Ɛsitɛri 4:16 - Cebaara Bible 2010

¹⁶ «Da syée mi sa Suzi Zyefubèle myɛ kpóʔoro ye súnw le mii kéeli na. Yele a kɔ́ lìi í, yele a kɔ́ gbaa í canya taanri fúngo ni n cányi pínɛ yébiliyi ni. Mii ní mii falipye-pìcaabèle a wɔ́ɔ súnw le kánmi bee na. Koro kàdoʔo ma mii a jée yaà fànʔafɔw ma, àlí àmɛɛ làlwaw bee wíre i yaà lè, ki ga yére mii í kùu yoo, mii a kùu.»

Ɛsitɛri 4:16 Iomraidhean Croise

Sélimɛ 18:19

Níì cán mii n wi nyɛ́nɛ n wòlo koro ga pye wi gi joo wi gbàn wi kàdoʔomaw ma, pe lè wi pìíbèle ní wi yòdaʔayi, si be pye pe Yawe kólogi sámaga be cò, páā síngi, sáā kérigèle cɔɔnri kányɛɛgi na, koro ga pye gee mii Yawe joo Abirahami kéeli na lè níì jo mii a gi kpéʔele wi ma lè, mii í gi foro.»

Sélimɛ 43:14

Kolocɔlɔɔ wi lè Séew Myɛ Kàfɔlɔ, ki n yɛlɛ wi sa gi yaʔa nǎnw bee í nyinimɛ taa yele na si yele senyɛnwee ní Bɛnzyamɛ yaʔa be lúru pan ní yele ní. Mii si na, mii ga níì bɔ̀nɔ mii pìíbèle pèle ni, a mii bɔ̀nɔ wii.»

2 Samyɛli 10:12

Gbèé pye, wo nìrimɛ le wolo syɛ́ɛnbèle kéele na ní wolo Kolocɔlɔw kèye kéele na. Gee gi Yawe dɛ́nɛ lè, ki n yɛlɛ wi koro kpéʔele.»

2 Fànʔafɔbèle 7:4

Wolo ga jo: ‹Wo jée kěgi ni,› àmɛɛ si kateegi nyɛ kěgi ni lè, wolo a kùu yaà. Wolo si ga zǐn kòro nɛɛ naa, wolo a wɔ́ɔ kùu. Koro na tɔ́ɔliw ni ye waa syée wo sa woyɛɛ gaan Sirii ye kapɛɛnkpumɔnbèle ma. Pe ga sáà wo yaʔa sìi na, wo a kòro sìi na. Pe si ga zǐn sáà wo kpóo, wo a kùu.»

2 Cányi kèlē 20:3

A fyáari Zyozafati cò. A wi gi nyaa fwɔɔ woro í Yawe yíbe. A wi súnlere kéele jáari Zyuda ye myɛ ma.

Ɛsidirasi 8:21

A mii súnlere kéele jáari yaà Ahava cábigi nyɔ́ɔ na, koro ga pye wolo í woyɛɛ jɛ́rɛ wolo Kolocɔlɔw yɛ́ʔɛ ma, si wi nyɛ́ɛri wi kólogi tɛ́nɛ wolo ní wolo pìíbèle, ní wolo kɔ́lɔ yáriri myɛ na.

Ɛsitɛri 4:15

A Ɛsitɛri tun pe sa Maridosye yari:

Ɛsitɛri 4:17

Gee myɛ Ɛsitɛri joo n gbàn Maridosye ma lè a wi kári n sáà gi kpéʔele.

Ɛsitɛri 4:3

Fànʔafɔw kajoolo ní wi sɛ́bɛw ga nan tátɛʔɛ o tátɛʔɛ ní tɛʔɛ̀ o tɛʔɛ̀ na, ki n pye kùu káyaagbɔʔɔ Zyefubèle ma. Pe n súnw le sáā nyaan da peele. Pe saamaw n ni sìnɛ́ gɔ̀nvaʔayi na cɔ́ɔngi ni.

Ɛsitɛri 5:1

A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

Ɛsitɛri 9:31

A be Purimiw bee canya kéele fílige n yɛlɛ ní yi làrigèle ní àmɛɛ Zyefuw Maridosye, ní fànʔafɔjew Ɛsitɛri da ge tɛ̀ɛn lè poro Zyefubèle, ní be yòdaʔayi na pe súnleri, ní be sùpiiwáari kéele na.

Ezayi 22:12

Kàfɔw wi lè Nyɛ̀ʔɛni Sùlasiibéle Kafɔlɔ Yawe, wi maa ni yele yiri cángi bee na níì jo yele í da nyaan bàā peele, si yele nyúnyi kùnu, si gɔ̀nvaʔaya tɛ́ʔɛ bi yeyɛɛ bwɔɔ sárigèle ni.

