Ɛsitɛri 4:1 - Cebaara Bible 2010

¹ Lǎli ni Maridosye baa ki myɛ cán gee gi kpéʔele lè, a wi wi búroyi sulugu níì gɔ̀nvaʔaga le, níì cɔnʔɔ wo wiyɛɛ na, ní i syée kěgi nínge ni, wi funbɛɛnrɛtɔw si i sùpiigi wáa.

Ɛsitɛri 4:1 Iomraidhean Croise

Sélimɛ 27:34

Lǎli ni Ezau wi tóow syɛ́ɛnrɛ lóʔo lè, a wi funbɛɛnrɛtɔw tɔ̀nɔ n sùpiigi súu níì wi tóow pye: «Abaa, ki n yɛlɛ mi wɔ́ɔ dùbawaa kpéʔele mii ma.»

Sélimɛ 37:34

Lǎli bee ni a Zyakɔbi wi búroyi sulugu níì gɔ̀nvaʔaga tɛ́ʔɛ n wiyɛɛ bwɔɔ sárigèle ni ní i wi jáaw kùugo nyɛnigɛ kpéʔele n canya saʔa kwɔ́ɔ.

2 Samyɛli 1:11

A Davidi wiyɛɛ búroyi cò n sulugu. Nǎnbèle myɛ be pye ní wi ní lè, a poro ki wonijangi kpéʔele.

2 Samyɛli 13:19

A Tamari cɔnʔɔ wo wiyɛɛ nyǔngi ni, níì felenɛʔɛyɛ burodɔnɔgi sulugu gi pye wi na lè, níì wi kɔ́yi tugo nyǔngi ni ni sùpili wáa ni syée.

Ɛsitɛri 4:2

A wi kári fwɔɔ n sáà yére fànʔafɔw kpaʔa kpaaweele na. Níì cán gɔ̀nvaʔaga levɔlɔ da yɛlɛ bi sɔ̀lɔ́ jée fànʔafɔw kpaʔa kpaaweele ni í.

Ɛsitɛri 4:3

Fànʔafɔw kajoolo ní wi sɛ́bɛw ga nan tátɛʔɛ o tátɛʔɛ ní tɛʔɛ̀ o tɛʔɛ̀ na, ki n pye kùu káyaagbɔʔɔ Zyefubèle ma. Pe n súnw le sáā nyaan da peele. Pe saamaw n ni sìnɛ́ gɔ̀nvaʔayi na cɔ́ɔngi ni.

Zyɔbi 1:20

Lǎli bee ni a Zyɔbi yìri n wi burogbɔɔgi sulugu, níì wi nyúngi kùnu, níì tìgi n too tári na, n kpɔ̀ʔɔrɔli kpéʔele,

Zyɔbi 2:8

A Zyɔbi sísɛɛlɛ láa n tɛ́ʔɛ ni wiyɛɛ ŋàamí, níì tɛ́ɛn cɔ́ɔngi nínge ni.

Zyɔbi 42:6

Koro na mii n kolomɔ kaan niyɛɛ ma, níì kàdoʔo wáa mii kapeegèle ma, níì tɛ́ɛn támiigi, ní cɔ́ɔngi ni.»

Ezayi 15:4

Hɛsyibɔn, ní Eleyale i sùpiigèle wáa, a be yákpogèle i lúro fwɔɔ Yahasi ma, koro na Mowabi kapɛɛnkpumɔnbèle i sùpiigèle wáa, zɔ̌nbèle i cɛ̀lɛ́ be na.

Ezayi 22:4

Koro na mii jo: «Ye nyapiigèle yirige mii ni, ye gi yaʔa mii funbɛɛnrɛtɔw í da nyaan, ye a kɔ́ ra ŋàʔaná bi mii kpɛʔɛlɛ mii syɛ́ɛnbèle calipile wɔʔɔgɔ kéele na í.»

