Ɛsitɛri 4:11 - Cebaara Bible 2010

¹¹ «Fànʔafɔw falipyebèlē myɛ, ní wi tátɛɛyi syɛ̀ɛnnɛ myɛ n gi cán ncan syɔɔn o syɔɔn wi ga kári fànʔafɔw ma n sáà yére fungoma kàcooli ni lè, nàɔn yoo, cɔlɔɔ yoo, bi gi taa pe ga wi yeri í, pe n wi kpóo. Koro i nyɛ làlwanijanw pe myɛ kéele na. Fwɔɔ fànʔafɔw ga wi fǎngi tɛɛ̀ kàgbeele fìin wee na lè woro wi a yaʔa sìngbóo ni. Mii si na, ki canya toko ní kpɔrigɔ wi wee, pe ga ní kɔ́ɔ̀ mii yeri mii í kári yaà fànʔafɔw tɛ́ʔɛ ma í.»

Ɛsitɛri 4:11 Iomraidhean Croise

Ɛsitɛri 1:19

Ki ga yɛlɛ fànʔafɔw ma, wo a fǎngi kajoolaa jáari, si li sɛ́bɛ Pɛrisi, ní Mɛdi ye làlwaw sɛ́bɛ ni jàngó li a ní kɔ́ kàri í, bi gi tɛ̀ɛn Vasitii ga yɛlɛ wi ní ba yére fànʔafɔw Asyerusi yɛ́ʔɛ ma í, fànʔafɔw si wi fǎngi syɔɔ wi ma bi kaan wi cenyɛnwaa ma, wee wi sɔ̀lɔ wi na lè.

Ɛsitɛri 2:14

Cângwɔɔgi nyɔ́ɔ na wi a kári yaà, ki ga pye nyǐngi nyɔ́ɔ na, wi n lúru n yiri bi jée cébèle kpaasiin wóʔo ni bi pye Syasyigazi kɔ́yi ni, woro wee pe da wòlo lè níì wi cáan wi pye kpaàweleo. Pìcaaw bee si a ní lúru jée fànʔafɔw kpaʔa ni í fwɔɔ wi kéeli ga fànʔafɔw dɛ́nɛ gbanʔama a wi wi mɛ́ɛgi yeri.

Ɛsitɛri 4:10

A Ɛsitɛri gi joo n gbàn Hataki ma níì jo wi sa Maridosye pye:

Ɛsitɛri 4:12

A be sáà Ɛsitɛri syɛ́ɛnri joo n tɛ̀ɛn Maridosye na.

Ɛsitɛri 6:4

A fànʔafɔw jo: «Wìí si wi yaà wee kàcooli ni?» Haman wi da pan n baa yére kàcooli ni, fànʔafɔ-gbaagi kàfugo ma kacoolo ni, koro ga pye bi ba fànʔafɔw pye wi gi yaʔa pe Maridosye cɔ̀rɔ cɔ̀rɔli tíige na gee wi da sámaga wi kéeli na lè.

Ɛsitɛri 8:4

A fànʔafɔw fǎngi tɛɛ̀ kàgbeele fìin Ɛsitɛri na, a Ɛsitɛri yìri n yére fànʔafɔw yɛ́ʔɛ ma.

Danyɛli 2:9

Yele si ga tɔ̀nɔ n pye yele ga ŋúnɔgi joo mii ma í, kútiinijanw wi a ceri yele na. Yele n sámaga n yaʔa bi jànvaa ní námara syɛ́ɛnraa tímana bi joo mii ma, si sige bi taa làrigèle í ba kàri nya. Koro na ki n yɛlɛ ye ŋúnɔgi joo mii ma, koro ga pye mii a gi cán yele fánʔa i nyɛ bi gbǎn gi kɔ́rɔw joo mii ma.»

1 Pyɛri 3:7

Kánmi bee na, yele nǎnbèle, yaa yele cébèle náari ní sícilimɛ ní, yé gi cán pe céri báriga n cɛ́rɛ yele wów na. Ki n yɛlɛ yaa be kpɔ́ʔɔgi, koro ga pye yafyɛn a kɔ́ yele nyɛ́ɛriyi yérige í, kpɔ́ʔɔri ti sìíw kaangi lè, pe wɔ́ɔ i nyɛ ní yele ní ti kɔriliinyɛ̀nnɛ.