Ɛsitɛri 3:2 - Cebaara Bible 2010

² Fànʔafɔw falipyebèlē myɛ pe da ni tɛ̀ɛ́n fànʔafɔ-gbaagi kpaaweele na lè, pe maa ni yégunri cáan ní i tíri ni tuun ni Haman kpɔ̀ʔɔrɔ́, níì cán fànʔafɔw wi da koro joo n gbàn. Kàjáa Maridosye da fɔ̀lɔ ni yégunri cáan wàlá ni tíri ni tuun í.

Ɛsitɛri 3:2 Iomraidhean Croise

Sélimɛ 41:43

Níì wi télege woro wòtorowee ni wi taʔa woro wów na lè, pe si i yákpogèle wáa wi yɛʔɛ̀ ma ni gi nyuu níì jo: «Ye kólogi yaʔa!» Kánmi bee na Faraɔn Zyozɛfu télege Ezyipiti tári myɛ nyúngo na.

Ɛsitɛri 2:19

Lǎli ni pe pìcaabèle kpóʔoro lè tɔziin wógi na, Maridosye maa pye wodɛ́ɛɔn ní fànʔafɔ-gbaagi kpaaweele na.

Ɛsitɛri 2:21

Cányi bee ni n Maridosye yaʔa wodɛ́ɛɔn ní fànʔafɔ-gbaagi kpaaweele na, a fànʔafɔw kpaàwelebèle pèle siin fúnyo tɔ̀nɔ n baa tanʔa, pe lè Bigitan, ní Terɛsyi. A pe i kanmaa caa bi kɔlɔ̀ taʔa fànʔafɔw Asyerusi na.

Ɛsitɛri 2:5

Zyefunànwaa maa pye yaà Suzi ni, ki lè fàngegi, pe i wi yiri Maridosye, wi pye lè Yayiiri jáaw, Yayiiri wi lè Syimeyii jáaw, Syimeyii wi lè Kisyi jáaw, wi pye lè Bɛnzyamɛ yòdaʔagaa.

Ɛsitɛri 3:1

Kérigèle bee kàdoʔo ma a fànʔafɔw Asyerusi Haman kpɔ́ʔɔ, wi lè Hamedata jáaw, wi pye lè Agagi wówaa. Fànʔafɔw maa Haman lúrugo ǹjogi ni n sɔ̀lɔ kùndigisanbèle myɛ na pe da nùuni fànʔafɔw na lè.

Ɛsitɛri 3:3

Fànʔafɔw falipyebèlē pe da ni tɛ̀ɛ́n fànʔafɔ-gbaagi kpaaweele na lè a poro Maridosye pye: «Syɛ́ɛnri fànʔafɔw joo n gbàn lè nyàʔá na mɔ di cée?»

Ɛsitɛri 3:5

A Haman ga gi nyaa Maridosye ga fɔ̀lɔ ni yégunri cáan wàlá ni tíri ni tuun ni woro kpɔ̀ʔɔrɔ́ í, a wi fúngi tanʔa gbanʔama.

Ɛsitɛri 5:9

A Haman yiri yaà fundaanra na cángi bee na, ní i muguri. Kàjáa a Haman wéle n Maridosye nyaa fànʔafɔw kpaʔa kpaaweele na. Wi si ga yìri í, wi ga téè nyɛ́ʔɛ wi yɛʔɛ̀ ma í. A Haman fúngi tanʔa gbanʔama Maridosye kurugo.

Ŋúnuyi 15:4

Wi o fɔ̀lɔ́ nikalagiɔ na í, kàjáa wi i Yawe yɛ́ɛgi fyáafɔɔlɔ kpɔ́ʔɔgi. Wi ga nyɔ́ɔgi fàli keele na, àlí wi bɔ̀nɔ ga baa pye li ni, wi a tée fɔ̀lɔ bi wi nyɔɔfaligi kàriga í.

Yirile 17:14

A Yawe gi joo Mowizi ma níì wi pye: «Ki n yɛlɛ mi gee naa sɛ́bɛ sɛ́bɛw ni ki pye sɔ̀ngudaara kéele, mi gi joo mi tɛ̀ɛn Zyozuwe na, mí wi pye mii n jo mii a ba Amalɛki syɛɛnfelegi kwɔ́ɔ bi yirige péw dulunyanw ni, syɔɔn faala a ní be kéeli sɔ̀ngí taa í.»

Yirile 17:16

Wi n jo: «Amɛɛ Amalɛki ye soro n be kɔ́yi yìrige Yawe fàngoli kánma na lè, Yawe a ra kapɛɛnni kpúmɔn ní be yìrigèle wòolo myɛ ní.»

Danyɛli 2:49

A Danyɛli fànʔafɔw nyɛ́ɛri a wi Syadiraki, ní Mesyaki, ní Abɛdi-Nego télege a be pye Babilɔni tári kacɔɔnribèlē, á Danyɛli si kòro fànʔafɔw kàcoolo ni.

Làlwaw Kaanziin 25:19

Lǎli ni Yawe mɔ Kolocɔlɔw ga mɔ syɔɔ mɔ nígoobèle myɛ ma, bele be mɔ màʔa lè, níì ŋɔ́ndaala kaan mɔ ma tári ni, dee Yawe mɔ Kolocɔlɔw a kaan mɔ ma lè kɔrigɔ, mɔ í di syɔɔ taa, mɔ a Amalɛki ye kwɔ́ɔ bi be kéeli sɔ̀ngudaara yirige nyɛ̀ʔɛni láara ni, mɔ a kɔ́ fɛ̀ʔɛ gee bee na í.

Filipikaʔa ye 2:10

koro ga pye nyɛ̀ʔɛni wòolo myɛ, ní tári wòolo myɛ, ní tári fúngo woolo myɛ í kpùmɔnɔ Zyezu mɛ́ɛgi na,

1 Samyɛli 15:3

Da syée tɔ́ɔliw ni mi sa too Amalɛki ye na, mí be kɔlɔ̀ yáriri myɛ kálagi péw, mɔ a kɔ́ be yaʔa í. Ki n yɛlɛ mi sa nǎnbèle, ní cébèle kpóo, n fàra pìíbèle na be fuguri lè, ní bele be ŋɔri lè, ní nǐyi ní, n fàra yaweeyiligèle, ní fàlibaayi, ní jòfanibèle na.› »