Ɛsitɛri 1:12 - Cebaara Bible 2010

¹² Kàjáa a fànʔafɔjew Vasitii cée, wi ga fɔ̀lɔ n pan n yɛlɛ ní fànʔafɔw syɛ́ɛnrɛ ní wi da joo n gbàn nǎnbèle má pe da wòlo lè, a be sáà joo wi ma lè í. A fànʔafɔw fúngo tɔ̀nɔ n tanʔa gbanʔama, a wi fúngi tɔ̀nɔ n yìri n baa sɔ̀lɔ.

Ɛsitɛri 1:12 Iomraidhean Croise

Sélimɛ 3:16

A wi gi joo céw ma níì jo: «Mii a ceseegi wɔʔɔgɔ gbàn mɔ na gbanʔama. Mɔ a ra wɔʔɔ fícɛnni yáala báriga ni. Mɔ sɔnguri a ra mɔ kíle mɔ nanw kàbaan na, woro si pye mɔ nyúngi na.»

Ɛsitɛri 1:11

níì jo pe sa fànʔafɔjew Vasitii yeri wi fànʔafɔ-nyùndɔnni tɔ́n wi ba wi nìjanri tɛ̀ɛn syɛ́ɛnbèle, ní kùndigibèle na, níì cán wi maa tɔ̀nɔ n nyɔɔ.

Ɛsitɛri 1:13

A fànʔafɔw sícilibèle nyaa n joo, poro bele be làrigèle cán lè, níì cán kánmi bee na fǎngi kèlē da ni sɔ̀lɔ́ bele má làlwaw kèlē, ní kútiiw kèlē cánna nyɛ lè, pe da ni kòró wi taana lè,

Ɛsitɛri 7:7

A fànʔafɔw fúngo tanʔa gbanʔama, a wi yìri terire n yiri lìigbɔɔli tɛ́ʔɛ ni n sáà jée fànʔafɔ-gbaagi nángwɔɔ ni, á Haman kòro yaà ni fànʔafɔjew Ɛsitɛri nyɛ́ɛri jàngó woro sìíw í syɔɔ. Níì cán wi maa gi nyaa àmɛɛ fànʔafɔw gi tímana n kwɔ́ɔ bi kapeʔe pye woro na lè.

Ŋúnuyi 74:1

Tamani ŋúnugo Azafi ŋùu lè. Ee Kolocɔlɔɔ, nyàʔá na mɔ wolo wáa n yaʔa nya làla o làla? Nyàʔá na mɔ fundanʔari có naà bǎbèle kánma na bele mɔ náari lè?

Ŋúnuyi 79:5

Làlìí ni mɔ fundanʔari a kwɔ́ɔ, ee Yawe? Mɔ a kòro lé fundanʔari na bàā syée nya làla o làla? Mɔ káyaagi si wɔ́ɔ kòro lé bàā nyín àmɛɛ naà nyɛ lè?

Yirile 32:19

A wi ga nùuni tɛɛkòrogi na, a wi náapiigi, ní yɔ́ɔfɔbèle ní yɔ́ɔli nyaa. A wi fundanʔari cò naà, a wi kɔlɔ̀ láʔa kàlagorigèle na n ge wáa n jabagi nyanbelegi tìgimɛ ni.

Yirile 32:22

A Aarɔn wi yari: «Ni kàfɔlɔ, mɔ fúngi ga yɛlɛ bi tanʔa sɔ̀lɔ í. Mɔ tiimaa n syɛ́ɛnbèle naa cán, kapeʔe pyele sɔngurɔ di nyɛ be ni.

Kàseegèle 19:12

Fànʔafɔw fundanʔara i nyɛ àmɛɛ càaraɔ kaanana nyɛ lè, wi funjǎngi si i nyɛ àmɛɛ kásaga nyɛ lè nyàā na.

Kàseegèle 20:2

Fànʔafɔw fundanʔara i nyɛ àmɛɛ càaraɔ kaanana nyɛ lè. Wee wi ga wi fúngi tanʔa lè, wee bee n kapeele pye wiyɛɛ na.

Danyɛli 2:12

A gee bee gi kaan a fànʔafɔw fúngo tanʔa, a wi fúngi tɔ̀nɔ n yìri gbanʔama, a wi gi joo n gbàn níì jo be Babilɔni sícilibèle myɛ kpóo.

Danyɛli 3:13

Lǎli bee ni a Nebukadinezari fúngi tɔ̀nɔ n yìri gbanʔama, a wi fúngi tɔ̀nɔ n tanʔa, a wi gi joo n gbàn níì jo paa maa ní Syadiraki, ní Mesyaki, ní Abɛdi-Nego ní. A be pan ní nǎnbèle bee ní fànʔafɔw yɛ́ʔɛ ma.

Danyɛli 3:19

Lǎli bee ni a Nebukadinezari tɔ̀nɔ n nyìn fundanʔagbɔɔri na, a wi yɛ́ɛgi fàli Syadiraki, ní Mesyaki, ní Abɛdi-Nego ye yɛ́ʔɛ ma. A wi níì gi joo n gbàn níì jo, be fúruw wáriga ki tɛɛyɛ kɔrɔsiin bi sɔ̀lɔ wi wárigaganzelimi na.

Nahumi 1:6

Wìí wi a gbǎn soro yére bi wi fundanʔagbɔɔri sige? Wìí wi a gbǎn yére bi wi fundanʔari naagbanga sige? Wi fundanʔari i caragi àmɛɛ naà nyɛ lè, wi i fálayi jabagi.

Efɛzi ye 5:22

Cébèle, ki n yɛlɛ yaa lúro yele tiimaa nǎnbèle ma àmɛɛ yele lúro lè Kàfɔw ma.

Efɛzi ye 5:24

Amɛɛ si Egiliziw lúro Kirisi ma kánmee na lè, kánmi bee na cébèle yɛlɛ paa lúro be nǎnbèle ma kérigèle myɛ ni.

Làlwaw Kaanziin 29:20

Yawe a wi wàli bi yirige Isirayɛli syɛɛnfeleyi myɛ ni bi kaan wɔʔɔli ma bi yɛlɛ ní joogaanni dánga syɛ́ɛnrɛ myɛ ní di sɛ́bɛ lè làlwa-sɛ́bɛw naa ni.

1 Pyɛri 3:1

Kánmi bee na, yele cébèle, ki n yɛlɛ yaa lúro yele nǎnbèle ma, jàngó yele wàa nàɔn ga pye wi ga fɔ̀lɔ bi yére Kolocɔlɔɔ syɛ́ɛnri ni í, wi céw nàʔama í pye sábabu wí taa syɔɔ, àlí syɛɛnrɛ sinjoo ni wi ma,