Ɛsitɛri 3:8 - Cebaara Bible 2010

⁸ A Haman fànʔafɔw Asyerusi pye: «Syɛɛnfelegaa i nyɛ n màʔa mɔ fǎngi tátɛɛyɛ myɛ ni, gee kánma bi wàli lè, pe i nyɛ tɛ́ɛyi myɛ ni n nyáʔami syɛɛnfeleyi myɛ ni. Pe làlwaw ga pínɛ ní syɛɛnfelegaa faala wóo ní í. Pe o táanri fànʔafɔw làlwaw na í. Bi be yaʔa beè sági yɛɛ̀nyinge na, gee bee a yafyɛn nyɔɔ fànʔafɔw na í.

Ɛsitɛri 3:8 Iomraidhean Croise

Ɛsidirasi 4:6

Sɛrikisɛsi fǎngi làla ni, wi fǎngi sélimɛ na, a be lɛ́tiri sɛ́bɛ n sɔ́ɔn Zyuda ye, ní Zyerusalɛmi ye na.

Nehemii 1:8

Sɔ̀ngi syɛ́ɛnri naa kéele na mɔ da joo mɔ falipyew Mowizi ma lè níì jo: Yele ga baa kolo, mii a yele cariga bi tórigo syɛɛnfeleyi nínge ni.

Ɛsitɛri 3:9

Ki ga yɛlɛ fànʔafɔw ma, ki n yɛlɛ wi be kálagili kéele sɛ́bɛ. Mii a wálifiio tɔ́nibéle sirakele ní dabata kaan fǎngi wáli kacɔɔnribèlē ma pe wi le fànʔafɔw wáli tɛɛkɔngɔ ni.»

Ɛsitɛri 4:1

Lǎli ni Maridosye baa ki myɛ cán gee gi kpéʔele lè, a wi wi búroyi sulugu níì gɔ̀nvaʔaga le, níì cɔnʔɔ wo wiyɛɛ na, ní i syée kěgi nínge ni, wi funbɛɛnrɛtɔw si i sùpiigi wáa.

Zyeremii 33:24

«Mɔ ga gi nyaa gee syɛ́ɛnbèle naa nyuu lè ì? Pe i gi nyuu níì jo: ‹Narigbaayi siin Yawe da nyɛ́nɛ n wòlo lè, wi n yi cée.› Kánmi bee na pe mii syɛ́ɛnbèle faari, pe nyɛnɛ na pe ní caa o nyɛ syɛɛnfelege í.

Zyeremii 50:17

Isirayɛli i nyɛ bàpuunio, wee càarabèle nɛnɛ lè. Asirii fànʔafɔw wi wí káa wozeliw. Wee si wi pye lè wozanw n wi kaceleyi kabagi, woro wi nyɛ Babilɔni fànʔafɔw Nebukadinezari.»

Ezekyɛli 11:16

Koro na ki joo mí jo: ‹Kàfɔw Yawe wi syɛ́ɛnri naa joo níì jo: Ki wíre i nyɛ kányɛʔɛ mii n be léeli yaà tári syɛɛnfeleye nínge ni, mii n be cariga n màʔa tátɛɛyi ni, mii si n tɔ́ɔ̀ pye be ma tɛɛcànga làlaa kánma ni, tátɛɛyi ni, yee má be kári lè.›

Ezekyɛli 6:8

Kàjáa mii a yele pèle cɛɛri yaʔa be kòro sìi na, bele pe a syɔɔ ŋɔséew ma lè syɛɛnfeleyi nínge ni, lǎli ni yele a cariga bi kári lè tátɛɛyɛ saʔa ni.

Danyɛli 3:8

Koro na, lǎli bee ni, a Kalide syɛ́ɛnbèle pèle pan n baa sɔ́ɔn Zyefubèle na.

Danyɛli 6:13

Koro kàdoʔo ma a be kári n sáà fànʔafɔw nyaa n joo ní wi ní làlwaw kéele na, wee wi télege lè, níì wi pye: «Ee fànʔafɔw, mɔ ga fɛ̀ɛ́w taʔa làlwa kéeli naa sɛ́bɛ na ì, lee li jo lè: Canya toko ní kpɔrigɔ fúngo ni, wee wi ga nyɛ́ɛri lè Kolocɔlɔwaa ma, wàlá syɔɔnwaa ma kapye mɔ fànʔafɔw nibin ma ban í, wi a wáa càarabèle ma wéegi ni ì?» A fànʔafɔw be yari: «Kéeli bee i nyɛ kányɛʔɛ n yɛlɛ ní Mɛdi ye, ní Pɛrisi ye làlwaw kánma ní, wi lè wi a gbǎn sàa í.»

