Ɛsitɛri 1:10 - Cebaara Bible 2010

¹⁰ Canya kɔrɔsiin wógi na, n fànʔafɔw Asyerusi yaʔa dùvɛɛnw gbaala fundaanra na, wi falipyenǎnbèle kɔrɔsiin pe da wòlo lè, pe lè Mehuman, ní Bizita, ní Haribona, ní Bigita, ní Abagita, ní Zetari, ní Karikasi, a wi poro tun

Ɛsitɛri 1:10 Iomraidhean Croise

Sélimɛ 43:34

Yaliiree ti da pye Zyozɛfu wóri lè, a Zyozɛfu toro tàa wòlo wiyɛɛ taana n kaan wi senyɛnbèle ma. Wi si maa Bɛnzyamɛ wóri yaʔa a di nɛʔɛ n sɔ̀lɔ wi senyɛnbèle myɛ wóro na ki tɛɛyɛ kagunɔ. A be gbaa, á pe myɛ pínɛ n pye fundaanra na.

2 Samyɛli 13:28

A Abisalɔmi syɛ́ɛnri naa joo n gbàn wi falipyebèle ma níì jo: «Yaa kɔ̀rɔsíi, lǎli ni Aminɔn ga dùvɛɛnw gbaa n pye fundaanra na lè, mii ga yele pye: ‹Ki n yɛlɛ ye Aminɔn kpúmɔn ye kpóo,› ye wi kpúmɔn ye kpóo. Yele a kɔ́ fyáa í. Mii ban wi gi joo n gbàn yele ma ì? Ye nìrimi le yé pye sànbalibéle.»

Ɛsitɛri 1:9

A fànʔafɔjew Vasitii wɔ́ɔ̀ lìigbɔɔlɔ sámaga cébèle ma fànʔafɔw Asyerusi fànʔafɔ-gbaagi ni.

Ɛsitɛri 3:15

A tundun-jólogobèle yiri n kári kelekele n yɛlɛ ní fànʔafɔw kajoolo ní. A kéeli bee jáari Suzi ni, ki lè fàngegi. Fànʔafɔw ní Haman si maa tɛ́ɛn ni gbo. Suzi kěgi maa pye nyatinmɛ.

Ɛsitɛri 7:9

Haribona wi da pye bele ni pe da wòlo lè a woro gi joo fànʔafɔw nyɛ́nɛ na níì jo: «Cɔ́ɔ! Cɔ̀rɔli tíige Haman da sámaga n yérige wi kpáagi ni, gee tɔnɔganma pi da pye lè mɛ́tiribéle toko ní kagunɔ, koro gee wi da sámaga Maridosye kánmi na, woro wee jóomɔ pi da nyɔɔ fànʔafɔw na lè, ki i yaà.» A fànʔafɔw jo: «Ye sa wi cɔ̀rɔ gi na.»

Kàseegèle 20:1

Dùvɛɛnw i nyɛ nɛ̀ɛnyɛnɛgɛfɔlɔ, singbǎnmi i nyɛ kàfulonɛʔɛgɛ. Wee wi ga pùuni n jée bi ni lè wi a pye sícilio í.

Kàseegèle 31:4

Lemuwɛli, gee naa ga yɛlɛ fànʔafɔbèle na í, fànʔafɔbèle ga yɛlɛ paa dùvɛɛn gbo í, wàlá singbǎnmi láa í da kùndigibèle taagi í,

Syɛɛnjóow 10:19

Lìile i kpéʔele fundaanra pyele kéele na, dùvɛɛnw si i fundaanra kaangi sìíw ma, wáliw si i kérigèle myɛ cɔɔnri.

Jàbɔbèle 16:25

N be yaʔa be fundaanri na a be jo: «Ye sa Samisɔn yeri yaà koro ga pye wi ba ra wo bàrí.» A be sáà Samisɔn yeri n yirige kàsow ni, a wi ba ni kɔ̀nʔɔ be yɛʔɛ̀ ma. A be wi yérige gàángèle siin nínge ni.

Jàbɔbèle 19:6

A be siinw tɛ́ɛn n pínɛ n lìi níì gbaa. Koro kàdoʔo ma a cepiiw tóo céw nàɔn pye: «Fɔ̀lɔ mi syɔ́ɔn naa, mí fundaanra pye.»

Wuruti 3:7

A Bowɔzi lìi níì gbaa, a wi fúngi wi dɛ́nɛ. A wi sáà sínɛ orizyegbɔnni láʔala na. A Wuruti pan yɛrirɛ n baa yatɔngi láʔa wi tɔ́lɔyi na níì sínɛ.