Ɛsitɛri 1:6 - Cebaara Bible 2010

⁶ Kulɛɛri fànibēle n pye yaà, woviibéle, ní kɔ́luruna cére wòolo á pe be pwɔɔ maribiri kàdɛnɛrɛ gàángéle na, wálifiio vèʔebēle na, ní lɛn mɛ́ɛngéle ní, gele ge pye lè woviigéle, ní wonyɛɛngéle, á be tɛɛ̀ ní wálifiio yasinɛyɛ taʔa tɛɛwɔlɔgɔgɔ na, gee gi pye lè pɔrifiiri, ní maribiri, ní nakiri, ní maribiriwɔɔɔ kadɛnɛrɛ wóʔo.

Ɛsitɛri 1:6 Iomraidhean Croise

Ɛsitɛri 7:8

A fànʔafɔw níì yìri yaà fànʔafɔ-gbaagi nángwɔɔ ma n baa jée lìigbɔɔli tɛ́ʔɛ ni. Koro n gi taa yasinɛgee na Ɛsitɛri da pye wozinɛ-zánʔaɔ ní lè, Haman maa pye gee bee na wodoo-dɛ́ɛɔn ní. A fànʔafɔw yákpoli wáa níì jo: «Pé ní too lé fànʔafɔjew na bi caa mii nyɛ́nɛ na kpáagi naa ni?» Syɛ́ɛnri bee tɛ́nɛ̀ yiri fànʔafɔw nyɔ́ɔ ni lè a be Haman yɛ́ɛgi tɔ́n ní fàni ní.

Ɛsitɛri 8:15

A Maridosye yiri yaà fànʔafɔw tɛ́ʔɛ ni, ní fànʔafɔ-búroyo ní, yi pye lè kɔ́luruna cére fàni wóyo, ní woviiye, n fàra tɛɛ̀ fànʔafɔ-nyùndɔngbɔʔɔ, ní lɛn fàninyɛɛɔn búrogbɔʔɔ na. A Suzi kěgi syɛ̀ɛnnɛ myɛ tɔ̀nɔ i muguri, ní i fundaanra kpéʔele.

Yirile 26:1

«Ki n yɛlɛ mi kpɔ̀ʔɔrɔli fànikpaʔa sámaga mii ma ní fànitɔnɔyɔ kɛɛ ní. Ki sámaga ní lɛn fànifɛɛlɛfɛɛlɛɔ ní wee be sára lè, ní kɔ́luruna céri fàni, ní fàninyɛɛnw, ní fàninyɛɛn-telew ní. Mí syerubɛnbéle sámaga yaà bi yɛlɛ ní kacánmi fálipyeganma ní.

Ezekyɛli 23:41

Mɔ n tɛ́ɛn yasinɛjànga na, gee yɛ́ʔɛ ma tàbali pye lè wodɛʔɛɔ ní, á mɔ mii nùndaanni yáriga ní mii sǐnmi taʔa wi na.

Amɔsi 2:8

Pe i sìnɛ́ sáriga-wòlo-yafaanyi myɛ taana búroyi na, yee be syɔɔ n tɛ́ʔɛ fwɔɔlɔ nyɔ́ɔ ni lè, ní i dùvɛɛnw gbo be kolocɔlɔbèle kpɔ̀ʔɔrɔlɔ kpaaya ni, wee be pèle kɔ́ri a be kaan lè.

Amɔsi 3:12

Yawe wi gee naa joo níì jo: «Amɛɛ bànaʔaɔ gáà yaweele tɔ́lɔyɔ siin, wàlá yaweele líicerige yirige lè càaraɔ nyɔ́ɔ ni, kánmi bee na Isirayɛli ye a ba syɔɔ, poro bele be nyɛ lè wodɛ́ɛnbéle ní Samarii ni, níì sínɛ yasinɛyɛ na Damasi làgoyo na.»

Amɔsi 6:4

Pe i sìnɛ́ sogǎngèle yasinɛyɛ na, pe i peyɛɛ zánʔana fundaanra na làgoyi na ní i bàtogi bàpiiye káa n fàra náapiiyi na be cáan a yi sìnmɛ le lè.

1 Samyɛli 28:23

Kàjáa a wi cée níì jo: «Mii a lìi í.» A wi falipyebèle ní céw wɔ́ɔ̀ wári wi na, a wi be jóomi lóʔo, níì yìri tári na n tɛ́ɛn yasinɛgi na.