Ɛsitɛri 3:13 - Cebaara Bible 2010

¹³ A be sɛ́bɛbèle kaan tundun-jólogobèle pèle ma pe sa be kaan fànʔafɔw tátɛɛyɛ myɛ nibin nibin ma, a gi jo Zyefubèle myɛ n yɛlɛ pe be kwɔ́ɔ láʔa yaà, pe be kpóo bi be kálagi yirige yaà canʔa nibin, wojáribèle, ní wolɛɛbèle ní, n fàra pìíbèle ní cébèle na. Gee bee í pye yeye kɛɛ ní siin wógi canya kɛɛ ní taanri wóʔo na, ki lè Adari yégi, pé be yáriri fuguri bi láa.

Ɛsitɛri 3:13 Iomraidhean Croise

2 Cányi kèlē 30:6

A tundun-jólogobèle kári ní fànʔafɔw, ní wi syɛɛnkpolobèle sɛ́bɛbéle ní, Isirayɛli ní Zyuda tɛ́ɛyi myɛ ni. A be sa ni gi nyuu n yɛlɛ ní gee ní fànʔafɔw joo n gbàn lè níì jo: «Yele Isirayɛli pìíbèle, ye lúru ye pan Yawe ma, wi lè Abirahami, ní Izaaki, ní Isirayɛli Kolocɔlɔw, koro ga pye wi lúru yele ma, yele wogorobèle ye syɔɔ Asirii fànʔafɔbèle ma lè.

Ɛsitɛri 7:4

Níì cán pe n wolo pára, mii ní mii syɛ́ɛnbèle, koro ga pye pe wolo kɔnɔgi bi wolo kpóo kwɔ́ɔ nyinimɛ fun. Pe ga maa wolo pára wolo í pye pulonànbēle ní pulocabala, mii mǎà dée joo í, níì cán nyùngo a dée pye gi na mii í fànʔafɔw fɔ̀rɔ ní kéeli bee ní í.»

Ɛsitɛri 8:5

Níì jo: «Kapye ki n yɛlɛ fànʔafɔw ma, kapye mii n kpɔʔɔrɔ taa wi ma, kéeli bee ga yɛlɛ fànʔafɔw ma, á mii kéeli wɔ́ɔ̀ mɔ dɛ́nɛ, sɛ́bɛbèle bele Agagi wów Hamedata jáaw Haman sɛ́bɛ lè n tórigo Zyefubèle kpóolo kéele na lè, pe lè fànʔafɔw tátɛɛyɛ myɛ ni, sɛ́bɛwaa n wɔ́ɔ̀ yɛlɛ wi sɛ́bɛ bi kajooli bee sàa.

Ɛsitɛri 9:1

Yeye kɛɛ ní siin wógi gi lè Adari yégi, ki canya kɛɛ ní taanri wógi na, a fànʔafɔw tundunro, ní wi làlwaw sɛ́bɛ syɛ́ɛnrɛ larivorolo nan. Zyefubèle nígoobéle maa ni sɔ̀ngí poro a fànʔa taa be na, kàjáa a kéeli bee si kàri, a Zyefubèle fànʔa taa be kàsiitun-nyɛ́nbèle na.

Ɛsitɛri 9:10

poro be pye Hamedata jáaw Haman jáabèle kɛɛ, wi pye lè Zyefubèle kàsiitun-nyɛ́nnɛ. Koro ní ki myɛ ní pe ga yarira fuguri n láa í.

Ɛsitɛri 9:5

A Zyefubèle pe nigoobèle myɛ kpúmɔn ní ŋɔsée ní. Pe n be kpóo, pe n tɔ̀nɔ n be kálagi. Gee ki da be dɛ́nɛ lè, a be koro kpéʔele be kàsiitun-nyɛ́nbèle na.

Zyɔbi 9:25

Mii sìíw canya n wári n sɔ̀lɔ kàfyaavaɔn na. Yi i fé ni syée kacànna sìnnyaa ni.

Ezayi 10:6

Mii n wi tórigo Kolocɔlɔɔ yɛ́ʔɛnaa-sìnvyaa syɛɛnfelege kánma na, syɛ́ɛnbèle be mii fúngi taanri lè, mii n wi súguru n wáa bele bee na, wi sa yáriri fuguri si lɔ́ri koli, si syɛ́ɛnbèle tánʔana àmɛɛ kàlari-kóloyi fáriga nyɛ lè.

Zyeremii 51:31

Kàfyaavanw i fé ni kàfyaavanwaa fàrá, tundunw i fé ni tundunwaa fàrá bi sa gi joo Babilɔni fànʔafɔw ma si wi pye pe n wi kěgi syɔɔ n taa kàbanyi myɛ na.

Wɔrɔmi ye 3:15

Pe i fé funvuugo na koro ga pye bàā syɛ́ɛnbèle taagi da kúu,

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.

1 Samyɛli 15:3

Da syée tɔ́ɔliw ni mi sa too Amalɛki ye na, mí be kɔlɔ̀ yáriri myɛ kálagi péw, mɔ a kɔ́ be yaʔa í. Ki n yɛlɛ mi sa nǎnbèle, ní cébèle kpóo, n fàra pìíbèle na be fuguri lè, ní bele be ŋɔri lè, ní nǐyi ní, n fàra yaweeyiligèle, ní fàlibaayi, ní jòfanibèle na.› »

1 Samyɛli 22:19

A Sawuli Nɔbi jaa ní ŋɔséew ní, ki lè sáriga-wòlobèle kàʔa. Wi n nǎnbèle ní cébèle, ní pìiyilibèle, ní yireŋɔribèle, ní nǐyi, ní jòfanibèle, ní yaweeyiligèle kpóo ní ŋɔséew ní.