Ɛsitɛri 1:11 - Cebaara Bible 2010

¹¹ níì jo pe sa fànʔafɔjew Vasitii yeri wi fànʔafɔ-nyùndɔnni tɔ́n wi ba wi nìjanri tɛ̀ɛn syɛ́ɛnbèle, ní kùndigibèle na, níì cán wi maa tɔ̀nɔ n nyɔɔ.

Ɛsitɛri 1:11 Iomraidhean Croise

2 Samyɛli 14:25

Nànwaa si da pye Isirayɛli myɛw ni wee wi nyɔɔ cere na n Abisalɔmi kwɔ́ɔ lè í. Wi nìjanri wóʔo maa ni nyuu gbanʔama. N séli yédaagèle na fwɔɔ n sáà nan nyùnlibiw na, tɛɛlɛ faala da pye wi na í.

Ɛsitɛri 1:12

Kàjáa a fànʔafɔjew Vasitii cée, wi ga fɔ̀lɔ n pan n yɛlɛ ní fànʔafɔw syɛ́ɛnrɛ ní wi da joo n gbàn nǎnbèle má pe da wòlo lè, a be sáà joo wi ma lè í. A fànʔafɔw fúngo tɔ̀nɔ n tanʔa gbanʔama, a wi fúngi tɔ̀nɔ n yìri n baa sɔ̀lɔ.

Ɛsitɛri 2:17

A Ɛsitɛri kéeli fànʔafɔw dɛ́nɛ n sɔ̀lɔ cesanbèle myɛ wólo na, a wi kacànna ní kpɔʔɔrɔ taa fànʔafɔw ma n sɔ̀lɔ nàngeele sinján pìcaasanbèle myɛ na. Lǎli bee ni a wi fànʔafɔ-nyùndɔnni tɔ́n Ɛsitɛri nyǔngi ni n wi kpéʔele fànʔafɔjew Vasitii sìndɛɛgi ni.

Ɛsitɛri 6:8

Ki n yɛlɛ be fànʔafɔ-búrogaa láa, gee fànʔafɔw le n kwɔ́ɔ lè ní syɔɔngaa, gee na fànʔafɔw tɛ̀ɛ́n lè, koro gee nyúngo ni fànʔafɔ-nyùndɔnnɔ nyɛ lè,

Kàseegèle 16:9

Syɔɔn fúngi i wi kólogi kèlē tímana, kàjáa Yawe wi wi nyɔ̌ngèle sámagi ni yéregi.

Kàseegèle 31:30

Kpɔ́ʔɔri i syɔɔn fáana, céri nìjanra si i nyɛ gbanzan. Kàjáa céwee wi fɛ̀ɛgí Yawe na lè, woro pe a sòolo.

1 Samyɛli 25:3

Nǎnw bee mɛ́ʔɛ pe da ni yiri Nabali, ní i wi céw yiri Abigayili. Yákirii cɔ́ɔ wi pye, ní wɔ́ɔ̀ nyɔɔ cama. Kàjáa nǎnw fúngo maa tɔ̀nɔ n gbàn, á wi nàʔami pee. Wi maa pye Kalɛbi yòdaʔaga.