Ɛsitɛri 2:12 - Cebaara Bible 2010

¹² Pìcaabèle maa ni peyɛɛ zámagi yeye kɛɛ ní siin fúngo ni bi yɛlɛ ní gee ní gi sɛ́bɛ cébèle sámaga-nyɔɔnɔ kéele na lè. Yezeliyi kɔrɔni maa pye be ma paa peyɛɛ zámagi ní míiri sǐnmi ní, yezanyee kɔrɔni si pye paa peyɛɛ zámagi ní nùndaanni yáriraa ní, n fàra cébèle nìjanra sinmɛ na. Koro kàdoʔo ma a fànʔafɔw Asyerusi kpáagi jéele nan pìcaabèle myɛ nibin nibin na.

Ɛsitɛri 2:12 Iomraidhean Croise

Ɛsitɛri 2:11

Canʔa o canʔa Maridosye maa ni nyaari ni sɔ̀lɔ́ cébèle kpaʔa kpàánweele nyɔ́ɔ na, koro ga pye bi gi cán kapye Ɛsitɛri n cólogo, si wɔ́ɔ gi cán kánmee na pe wi náari lè.

Ɛsitɛri 2:13

Lǎli ni pìcaaw ga ni syée fànʔafɔw tɛ́ʔɛ ma lè, gee myɛ wi ga ni caa lè ki n kaan wi ma jàngó wi yìri cébèle kpaʔa ma bi kári ní gi ní fànʔafɔ-gbaagi ma.

Ɛsitɛri 2:3

Fànʔafɔw n yɛlɛ wi fali kaan pèle ma wi fǎngi tátɛɛyɛ myɛ ni, poro í nàngeele sinján pìcaacǎnbèle myɛ kpóʔoro Suzi fàngegi ni, cébèle kpaʔa ni, pé ba be yaʔa Hege kɔ́yi ni, wee fànʔafɔw wòlo lè, níì wi cáan wi pye cébèle kpaàweleo, páā be céri nìjanra sìnmɛ kaangi be ma.

Ɛsitɛri 2:9

A pìcaaw kéele tɔ̀nɔ n wi dɛ́nɛ, a wi i funjànga kpéʔele ní wi ní. Céri nìjanra sìnmɛ, ní lìíli lɛɛlɛ li yɛlɛ bi kaan wi ma lè a wi toro kaan wi ma kelekele, n fàra fànʔafɔ-gbaagi falipye-pìcaala kɔrɔsiin na pe da yɛlɛ bi kaan wi ma lè, níì wi lége ní wi falipye-picaabèle ní cébèle kpaʔa tɛɛcàndelege ni.

Kàseegèle 7:17

Mii n nùndaanni yárira wo mii yasinɛgi na ti lè míiri, ní alowɛsi, ní kanɛli.

Ŋúnudaangi 3:6

Nyàʔá gi yìri yaà gee fìími tára ma ni maa àmɛɛ wíritɔnɔyɔ nyɛ lè, ní àmɛɛ míiri nùndaanna wírile ní nùndaanna míige nyɛ lè, ní nùndaanni yáriga latikɔli féleye myɛ ní?

Ezayi 3:24

Lǎli bee ni yafɔnʔɔgɔ núngo a pye nùndaanna sìndɛʔɛ ni. Mɛɛnnɛ si pye sɛntiiri sìndɛʔɛ ni. Nyùnvologo si pye nyùndiinge sìndɛʔɛ ni, Gɔ̀nvaʔaga búrogo si pye burojàn-dèlege sìndɛʔɛ ni. Namisógugo si pye nìjanra sìndɛʔɛ ni.

Ezayi 57:9

Mɔ i tánʔani kpéʔele ni syée fànʔafɔw ma ní sìnmɛ ní, mɔ i mɔ nundaanni yárira nɛʔɛgi, mɔ i mɔ tundunbèle tórogi táleelire ma, mɔ n be kaan a be tìgi n jée fwɔɔ n sáà nan kúbèle tɛɛkòrogo na.