Ɛsitɛri 3:12 - Cebaara Bible 2010

¹² A be fǎngi sɛ́bɛkanbéle yeri yɛ́ɛli yezelige canya kɛɛ ní taanri wógi na. Syɛ́ɛnree Haman joo n gbàn lè, a be toro myɛ sɛ́bɛ n tórigo fànʔafɔw syɛɛnkpolobéle, ní tátɛɛyi myɛ nibin nibin guvɛrinɛɛribéle, ní syɛɛnfeleyi kùndigibéle ma, ní tátɛɛyi myɛ nibin nibin ma yi sɛ́bɛri ni, ní syɛɛnfeleyi myɛ nibin nibin ma yi syɛ́ɛnri ni. Pe maa wi sɛ́bɛ fànʔafɔw Asyerusi mɛ́ɛgi na, níì fɛ̀ɛ́w taʔa wi na ní fànʔafɔw kábɛɛlɛ veʔeo ní.

Ɛsitɛri 3:12 Iomraidhean Croise

1 Fànʔafɔbèle 21:8

A wi fala n sɛ́bɛbéle sɛ́bɛ Akabi mɛ́ɛgi na, níì Akabi fɛ̀ɛ́w taʔa be na níì sɛ́bɛbèle bee tórigo wolɛɛbèle, ní kútiijoobèle ma be pye ní Nabɔti ní lè wi kěgi ni.

Ɛsidirasi 8:36

A be fànʔafɔw làlwa kajoogéle kaan fànʔafɔw kakarigabēle, ní guvɛrinɛɛribèle ma be pye lè cábigi jeligɔgi bee na, a be i kɔlɔ̀ wáa syɛ́ɛnbèle, ní Kolocɔlɔɔ kpáagi fáli ma.

Ɛsitɛri 1:22

A wi sɛ́bɛbéle tórigo wi fǎngi tátɛɛyɛ myɛ ma. Wi maa tátɛɛyi myɛ sɛ́bɛbéle sɛ́bɛ n yɛlɛ ní be sɛ́bɛganmi ní, ní syɛ́ɛnbèle myɛ ma be syɛ́ɛnri ni, níì jo nǎnbèle myɛ n yɛlɛ bi pye be kpáayi nyúngo na, sáā nyuu be syɛɛnfeleri ni.

Ɛsitɛri 3:11

A fànʔafɔw Haman pye: «Wáliw n yaʔa mɔ ma, n fàra syɛɛnfelegi bee na, gee ga mɔ dɛ́nɛ lè, koro kpéʔele gi na.»

Ɛsitɛri 8:2

Lǎli bee ni a fànʔafɔw wi vèʔew wòlo n kaan Maridosye ma, wee wi da nɛnɛ n syɔɔ Haman na lè. A Ɛsitɛri si wɔ́ɔ̀ Maridosye télege Haman kpáagi nyúngo na.

Ɛsitɛri 9:27

a Zyefubèle koro kpéʔele peyɛɛ ma kalɛɛlɛ, lee li lè li a tée sàa poro ní poro yòdaʔayi ma í n fàra bele na pe ga tan poro na lè, ncan poro a ra cányi bee siin kpéʔele fɛ́tii yɛɛlɛ o yɛɛlɛ bi yɛlɛ ní gee ní gi sɛ́bɛ lè, ní lǎli ní li tɛ̀ɛn lè,

Danyɛli 3:10

Ee fànʔafɔw, mɔ n tundunri naa joo n gbàn níì jo syɔ́ɔnwee wi ga tòmaagi, ní maani, ní gitaariw, ní dǎngbogèle, ní ŋúnuyi yatingbumɔnʔɔ, ní gbòfeew, ní yatingbumɔnri féleye myɛ kàfulogo lóʔo lè, ki n yɛlɛ wi tìgi wi too wi tɛ́ɛw ǹdevanʔa kpɔ̀ʔɔrɔ.

Danyɛli 6:12

Lǎli bee ni a nǎnbèle bee kpóʔoro n kári n sáà jée n Danyɛli nyaa wi i nyɛ́ɛrigbɔʔɔ nyɛ́ɛri ní i wi Kolocɔlɔw mɛ́ʔɛ yeri.

Danyɛli 6:15

Lǎli ni fànʔafɔw syɛ́ɛnri bee lóʔo lè, a gi tɔ̀nɔ n gbàn wi ma gbanʔama. A wi gi tímana wi fúngi ni bi Danyɛli syɔɔ, a wi i kanmaa caa bi wi syɔɔ fwɔɔ n taa a cángi baa too.

Danyɛli 6:25

A fànʔafɔw gi joo n gbàn níì jo be pan ní nǎnbèle bee ní poro bele pe da sɔ́ɔn Danyɛli na lè, a pe baa be wáa càarabèle ma wéegi ni, poro ní be pìíbèle, ní be cébèle. Sáni pe nan wéegi nɔ́ʔɔ na lè, a càarabèle téè be cò n be kaceleyi myɛ kabagi kabagi.

Danyɛli 6:8

Fǎngi kùndigibéle myɛ, ní pirefebèle, ní tári kacɔɔnribéle, ní yarifɔbèle, ní tátɛɛyi kàfɔɔlɔ n peyɛɛ nyaa n bɛ̀ɛ gi na níì jo làlwa kéelaa n yɛlɛ li jáari, lee li a gi joo gbàn lè si jo: ‹Canya toko ní kpɔrigɔ fúngo ni, syɔ́ɔnwee faala wi ga nyɛ́ɛri lè kolocɔlɔɔwaa wàlá syɔɔnwaa ma, kapye fànʔafɔw nibin ma ban í, pe a syɔ́ɔnw bee wáa càarabèle ma wéegi ni.›