Ɛsitɛri 4:3 - Cebaara Bible 2010

³ Fànʔafɔw kajoolo ní wi sɛ́bɛw ga nan tátɛʔɛ o tátɛʔɛ ní tɛʔɛ̀ o tɛʔɛ̀ na, ki n pye kùu káyaagbɔʔɔ Zyefubèle ma. Pe n súnw le sáā nyaan da peele. Pe saamaw n ni sìnɛ́ gɔ̀nvaʔayi na cɔ́ɔngi ni.

Ɛsitɛri 4:3 Iomraidhean Croise

Ɛsitɛri 1:1

Asyerusi lǎli ni gee naa kpéʔele. Asyerusiw bee maa pye fǎngi na n séli Ɛndi na fwɔɔ n sáà nan Etyopii tári na. Tátɛɛyɛ togoye kɔrɔni ní kɔrɔsiin wi da ni kàragí.

Ɛsitɛri 3:12

A be fǎngi sɛ́bɛkanbéle yeri yɛ́ɛli yezelige canya kɛɛ ní taanri wógi na. Syɛ́ɛnree Haman joo n gbàn lè, a be toro myɛ sɛ́bɛ n tórigo fànʔafɔw syɛɛnkpolobéle, ní tátɛɛyi myɛ nibin nibin guvɛrinɛɛribéle, ní syɛɛnfeleyi kùndigibéle ma, ní tátɛɛyi myɛ nibin nibin ma yi sɛ́bɛri ni, ní syɛɛnfeleyi myɛ nibin nibin ma yi syɛ́ɛnri ni. Pe maa wi sɛ́bɛ fànʔafɔw Asyerusi mɛ́ɛgi na, níì fɛ̀ɛ́w taʔa wi na ní fànʔafɔw kábɛɛlɛ veʔeo ní.

Ɛsitɛri 4:16

«Da syée mi sa Suzi Zyefubèle myɛ kpóʔoro ye súnw le mii kéeli na. Yele a kɔ́ lìi í, yele a kɔ́ gbaa í canya taanri fúngo ni n cányi pínɛ yébiliyi ni. Mii ní mii falipye-pìcaabèle a wɔ́ɔ súnw le kánmi bee na. Koro kàdoʔo ma mii a jée yaà fànʔafɔw ma, àlí àmɛɛ làlwaw bee wíre i yaà lè, ki ga yére mii í kùu yoo, mii a kùu.»

Ɛsitɛri 4:2

A wi kári fwɔɔ n sáà yére fànʔafɔw kpaʔa kpaaweele na. Níì cán gɔ̀nvaʔaga levɔlɔ da yɛlɛ bi sɔ̀lɔ́ jée fànʔafɔw kpaʔa kpaaweele ni í.

Ɛsitɛri 4:4

Ɛsitɛri falipye-pìcaabèle, ní wi falipye-nànbèle be wòlo lè, a poro baa syɛ́ɛnri bee joo Ɛsitɛri ma, a gi tɔ̀nɔ n pye fànʔafɔjew ma funjurugoro. A wi buroyo tórigo Maridosye ma koro ga pye wi sa yee bee le wi gɔ̀nvaʔagi sìndɛʔɛ ni. Kàjáa wi ga fɔ̀lɔ í.

Ɛsitɛri 9:31

A be Purimiw bee canya kéele fílige n yɛlɛ ní yi làrigèle ní àmɛɛ Zyefuw Maridosye, ní fànʔafɔjew Ɛsitɛri da ge tɛ̀ɛn lè poro Zyefubèle, ní be yòdaʔayi na pe súnleri, ní be sùpiiwáari kéele na.

Zyɔbi 2:8

A Zyɔbi sísɛɛlɛ láa n tɛ́ʔɛ ni wiyɛɛ ŋàamí, níì tɛ́ɛn cɔ́ɔngi nínge ni.

Ezayi 22:12

Kàfɔw wi lè Nyɛ̀ʔɛni Sùlasiibéle Kafɔlɔ Yawe, wi maa ni yele yiri cángi bee na níì jo yele í da nyaan bàā peele, si yele nyúnyi kùnu, si gɔ̀nvaʔaya tɛ́ʔɛ bi yeyɛɛ bwɔɔ sárigèle ni.

Ezayi 22:4

Koro na mii jo: «Ye nyapiigèle yirige mii ni, ye gi yaʔa mii funbɛɛnrɛtɔw í da nyaan, ye a kɔ́ ra ŋàʔaná bi mii kpɛʔɛlɛ mii syɛ́ɛnbèle calipile wɔʔɔgɔ kéele na í.»

Ezayi 58:5

Syɔɔn ga wiyɛɛ dìrige cángee na lè, níì wi nyúngi jùngu àmɛɛ lònyɔɔ nyàákanga nyɛ lè, níì tìgi n too gɔ̀nvaʔaga na cɔ́ɔngi ni, koro lé mɔ yiri súnw? A cángi bee kéele Yawe dɛ́nɛ lé?

Ezekyɛli 27:30

Pe a gi yaʔa poro yákpogèle í da lúro mɔ kéeli na, sáā yákpobɛɛnyɛ wáa. Pe a ra támiigi koli bàā wáa peyɛɛ nyúnyi ni, sáā kòlogí cɔ́ɔngi ni.

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Zyonasi 3:6

A syɛ́ɛnri bee sáà nan Niniivi fànʔafɔw na. A wi yìri wi fàngoli na n wi burogbɔɔgi wòlo, níì gɔ̀nvaʔaga tɔ́n wiyɛɛ na n tɛ́ɛn cɔ́ɔngi ni.

Matye 13:42

bi wáa fúruw naakpɔʔɔ ni. Pe a ra sùpiigèle wáa sáā gǎngèle kúru nɛɛ bee.

Matye 22:13

A fànʔafɔw gi joo wi nìgwɔɔbèle ma níì jo: ‹Ye wi kɔ́yi ní wi tɔ́lɔyi pwɔɔ, ye sa wi wáa kàfugi na yébiliwɔɔli ni, beè syɛ́ɛnbèle a ra sùpiigèle wáa sáā gǎngèle kúru lè.›

Matye 25:30

Ye falipye-nifaʔagi naa cò ye sa wáa kàfugi na yébiliwɔɔli ni, beè syɛ́ɛnbèle a ra sùpiigèle wáa sáā gǎngèle kúru lè.›

Zyozuwe 7:6

A Zyozuwe wi búroyi sulugu níì too n yɛ́ɛgi cíbele tári na Yawe kásuw yɛ́ʔɛ ma fwɔɔ n baa nan cângwɔɔgi nyɔ́ɔ na, n fàra Isirayɛli wolɛɛbèle na, á be támiigi wo peyɛɛ nyúnyi ni.

1 Samyɛli 11:4

A tundunbèle sáà nan Gibeya na, ki lè Sawuli wógi níì syɛ́ɛnri bee joo n le syɛ́ɛnbèle líiweegéle ni. A syɛ́ɛnbèle myɛ i yákpogèle wáa, ní i nyaan.