Ezayi 37:1

Lǎli ni fànʔafɔw Ezekyasi gee bee lóʔo lè, a wi wi búroyi sulugu, níì gɔ̀nvaʔaga tɛ́ʔɛ n wiyɛɛ dɔ́n ní sáà jée Yawe kpáagi ni.

Ezayi 37:2

Eliyakimi wi pye lè fànʔafɔ-gbaagi kakarigaɔ, a wi woro tun n fàra Syebina na, wi lè sɛ́bɛkanw, ní sáriga-wòlobèle wólɛɛbéle ní, Amɔsi jáaw Ezayi ma wi pye lè kanyaajoow, á be peyɛɛ dɔ́n ní gɔ̀nvaʔaya ní.

Ezayi 58:5

Syɔɔn ga wiyɛɛ dìrige cángee na lè, níì wi nyúngi jùngu àmɛɛ lònyɔɔ nyàákanga nyɛ lè, níì tìgi n too gɔ̀nvaʔaga na cɔ́ɔngi ni, koro lé mɔ yiri súnw? A cángi bee kéele Yawe dɛ́nɛ lé?

Ezekyɛli 21:11

Mɔ si na syɔɔn-pya, da cɛ́ɛn ní sárigèle ní wojerigéle ní, funbɛɛnrɛ na, mɔ a ra cɛ́ɛn be nyɛnɛ na.

Ezekyɛli 21:6

A Yawe syɛ́ɛnri nan mii na, wi n jo:

Danyɛli 9:3

A mii mii yɛ́ɛgi wáa Kàfɔw Kolocɔlɔɔ ma bi nyɛ́ɛrigɛ, ní nyɛ́ɛrigboloyo kpéʔele, si súnw le, si gɔ̀nvaʔaga le burogo, si cɔnʔɔ wo niyɛɛ na.

Misye 1:8

Gee bee na mii a ra nyaan, mii a ra nyaan bàā peele, mii a ra táanri taʔalaya fun, ní cepyá, mii a ra yákpoli wáa àmɛɛ gbàʔa nyɛ lè, bàā cɛ́ɛn àmɛɛ sòʔolobèle nyɛ lè.

Sofonii 1:14

«Yawe cângbɔɔgi n nùuni, ki n nùuni, ki i maa kelekele. Nànniriw a ra yákpobɛnʔɛ wáa Yawe cángi tìnmɛ kéele na.

Matye 11:21

«Wɔʔɔli a pye mɔ na Korazɛn! Wɔʔɔli a wɔ́ɔ pye mɔ na Bɛtisayida! Níì cán kakpoloyi yi kpéʔele yele ni lè, yi ga maa kpéʔele Tiiri, ní Siidɔn ni, yi wóbèle mǎà dée gɔ̀nvaʔaya búroyo le si cɔnʔɔ tɛ́ʔɛ bi peyɛɛ vílige bi gi tɛ̀ɛn poro n kàdoʔo wáa be kapeegèle ma.

Kapyegèle 14:14

A pìitunbèle ga gee bee lóʔo pe lè Barinabasi ní Pɔli, a pe be búroyi sulugu, níì fàn n sáà jée syɛ́ɛnmi nínge ni, níì yákpogèle wáa gbanʔama

Zyozuwe 7:6

A Zyozuwe wi búroyi sulugu níì too n yɛ́ɛgi cíbele tári na Yawe kásuw yɛ́ʔɛ ma fwɔɔ n baa nan cângwɔɔgi nyɔ́ɔ na, n fàra Isirayɛli wolɛɛbèle na, á be támiigi wo peyɛɛ nyúnyi ni.

Tɛ̀ɛnnɛ 11:3

Mii a fànʔa kaan mii séerafɔbèle siin ma paa kérigèle nyaagi paa nyuu bi ba taa canya saala kɔrɔni ní togoye taanri, gɔ̀nvaʔaya búroyo si pye be na.»