Ɛsitɛri 3:4 - Cebaara Bible 2010

⁴ Pe maa ni nyuu ní wi ní kéeli bee na canʔa o canʔa, kàjáa wi ga lóʔo be ma í. A be si kɔ́ baa kéeli bee joo Haman ma, si gi wéle kapye Maridosye wi da poro pye lè, woro i nyɛ Zyefuo, wi a sèʔé kòro wi kánmi na.

Ɛsitɛri 3:4 Iomraidhean Croise

Sélimɛ 39:10

Wi maa ni nyuu kéeli bee na canʔa o canʔa ní Zyozɛfu ní. Kàjáa Zyozɛfu ga fɔ̀lɔ n wi syɛ́ɛnri lóʔo níì sínɛ wi taana bi pínɛ ní wi ní í.

Ɛsidirasi 1:3

Wee wi ga pye lè yele ni wi syɔɔnwaa, ki n yɛlɛ wi Kolocɔlɔw í pye ní wi ní, wí lúgu wi kári Zyerusalɛmi ma, ki nyɛ lè Zyuda ni, wi sa Yawe kpáagi faan wi lè Isirayɛli Kolocɔlɔw. Woro wi nyɛ Kolocɔlɔw, wi nyɛ lè Zyerusalɛmi ni.

Ɛsitɛri 3:3

Fànʔafɔw falipyebèlē pe da ni tɛ̀ɛ́n fànʔafɔ-gbaagi kpaaweele na lè a poro Maridosye pye: «Syɛ́ɛnri fànʔafɔw joo n gbàn lè nyàʔá na mɔ di cée?»

Ɛsitɛri 3:5

A Haman ga gi nyaa Maridosye ga fɔ̀lɔ ni yégunri cáan wàlá ni tíri ni tuun ni woro kpɔ̀ʔɔrɔ́ í, a wi fúngi tanʔa gbanʔama.

Danyɛli 3:12

Bi gi taa, ee fànʔafɔw, mɔ n Babilɔni tári kacɔɔnrirɔ fáli kàlifáa zyefubèle pèle ma pe lè Syadiraki, ní Mesyaki, ní Abɛdi-Nego, nǎnbèle bee o mɔ syɛ́ɛnri córo í, dee mɔ joo n gbàn lè pe o mɔ kolocɔlɔbèle fáli kpéʔele í, ní tɛ́ɛw ǹdevanʔa mɔ yérige lè, pe o gi kpɔ̀ʔɔrɔ́ í.»

Danyɛli 6:13

Koro kàdoʔo ma a be kári n sáà fànʔafɔw nyaa n joo ní wi ní làlwaw kéele na, wee wi télege lè, níì wi pye: «Ee fànʔafɔw, mɔ ga fɛ̀ɛ́w taʔa làlwa kéeli naa sɛ́bɛ na ì, lee li jo lè: Canya toko ní kpɔrigɔ fúngo ni, wee wi ga nyɛ́ɛri lè Kolocɔlɔwaa ma, wàlá syɔɔnwaa ma kapye mɔ fànʔafɔw nibin ma ban í, wi a wáa càarabèle ma wéegi ni ì?» A fànʔafɔw be yari: «Kéeli bee i nyɛ kányɛʔɛ n yɛlɛ ní Mɛdi ye, ní Pɛrisi ye làlwaw kánma ní, wi lè wi a gbǎn sàa í.»

Zyonasi 1:9

A wi be yari: «Mii i nyɛ Heburuo, Yawe mii kpɔ̀ʔɔrɔ́, wi lè nyɛ̀ʔɛni Kolocɔlɔɔ, woro wee wi sólomi lɔ̀ʔɔ ní tári kpéʔele lè.»