Ɛsitɛri 2:7 - Cebaara Bible 2010

⁷ Woro si wi da Hadasa gbóo, wi lè Ɛsitɛri, wi pye lè wi tóow senyɛnnɛ pyà. Tofɔlɔ wàlá nafɔlɔ da níì pye wi na í. Pìcaaw bee si maa tɔ̀nɔ n nyɔɔ cetínnɛ na. Lǎli ni wi tóow ní wi nɔ́ɔw kùu lè, a Maridosye wi láa n kpéʔele woro tiimaa pyà.

Ɛsitɛri 2:7 Iomraidhean Croise

Sélimɛ 48:5

Tɔ́ɔliw ni, nànbiigèle siin mɔ see naa Ezyipiti tári ni lè, sáni mii í pan naa mɔ ma lè, pìíbèle bee i nyɛ mii wòolo. Efirayimi ní Manase i nyɛ mii wòolo àmɛɛ Wurubɛn ní Simeyɔn nyɛ lè.

Ɛsitɛri 1:11

níì jo pe sa fànʔafɔjew Vasitii yeri wi fànʔafɔ-nyùndɔnni tɔ́n wi ba wi nìjanri tɛ̀ɛn syɛ́ɛnbèle, ní kùndigibèle na, níì cán wi maa tɔ̀nɔ n nyɔɔ.

Ɛsitɛri 2:15

Lǎli ni si fànʔafɔw kpaʔa jéele baa nan lè Maridosye tóow senyɛnnɛ Abisyayili pìíw Ɛsitɛri na lè, wi ga yafyɛn nyɛ́ɛri n fàra dee na Hegayi da nyɛ́nɛ wi ma lè í, woro wee pe da wòlo lè, níì wi cáan a wi pye cébèle kpaàweleo. Ɛsitɛri kéeli maa tɔ̀nɔ n wi nyaafɔbèle myɛ dɛ́nɛ.

Ɛsitɛri 2:20

Ɛsitɛri da sèʔé kɔ́ɔ̀ wi kpaʔa wóbèle ní wi syɛɛnfelegi tɛ̀ɛn í, n yɛlɛ ní gi ní àmɛɛ Maridosye da gi joo n gbàn wi ma lè. Ɛsitɛri maa kòro ni lúro Maridosye ma àmɛɛ wi da ni lúro wi ma lǎli ni wi da ni wi gbóo lè.

Ɛsitɛri 8:1

Cángi bee wonijanga, a fànʔafɔw Asyerusi Haman kpáagi kaan fànʔafɔjew Ɛsitɛri ma, Haman wi pye lè Zyefubèle kàsiitun-nyɛ́nnɛ, á Maridosye baa pye fànʔafɔw taana, níì cán Ɛsitɛri maa gi tɛ̀ɛn àmɛɛ woro ní Maridosye nyɛ lè.

Zyɔbi 31:17

kapye mii nibin n mii lìíli lìi, círio ga lìi li na í,

Zyɔbi 31:18

níì cán mii cárimi làla ni, wi n lɛɛ ní mii ní àmɛɛ pyà leegi ni tofɔlɔ ní lè, mii wɔ́ɔ̀ yiri lè mii nɔ́ɔw láʔa ni terire, a mii pye lɔgucew yarifɔlɔ,

2 Korɛnti ye 6:18

si pye yele Tóow, yele si wɔ́ɔ pye mii jáabèle, pe lè nanbèle ní cébèle.» Séew Myɛ Kàfɔlɔ wi gi joo ànbée.

Efɛzi ye 6:4

Tofɔbèle, ki ga yɛlɛ yele í wɔ́ɔ kɔ́ yele pìíbèle fúnyo kaan yaa taanri í. Kàjáa yele ga ni be gbóo yaa be sàmí, yáā be tama Kàfɔw kèlē ni.

1 Zyan 3:1

Amɛɛ Tofɔw Kolocɔlɔɔ tàmaga le ní wolo ní lè, ye gi wéle gee, níì cán wi i wolo yiri woro pìibēle! Anbée si wolo tɔ́ɔ̄ nyɛ. Gee bee gi gi kaan dulunyanw syɛ̀ɛnnɛ ga wolo cán í, níì cán pe ga Kolocɔlɔɔ cán í.