Ɛsitɛri 2:16 - Cebaara Bible 2010

¹⁶ A pe baa Ɛsitɛri láa n kári fànʔafɔw Asyerusi ma, fànʔafɔ-gbaagi ma yɛ́ɛli yeye kɛɛ wógi na, ki lè Tebɛti yégi, koro n pye wi fǎngi yɛ́ʔɛlɛ kɔrɔsiin wólo na.

Ɛsitɛri 2:16 Iomraidhean Croise

Ɛsidirasi 4:6

Sɛrikisɛsi fǎngi làla ni, wi fǎngi sélimɛ na, a be lɛ́tiri sɛ́bɛ n sɔ́ɔn Zyuda ye, ní Zyerusalɛmi ye na.

Ɛsidirasi 7:8

A Ɛsidirasi baa nan Zyerusalɛmi na fànʔafɔw fànʔa yɛ̀ʔɛlɛ kɔrɔsiin wólo, yeye kagunɔ wógi na,

Ɛsitɛri 2:1

Kérigèle bee kàdoʔo ma àmɛɛ fànʔafɔw Asyerusi fundanʔagbɔɔri baa kwɔ́ɔ lè, a wi sɔ̀ngi n taa Vasitii kéeli na, gee wi da kpéʔele lè, ní gee ki da joo n ceri wi kéeli na lè.

Ɛsitɛri 2:15

Lǎli ni si fànʔafɔw kpaʔa jéele baa nan lè Maridosye tóow senyɛnnɛ Abisyayili pìíw Ɛsitɛri na lè, wi ga yafyɛn nyɛ́ɛri n fàra dee na Hegayi da nyɛ́nɛ wi ma lè í, woro wee pe da wòlo lè, níì wi cáan a wi pye cébèle kpaàweleo. Ɛsitɛri kéeli maa tɔ̀nɔ n wi nyaafɔbèle myɛ dɛ́nɛ.

Ɛsitɛri 2:17

A Ɛsitɛri kéeli fànʔafɔw dɛ́nɛ n sɔ̀lɔ cesanbèle myɛ wólo na, a wi kacànna ní kpɔʔɔrɔ taa fànʔafɔw ma n sɔ̀lɔ nàngeele sinján pìcaasanbèle myɛ na. Lǎli bee ni a wi fànʔafɔ-nyùndɔnni tɔ́n Ɛsitɛri nyǔngi ni n wi kpéʔele fànʔafɔjew Vasitii sìndɛɛgi ni.

Ɛsitɛri 2:3

Fànʔafɔw n yɛlɛ wi fali kaan pèle ma wi fǎngi tátɛɛyɛ myɛ ni, poro í nàngeele sinján pìcaacǎnbèle myɛ kpóʔoro Suzi fàngegi ni, cébèle kpaʔa ni, pé ba be yaʔa Hege kɔ́yi ni, wee fànʔafɔw wòlo lè, níì wi cáan wi pye cébèle kpaàweleo, páā be céri nìjanra sìnmɛ kaangi be ma.

Ɛsitɛri 8:9

A be fǎngi sɛ́bɛkanbéle yeri cángi bee wonijanga, gi pye lè yedaanri wógi canya toko ní taanri ki lè Sivan yégi. Syɛ́ɛnree Maridosye joo lè, a be dee bee myɛ sɛ́bɛ n tórigo Zyefubèle, ní tátɛɛyi kàfɔɔlɔ, ní guvɛrinɛɛribèle, ní kùndigibèle myɛ ma, n séli Ɛndi tátɛɛyi myɛ na n sáà nan Etyopii na, tátɛɛyɛ togoye kɔrɔni ní kɔrɔsiin ma. Tátɛɛyi myɛ nibin nibin wòolo maa sɛ́bɛ n yɛlɛ ní be sɛ́bɛganmi ní, a syɛɛnfeleyi myɛ nibin nibin wòolo sɛ́bɛ be syɛ́ɛnri ni, a Zyefubèle wóo sɛ́bɛ be sɛ́bɛganmi na ní be syɛ́ɛnri ni.