Danyɛli 6:14

A be níì syɛ́ɛnri láa n gi joo fànʔafɔw ma níì jo: «Danyɛli wi nyɛ lè Zyuda wojobèle ni, wi o mɔ córo í, ee fànʔafɔw, wàlá làlwa kéelee na mɔ fɛ̀ɛ́w taʔa lè, wi i wi nyɛ́ɛrigi kpéʔele tɔlɔyɔ taanri cángi ni.»

Levii ye sáriga-wòlori 26:33

Mii a yele cariga bi tórigo syɛɛnfeleyi nínge ni, si ŋɔséew kɔ́n bi taʔa yele na. Yele tári a kòro wowaara ní. Yele kèkpoloyi a kòro kataya.

Zakarii 7:14

«Mii n be cariga syɛɛnfeleyi myɛ nínge ni, yee yi lè pe da yi cán í. A tári kòro tɛɛ̀kalagiga pe kàdoʔo ma, syɔɔn faala da ni sɔ̀lɔ́ yaà wàlá ni maa yaà í, tári bee di pye lè fundaanra wóro, pe n di pye tɛɛ̀kalagiga.»

Córolo 23:9

N mii yaʔa fálayi ǹjoʔo ni, mii i wi nyaagi. N mii yaʔa dǎndamayi ǹjoʔo ni, mii i wi sámagi ni wéle. Syɛɛnfelegaa gii, gee gi kòró lè ki nibin. Ki o córo syɛɛnfeleyi ni í.

Zyan 7:35

Lǎli bee ni a Zyefubèle i gi nyuu peyɛɛ ma níì jo: «Sán woro a zǐn kári níì jo wolo a ní woro nyaa í? A wi a tɔ̀ʔɔ́ kári lé wolo Zyefunyɛnbèle kurugo, bele be cariga lè n kári n sáà tɛ́ɛn ní syɛɛnfeleyaa ní yi lè Girɛkibèle, sáā bele bee tama yaà láà?

Kapyegèle 24:5

Wolo n nǎnw naa nyaa àmɛɛ káfalaga yáama nyɛ lè, wi i Zyefubèle myɛ nyúnyo kàragí dulunyanw tɛ́ɛyɛ myɛ ni, ní i nyɛ Nazarɛti ye jànvaa kólogi kùndigi,

Kapyegèle 28:22

Kàjáa gee gi lè mɔ fúngi ni, wolo i caa bi gee bee lóʔo mɔ nyɔ́ɔgi na, níì cán gee gi kólogi naa kwɔ́ɔ lè, wolo n gi cán syɛ́ɛnbèle tɔ̀nɔ́ i syɛɛnpeeri nyuu gi kéeli na tɛ́ɛyi myɛ ni.»

Làlwaw Kaanziin 30:3

lǎli bee ni Yawe a nyinimɛ taa mɔ na si ní mɔ wóbèle lúrugo be pan, poro bele pe a cò bi kári lè. Syɛɛnfeleyee nínge ni wi a yele cariga bi tórigo lè, wi a ní yele yirige yaà, yee bee myɛ nínge ni bi kpóʔoro.

Làlwaw Kaanziin 32:26

Mii maa ni caa bi jo: ‹Mii a be fɛɛ láʔa yaà bi be kwɔ́ɔ yirige syɛ́ɛnbèle nínge ni, syɔɔn a ní kɔ́ sɔ̀ngí taa be kéeli na í.›

Làlwaw Kaanziin 4:27

Yawe a yele cariga bi lége syɛɛnfeleyi nínge ni. Syɛɛnfeleyee nínge ni Yawe a yele kɔ́ri lége lè, yele a ní kòro saʔa yi níngi ni í.

Zyaki 1:1

Mii Zyaki wi nyɛ lè Kolocɔlɔɔ púlo ní wɔ́ɔ i nyɛ Kàfɔw Zyezu Kirisi wóo, mii a sɛ́bɛw naa tórigo yele ma, yele bele ye nyɛ lè Isirayɛli syɛɛnfeleyi kɛɛ ní siin yodaʔaya níì cariga dulunyanw tɛ́ɛyɛ myɛ ni lè, mii i yele syáanri!

1 Pyɛri 1:1

Mii Pyɛri, wi lè Zyezu Kirisi pìituɔn, mii a sɛ́bɛw naa tórigo yele ma, yele bele ye nyɛ lè Kolocɔlɔɔ syɛɛnnyɛnɛ-wòlobèle níì cariga n sáà pye nibɔɔnnɔ tátɛɛyi ni be yiri lè Pɔnti, ní Galasii, ní Kapadɔsi, ní Azii, ní Bitinii.