Ɛsitɛri 3:3 - Cebaara Bible 2010

³ Fànʔafɔw falipyebèlē pe da ni tɛ̀ɛ́n fànʔafɔ-gbaagi kpaaweele na lè a poro Maridosye pye: «Syɛ́ɛnri fànʔafɔw joo n gbàn lè nyàʔá na mɔ di cée?»

Ɛsitɛri 3:3 Iomraidhean Croise

Ɛsitɛri 2:19

Lǎli ni pe pìcaabèle kpóʔoro lè tɔziin wógi na, Maridosye maa pye wodɛ́ɛɔn ní fànʔafɔ-gbaagi kpaaweele na.

Ɛsitɛri 3:2

Fànʔafɔw falipyebèlē myɛ pe da ni tɛ̀ɛ́n fànʔafɔ-gbaagi kpaaweele na lè, pe maa ni yégunri cáan ní i tíri ni tuun ni Haman kpɔ̀ʔɔrɔ́, níì cán fànʔafɔw wi da koro joo n gbàn. Kàjáa Maridosye da fɔ̀lɔ ni yégunri cáan wàlá ni tíri ni tuun í.

Ɛsitɛri 3:4

Pe maa ni nyuu ní wi ní kéeli bee na canʔa o canʔa, kàjáa wi ga lóʔo be ma í. A be si kɔ́ baa kéeli bee joo Haman ma, si gi wéle kapye Maridosye wi da poro pye lè, woro i nyɛ Zyefuo, wi a sèʔé kòro wi kánmi na.

Yirile 1:17

Kàjáa fícaricobèle maa ni fɛ̀ɛgí Kolocɔlɔɔ na. Pe ga fɔ̀lɔ ni gi kpéʔele n yɛlɛ ní syɛ́ɛnri ní, dee Ezyipiti fànʔafɔw da joo be ma lè í, a pe i nànbiigèle yaari sìi na.