Ɛsitɛri 10:3 - Cebaara Bible 2010

³ Níì cán zyefuw Maridosye wi da kpɔ́ʔɔ n taʔa fànʔafɔw Asyerusi na. Wi maa pye syɛɛnkpɔɔɔ Zyefubèle nínge ni. Wi kéeli maa wi senyɛnnɛʔɛmi dɛ́nɛ. Wi maa ni wi syɛ́ɛnbèle nyɔɔmɔ caa, ní i wi syɛɛnfelegi myɛ kacànna caa.

Ɛsitɛri 10:3 Iomraidhean Croise

Sélimɛ 41:40

Mɔ wi a tɛ́ɛn mii kpáagi nyúngo na. Mii tári syɛ̀ɛnnɛ a ra lúro mɔ ma. Fàngoli yagana kéele li a mii kpɔ́ʔɔ mɔ na.»

Sélimɛ 45:10

Mɔ a ba tɛ́ɛn Gosyɛn tɛ́nɛmi ni bi pye naa mii taana, mɔ ní mɔ piibèle, ní mɔ piinyanbiiyi, n fàra mɔ yaweeyiligèle, ní mɔ yaweekpologèle, ní mɔ kɔ́lɔ yáriri myɛ na.

Sélimɛ 45:11

Mii a ra mɔ màkow myɛ nyɔɔgi tɛ́ɛgi bee ni, jàngó yarigaa a kɔ́ mɔ, ní mɔ kpáagi, ní mɔ syɔ́ɔnwaa faala fɔ̀n í. Níì cán kateegi yɛ̀ʔɛlɛ n sèʔê kòro kagunɔ.›

2 Cányi kèlē 28:7

Zikirii wi pye lè Efirayimi nànniriwaa, a woro fànʔafɔw jáa Maaseyahu kpóo, n fàra Azirikami na wi pye lè fànʔafɔ-gbaagi nyúngo na, ní Elikana wi pye lè fànʔafɔw taʔara wóo.

Nehemii 2:10

Sanbala wi lè Horɔn ye wów, ní Amɔn ye Tobiya, wi lè syɛɛnkpɔɔwaa, a poro ga kéeli bee lóʔo, a gi tɔ̀nɔ n be bɛɛn gbanʔama, àmɛɛ nànwaa pan lè n ba ni Isirayɛli yòdaʔayi wòolo nyɔɔmɔ caa.

Ɛsitɛri 2:5

Zyefunànwaa maa pye yaà Suzi ni, ki lè fàngegi, pe i wi yiri Maridosye, wi pye lè Yayiiri jáaw, Yayiiri wi lè Syimeyii jáaw, Syimeyii wi lè Kisyi jáaw, wi pye lè Bɛnzyamɛ yòdaʔagaa.

Ɛsitɛri 3:2

Fànʔafɔw falipyebèlē myɛ pe da ni tɛ̀ɛ́n fànʔafɔ-gbaagi kpaaweele na lè, pe maa ni yégunri cáan ní i tíri ni tuun ni Haman kpɔ̀ʔɔrɔ́, níì cán fànʔafɔw wi da koro joo n gbàn. Kàjáa Maridosye da fɔ̀lɔ ni yégunri cáan wàlá ni tíri ni tuun í.

Danyɛli 5:16

Mii n mɔ kéeli lóʔo a gi jo mɔ n gbàn ni kèlē kɔ́rɔ nyuu, ní wɔ́ɔ̀ gbàn ni yíbegbanyi syɛɛnlurugoro kaangi. Tɔ́ɔliw ni doò, mɔ ga gbàn n sɛ́bɛri naa wéle níì di kɔ́rɔw joo mii ma, burogbɔɔ-nyɛ̀nʔɛ a le mɔ na, mɔ a tɛɛ̀ nyɔ̀ʔɔmɔ le mɔ yátiigi ni, si pye kùndigi-taanri wów fǎngi ni.»

Danyɛli 5:29

A Bɛlisyasari fala n gi joo n gbàn níì jo be burogbɔɔ-nyɛ̀nʔɛ le Danyɛli na, pé tɛɛ̀ nyɔ̀ʔɔmɔ le wi yátiigi ni, pé wi kéeli jáari si jo woro wi a pye fǎngi kùndigi-taanri wóo.

Danyɛli 6:3

A wi kùndigibéle taanri télege tári kacɔɔnribéle nyúngo na. Danyɛli si maa pye kùndigibèle bee taanri ni, poro má tári kacɔɔnribéle da yɛlɛ bàā be fáliw kèlē nyuu, jàngó gàlagí faala a kɔ́ nan fànʔafɔw na í.

Wɔrɔmi ye 10:1

Ni senyɛ̀nnɛ, gee mii caa lè mii fúngi ni gbanʔama, ní gee mii nyɛ́ɛri Kolocɔlɔɔ ma Isirayɛli ye kéeli na lè, koro gi nyɛ be taa syɔɔ.

Wɔrɔmi ye 14:18

Wee wi ga ni báara lè Kirisi ma kánmi bee na, woro kéeli n Kolocɔlɔɔ dɛ́nɛ, á wi mɛ́ɛtanʔa taa syɛ́ɛnbèle ma.

1 Samyɛli 18:16

Kàjáa Davidi kéeli maa Isirayɛli ye ní Zyuda ye myɛw dɛ́nɛ. Níì cán wi maa ni kínigi be yɛ́ɛgi na a be i syée ní i maa.

1 Samyɛli 23:17

Wi n sáà wi pye: «Mɔ a kɔ́ ra fɛ̀ɛgí í, níì cán mii tóow Sawuli kɔ́gi a nan mɔ na í. Mɔ a ba tɛ́ɛn fǎngi na Isirayɛli ye nyúngi na, mii si taʔa mɔ na. Mii tóow Sawuli n wɔ́ɔ̀ koro cán.»