Zyeremii 36:9

Zyozyasi jáaw Yehoyakimi wi lè Zyuda fànʔafɔw, woro fǎngi yɛ̀ʔɛlɛ kagunɔ wólo yeye kpanjɛrɛ wógi na a be súnlere canʔa kéele jáari Yawe yɛ́ʔɛ ma Zyerusalɛmi syɛ́ɛnbèle myɛ ma, ní syɛ́ɛnbèle myɛ ma be yìri Zyuda kěyi ma n pan Zyerusalɛmi ma lè.

Danyɛli 2:18

jàngó pe nyɛ̀ʔɛni Kolocɔlɔɔ nyɛ́ɛri gbanʔama wi nyinidaari na, kalarali bee kéele na, koro ga pye woro Danyɛli ní woro pínɛnyɛnbèle a kɔ́ kùu ní Babilɔni sícilizanbèle ní í.

Matye 12:40

Níì cán àmɛɛ ‹Zyonasi da canya taanri ní yébiliye taanri kwɔ́ɔ lè lòkpɔɔgi ni, fákpɔɔgi láʔa ni lè,› ànbée Syɔɔn-pya a wɔ́ɔ ba canya taanri ní yébiliye taanri kwɔ́ɔ tári fúngo ni.

Luki 9:24

Wee wi ga ni caa bi wi sìíw syɔɔ lè, wee bee fɔ́lɔ a bɔ̀nɔ wi ni, wee si wi bɔ̀nɔ wi sìi ni mii kéeli na lè, wee bee a ba wi woò taa.

Zyan 19:22

A Pilati be pye: «Gee mii sɛ́bɛ n kwɔ́ɔ lè, koro mii sɛ́bɛ.»

Kapyegèle 10:7

Tundunwee wi da ni nyuu lè ní Kɔrɔnɛ ní, a wi ga kári, a wi wi kpáagi falipyebèle pèle siin yeri n fàra sùlasiiwaa nibin na, wee bee maa ni fɛ̀ɛgí Kolocɔlɔɔ na, bele be kòró lè wi taana, wi maa pye poro wàa.

Kapyegèle 20:24

Koro ní ki myɛ ní mii o mii tiimaa sìíw córo yarigaa í, jàngó mii í tɛ́nɛ kàfyaali fǎn foro, mii fáliw si wɔ́ɔ foro, wee Kàfɔw Zyezu kaan mii ma lè níì jo mii í da Kolocɔlɔɔ kpɔ́ʔɔri syɛɛnjóocànra séera kpéʔele.

Kapyegèle 21:13

Lǎli bee ni a Pɔli wolo yari: «Amɛɛ yele nyaan lè nya, nyàʔá na yele koro kpéʔele ni mii fúngi nyáʔami? Alí mii n yére gi ni bi kùu Zyerusalɛmi ni Kàfɔw Zyezu mɛ́ɛgi kéele na, n náa kɔ́ɔ̀ yére pwɔɔlɔ na.»

Kapyegèle 27:33

Amɛɛ nyǐngi kɔ́ naà tali lè, a Pɔli syɛ́ɛnbèle myɛ nyɛ́ɛri níì jo pe lìi nya, ní níì jo: «Níjanʔa wi nyɛ yele canya kɛɛ ní sicɛrɛ wógi sigeli na yele ga kɔ́ɔ̀ yaliire lìi í.

Kapyegèle 9:9

A wi sáà canya taanri kwɔ́ɔ sìnnyaa ni, wi ga lìi í, wi ga wɔ́ɔ̀ gbaa í.

Wɔrɔmi ye 16:4

poro bele pe da fɔ̀lɔ lè bi be nyúnyi kaan jàngó bi mii syɔɔ kùúw ma. Mii nibin ban wi bariga kaangi be ma í, syɛɛnfeleyi egilizibéle myɛ wɔ́ɔ i bariga kaangi be ma.

Filipikaʔa ye 2:30

Níì cán wi maa tɔ̀nɔ n nùuni kùúw na Kirisi fáliw kéele na, wi da wi sìíw córo yarigaa í, jàngó fáliwee kurugo yele da kólogo lè mii kàbangi na, woro í wee bee foro.

Zyozuwe 24:15

Kapye yele o caa bàā báara Yawe ma í, wee má yele a ra báara lè, ye wee bee nyɛ́nɛ ye wòlo níjanʔa, gee bee n jo kolocɔlɔbèle bele má yele tóolɛɛbèle da ni báara lè cábigi jeligɔgee na, wàlá Amɔri ye tári ni yele tɛ́ɛn lè, poro kolocɔlɔbèle. Mii ní mii kpáagi wòolo si na, Yawe má wolo a ra báara.»

1 Samyɛli 19:5

Wi n wiyɛɛ gaan kùu ma, wi n sáà Filisitini ye wów kpóo, a Yawe syɔɔgbɔɔlɔ kaan Isirayɛli ye myɛ ma, a mɔ gi nyaa níì fundaanra kpéʔele gi kéeli na. Nyàʔá na si mɔ caa bi kapeele pye bi tɛɛlɛ fun sìsyaan wo àmɛɛ mɔ caa bi Davidi kpóo lè nyùngo fun?»