Ɛsitɛri 2:5 - Cebaara Bible 2010

⁵ Zyefunànwaa maa pye yaà Suzi ni, ki lè fàngegi, pe i wi yiri Maridosye, wi pye lè Yayiiri jáaw, Yayiiri wi lè Syimeyii jáaw, Syimeyii wi lè Kisyi jáaw, wi pye lè Bɛnzyamɛ yòdaʔagaa.

Ɛsitɛri 2:5 Iomraidhean Croise

2 Samyɛli 16:5

A fànʔafɔw Davidi ga sáà nan Bahurimi na, wéle, a Sawuli naridulugi nànwaa yiri yaà beè, pe i wi yiri Syimeyii, wi pye lè Gera jáaw. A wi i dánga syɛ́ɛnrɛ nyuu ni wáa Davidi na ni maa.

2 Fànʔafɔbèle 24:12

lǎli bee ni a Zyuda fànʔafɔw Yehoyakɛn yiri n kári Babilɔni fànʔafɔw ma, woro ní wi nɔ́ɔw, ní wi falipyebèle, ní wi syɛɛnkpolobèle, ní wi nǎnbèle be wòlo lè. A Babilɔni fànʔafɔw wi kpéʔele kàsoleo woro fǎngi yɛ̀ʔɛlɛ kɔrɔtaanri wólo na.

2 Fànʔafɔbèle 24:15

A wi Yehoyakɛn cò n kári Babilɔni ma, ní Yehoyakɛn nɔ́ɔw, ní wi cébèle, ní wi nǎnbèle be wòlo lè n fàra tári báriga syɛ̀ɛnnɛ na, wi n be cò Zyerusalɛmi ni n kári Babilɔni ma.

Ɛsitɛri 1:2

Lǎli bee ni fànʔafɔw Asyerusi maa pye wodɛ́ɛɔn ní wi fǎngi fàngolo na Suzi ni, ki pye lè fàngegi,

Ɛsitɛri 10:3

Níì cán zyefuw Maridosye wi da kpɔ́ʔɔ n taʔa fànʔafɔw Asyerusi na. Wi maa pye syɛɛnkpɔɔɔ Zyefubèle nínge ni. Wi kéeli maa wi senyɛnnɛʔɛmi dɛ́nɛ. Wi maa ni wi syɛ́ɛnbèle nyɔɔmɔ caa, ní i wi syɛɛnfelegi myɛ kacànna caa.

Ɛsitɛri 2:3

Fànʔafɔw n yɛlɛ wi fali kaan pèle ma wi fǎngi tátɛɛyɛ myɛ ni, poro í nàngeele sinján pìcaacǎnbèle myɛ kpóʔoro Suzi fàngegi ni, cébèle kpaʔa ni, pé ba be yaʔa Hege kɔ́yi ni, wee fànʔafɔw wòlo lè, níì wi cáan wi pye cébèle kpaàweleo, páā be céri nìjanra sìnmɛ kaangi be ma.

Ɛsitɛri 2:4

Pìcaawee kéele ga baa fànʔafɔw dɛ́nɛ lè, wee bee si pye fànʔafɔjew Vasitii sìndɛɛgi ni.» A kéeli bee fànʔafɔw dɛ́nɛ, a gi wɔ́ɔ̀ kpéʔele nya.

Ɛsitɛri 5:1

A ki ga pye candaanri wógi na, a Ɛsitɛri wi fànʔafɔ-búroyi le n sáà jée n yére fànʔafɔ-gbaagi fungoma kàcoolo ni fànʔafɔ-gbaagi yɛ́ʔɛ ma. Fànʔafɔw si i nyɛ wodɛ́ɛɔn ní wi fǎngi fàngolo na fànʔafɔ-gbaagi ni, kpaaweeli zìnmɛ na.

1 Samyɛli 9:1

Nànwaa maa pye yaà Bɛnzyamɛ ye wóo, pe maa ni wi yiri Kisyi, wi pye lè Abyɛli jáaw, Abyɛli wi lè Serɔri jáaw, Serɔri wi lè Bekorati jáaw, Bekorati wi lè Afyaki jáaw, Afyaki wi lè Bɛnzyamɛ yòdaʔagaa. Wi maa pye séefɔlɔ, á wi kéeli kpɔ́ʔɔ.