Ɛsitɛri 3:7 - Cebaara Bible 2010

⁷ Yɛ́ɛli yezelige ki lè Nisan yégi, fànʔafɔw Asyerusi fǎngi yɛ̀ʔɛlɛ kɛɛ ní siin wólo na, a be Puriw wáa, gee bee n jo pe n gɔ̌nw wáa Haman yɛ́ʔɛ ma, cányi myɛ, ní yéyi myɛ kéele na, a wi too yeye kɛɛ ní siin wógi na, ki lè Adari yégi.

Ɛsitɛri 3:7 Iomraidhean Croise

Ɛsidirasi 4:6

Sɛrikisɛsi fǎngi làla ni, wi fǎngi sélimɛ na, a be lɛ́tiri sɛ́bɛ n sɔ́ɔn Zyuda ye, ní Zyerusalɛmi ye na.

Ɛsidirasi 6:15

A kpáagi faan n kwɔ́ɔ Adari yégi candaanri wóʔo na, fànʔafɔw Dariyusi fǎngi yɛ̀ʔɛlɛ kɔrɔni wólo na.

Nehemii 2:1

Nisan yégi ni, fànʔafɔw Aritakisɛrikisɛsi fǎngi yɛ̀ʔɛlɛ toko wólo na, àmɛɛ dùvɛɛnw pye fànʔafɔw yɛ́ʔɛ ma lè, a mii dùvɛɛnw láa n kaan wi ma. Mii yɛ́ɛgi si da tàli n kɔ́ɔ̀ tanʔa wi yɛʔɛ̀ ma nyáana í.

Ɛsitɛri 1:3

wi fǎngi yɛɛdaanri wólo na, a wi lìigbɔɔlɔ sámaga wi kùndigibèle ní wi falipyebèle myɛ ma, ní Pɛrisi ní Mɛdi ye sùlasiibèle ma, n fàra tátɛɛyi mɛ́ɛyɛ fɔɔlɔ, ní guvɛrinɛɛribèle na.

Ɛsitɛri 2:16

A pe baa Ɛsitɛri láa n kári fànʔafɔw Asyerusi ma, fànʔafɔ-gbaagi ma yɛ́ɛli yeye kɛɛ wógi na, ki lè Tebɛti yégi, koro n pye wi fǎngi yɛ́ʔɛlɛ kɔrɔsiin wólo na.

Ɛsitɛri 9:1

Yeye kɛɛ ní siin wógi gi lè Adari yégi, ki canya kɛɛ ní taanri wógi na, a fànʔafɔw tundunro, ní wi làlwaw sɛ́bɛ syɛ́ɛnrɛ larivorolo nan. Zyefubèle nígoobéle maa ni sɔ̀ngí poro a fànʔa taa be na, kàjáa a kéeli bee si kàri, a Zyefubèle fànʔa taa be kàsiitun-nyɛ́nbèle na.

Ɛsitɛri 9:21

jàngó pe Adari yégi canya kɛɛ ní sicɛrɛ wógi ní kɛɛ ní kagunɔ wógi yaʔa yi pye fɛ́tii canya yɛɛlɛ o yɛɛlɛ.

Ɛsitɛri 9:5

A Zyefubèle pe nigoobèle myɛ kpúmɔn ní ŋɔsée ní. Pe n be kpóo, pe n tɔ̀nɔ n be kálagi. Gee ki da be dɛ́nɛ lè, a be koro kpéʔele be kàsiitun-nyɛ́nbèle na.

Kàseegèle 16:33

Pe i gɔ̌nw wáa búrogi na, kàjáa Yawe wi nyɛ syɛɛnsanri joofɔlɔ.

Matye 27:35

A pe ga wi kóri tiiparigi na n kwɔ́ɔ, a be gɔ̌nw wáa wi yaleri kéele na n di tíla peyɛɛ na.