Ɛsitɛri 3:11 - Cebaara Bible 2010

¹¹ A fànʔafɔw Haman pye: «Wáliw n yaʔa mɔ ma, n fàra syɛɛnfelegi bee na, gee ga mɔ dɛ́nɛ lè, koro kpéʔele gi na.»

Ɛsitɛri 3:11 Iomraidhean Croise

Ɛsitɛri 3:10

A fànʔafɔw wi kabeli vèʔeo wòlo n kaan Zyefubèle kàsiitun-nyɛ́nnɛ Hamedata jáaw Haman ma wi pye lè Agagi wówaa.

Ɛsitɛri 3:12

A be fǎngi sɛ́bɛkanbéle yeri yɛ́ɛli yezelige canya kɛɛ ní taanri wógi na. Syɛ́ɛnree Haman joo n gbàn lè, a be toro myɛ sɛ́bɛ n tórigo fànʔafɔw syɛɛnkpolobéle, ní tátɛɛyi myɛ nibin nibin guvɛrinɛɛribéle, ní syɛɛnfeleyi kùndigibéle ma, ní tátɛɛyi myɛ nibin nibin ma yi sɛ́bɛri ni, ní syɛɛnfeleyi myɛ nibin nibin ma yi syɛ́ɛnri ni. Pe maa wi sɛ́bɛ fànʔafɔw Asyerusi mɛ́ɛgi na, níì fɛ̀ɛ́w taʔa wi na ní fànʔafɔw kábɛɛlɛ veʔeo ní.

Ŋúnuyi 73:7

Pe yɛ́ɛyi n nyìn n pínɛ sǐnmi na, pe i kpɔ́ɔmi kèlē tímana be fúnyi ni n sɔ̀lɔ ki dǎnw na.

Zyeremii 26:14

Gee si gi mii kéeli kwɔ́ɔ lè, mii wi wee yele kɔ́yi ni. Ye gi kpéʔele mii na gee gi nyɔɔ lè níì sín yele nyɛ́nɛ na.

Zyeremii 40:4

Tɔ́ɔliw ni wéle, mii wi nyɔ̀ʔɔmi sánʔana mɔ na wee níjanʔa, bee bi nyɛ mɔ kɔ́yi na lè. Ki ga mɔ dɛ́nɛ bàā syée Babilɔni ma ní mii ní, da maa, mii a ra mɔ kɔ̀rɔsíi. Bi kári ní mii ní Babilɔni ma, gee bee ga pye ki ga yɛlɛ mɔ ma í, mɔ a kɔ́ ra maa í. Wéle, tári myɛ i nyɛ mɔ yɛ́ʔɛ ma, da syée tɛ́ɛgee mɔ ga nyaa a gi nyɔɔ lè, níì yɛlɛ mɔ ma bi kári yaà.»

Luki 23:25

Wee pe da cò n le kàsow ni céemi kàsiikpɔʔɔ, ní syɛɛnkpoori kéele na lè, a wi wee bee yirige n yaʔa be ma waa syée àmɛɛ pe da wi nyɛ́ɛri lè, níì Zyezu yaʔa be ma pe sa wi kpéʔele be fungo.