Ɛsitɛri 10:2 - Cebaara Bible 2010

² Fànʔafɔw sée, ní wi sànbalimi n fàra kánmee na wi Maridosye lúrugo ǹjoʔo ma lè, gee bee myɛ n sɛ́bɛ Mɛdi ye ní Pɛrisi ye fànʔafɔbèle kèlē sɛ́bɛ ni.

Ɛsitɛri 10:2 Iomraidhean Croise

1 Fànʔafɔbèle 11:41

Salomɔn kasangèle, gee bee n jo gee myɛ wi kpéʔele lè ní wi sícilimi, gee bee n sɛ́bɛ Salomɔn kapyegèle sɛ́bɛ ni.

1 Fànʔafɔbèle 14:19

Zyerobowami kasangèle ke lè àmɛɛ wi kapɛɛnni kpúmɔn n sɛ́ɛ lè, ní àmɛɛ wi pye fǎngi na n sɛ́ɛ lè, gee bee n sɛ́bɛ Cányi kèlē sɛ́bɛ ni wi lè Isirayɛli fànʔafɔbèle sɛ́bɛ.

1 Fànʔafɔbèle 22:39

Akabi kasangèle, ní gee myɛ wi kpéʔele lè, ní sogǎngèle kpaʔa wi sámaga lè n fàra kěyi myɛ na wi faan lè, gee bee n sɛ́bɛ Cányi kèlē sɛ́bɛ ni wi lè Isirayɛli fànʔafɔbèle sɛ́bɛ.

Ɛsitɛri 2:23

A be kéeli bee sɛʔɛ n wéle n gi nyaa kányɛʔɛ. A be syɛ́ɛnbèle bee siin cɔ̀rɔ tiige na. A kéeli bee sɛ́bɛ fǎngi kèlē sɛ́bɛ ni fànʔafɔw nyɛ́nɛ na.

Ɛsitɛri 6:1

Yébiligi bee ni a ŋúnɔmi pɛ́ɛ fànʔafɔw na. A wi be pye paa maa ní sɔ̀ngudaari kèlē sɛ́bɛ ní wi lè fǎngi kèlē sɛ́bɛ, a pe baa wi wéle fànʔafɔw yɛ́ʔɛ ma.

Ɛsitɛri 8:15

A Maridosye yiri yaà fànʔafɔw tɛ́ʔɛ ni, ní fànʔafɔ-búroyo ní, yi pye lè kɔ́luruna cére fàni wóyo, ní woviiye, n fàra tɛɛ̀ fànʔafɔ-nyùndɔngbɔʔɔ, ní lɛn fàninyɛɛɔn búrogbɔʔɔ na. A Suzi kěgi syɛ̀ɛnnɛ myɛ tɔ̀nɔ i muguri, ní i fundaanra kpéʔele.

Ɛsitɛri 8:2

Lǎli bee ni a fànʔafɔw wi vèʔew wòlo n kaan Maridosye ma, wee wi da nɛnɛ n syɔɔ Haman na lè. A Ɛsitɛri si wɔ́ɔ̀ Maridosye télege Haman kpáagi nyúngo na.

Ɛsitɛri 9:4

Ncan Maridosye maa baa pye fànʔafɔ-gbaagi syɛɛnkpɔɔwaa, wi mɛ́ɛgi maa yiri tátɛɛyi myɛ ni. Kàa maa ni fàrá Maridosye kpɔ́ʔɔli na ni syée.

Ŋúnuyi 18:35

Woro wi mii kɔ́yi tama kapɛɛnni na, fwɔɔ a mii kɔ́diriyi gbàn ni kanyɛɛnri sedege kíle.

Danyɛli 2:48

A fànʔafɔw fala n Danyɛli lúrugo ǹjoʔo ma gbanʔama, níì lɔrɔ yárira saʔa kaan wi ma, níì wi télege Babilɔni tári myɛ nyúngo na, n wi kpéʔele Babilɔni sícilibèle myɛ kùndigikpɔɔɔ.