɔw da wòlo lè, níì be yaʔa pe i báara wi ma lè, poro wàa wi pye. A wi wi tun Maridosye ma jàngó bi gi cán gee gi yaà lè, ní gee na wi koro pye lè.

Ŋúnuyi 77:2

Mii yákpoli i yìrigí ǹjogi ni Kolocɔlɔɔ ma, mii i yákpoli wáa. Mii yákpoli i yìrigí ǹjogi ni Kolocɔlɔɔ ma, wi i líiyi cáan mii ma.

Ezayi 56:3

Nibɔnwee wi wiyɛɛ daʔa Yawe na lè, wee bee a kɔ́ gi joo í si jo: «Yawe a tɔ̀nɔ́ mii wàli bi láʔa wi syɛ́ɛnbèle na!» Nǎnwee be wòlo lè, wee bee a kɔ́ gi joo í si jo: «Mii i nyɛ tiiwaʔa yagana!»

Zyeremii 31:15

Yawe wi syɛ́ɛnri naa joo níì jo: «Pe i yákpogéle wáama lúro Arama ni. Sùpiipeegéle wáama bii. Arasyɛli wi nyaan wi pìíbèle kéele na. Wi si ga fɔ̀lɔ wàa í woro kpɛʔɛlɛ í, níì cán pe ní o yaà í.»

Kapyegèle 8:27

A wi yìri n kári. Wéle, a wi sáà Etyopii tári nànwaa nyaa, wee pe da wòlo n kàriga lè nìgbɛɛɔn. Tári bee fànʔafɔlɔ si maa pye cɔlɔɔ, pe i wi yiri Kandasi, nǎnw bee si i nyɛ Kandasi fǎngi syɛɛnkpɔɔwaa, woro wi da pye wi lɔ́ri myɛ tɛ́ʔɛfɔlɔ, wi maa kári Zyerusalɛmi ma sa Kolocɔlɔɔ kpɔ̀ʔɔrɔ.

1 Samyɛli 8:15

Wi a ba ra yele yaliiri ní yele ɛrɛzɛnw yáʔa syoo bàā kaangi wi kpáagi falipyebèlē ní wi syɛɛnkpolobèle ma.